“Kənd təsərrüfatı ili”ndə yeni layihələrin icrasına başlanacaq
Tarix: 16.01.2015 | Saat: 19:21:00 | E-mail | Çapa göndər


Azərbaycanda kənd təsərrüfatının inkişaf etdirilməsi, ərzaq təhlükəsizliyinin təmin olunması və kənd təsərrüfatı məhsullarının keyfiyyətinin yüksəldilməsi məqsədilə yeni layihələrin icrasına başlanılacaq.
Kənd Təsərrüfatı Nazirliyinin Heyvandarlıq şöbəsinin müdiri Qalib Əbdüləliyev bildirib ki, əsas hədəflərdən biri ailə kəndli təsərrüfatlarının inkişaf etdirilməsindən ibarətdir. Q. Əbdüləliyevin sözlərinə görə, bununla bağlı hazırda nazirlik yeni layihə üzərində işləyir. Şöbə müdiri deyib ki, heyvandarlığın yeni inkişaf modelində xırda pay torpaqlarına malik olan ailə təsərrüfatlarında hazırda saxlanılan az məhsuldar heyvanların yüksək məhsuldar heyvanlarla əvəz edilməsi təklif edilir: “Bununla yanaşı, belə təsərrüfatların stimullaşdırması və eyni zamanda yaxşı, təmiz məhsulun əldə olunması məqsədilə heyvanların tövlə şəraitinin də modern şəkildə qurulması nəzərdə tutulub. Burada əsas məsələlərdən biri damazlıq işidir, yəni kənd təsərrüfatı heyvanlarının genetik potensialının yüksəldilməsi ilə bağlıdır. Bu potensialı ortaya çıxarmaq üçün heyvanlar yaxşı yemlənməli, yaxşı şəraitdə saxlanılmalı və sağlam olmalıdırlar”.
İlkin təkliflə görə, ailə kəndli təsərrüfatlarına minimal olaraq 5 baş heyvanın verilməsi məqbul sayılır. Bir gündə laktasiya dövründə 20-25 litr süd verən 5 yüksək məhsuldar inək saxlanırlarsa, bir gündə təxminən 100 litr süd istehsal olunar. Q.Əbdüləliyev deyib ki, həmin ailə təsərrüfatı əldə etdiyi südü 40 qəpiyə satsa, bir gündə ailəyə 40 manat gəlir daxil olacaq: “Ailə bunun yarısını mal-qarasına sərf etsə, qalan yarısı da özünə qalacaq. Biz bu prizmadan yanaşırıq. Bütün bunlar ailə təsərrüfatına güzəştli şərtlərlə təqdim olunacaq. Bu, mikrokredit, lizinq və ya başqa bir formada ola bilər. Əsas məqsəd ailə təsərrüfatının o güzəşti hiss etməsidir. Bütün bunlar layihə üzərində iş tam bitdikdən sonra məlum olacaq”.
Heyvandarlıqda damazlıq işinin inkişafı üçün ölkəyə yüksək məhsuldar heyvan cinslərinin idxal olunduğunu qeyd edən şöbə müdiri bildirib ki, bu o həddə çatıb ki, artıq ölkədə yeni cins heyvanlar nəsli yetişib: “Yəni ümumilikdə belə heyvanların əmələ gəlməsi üçün potensial yaranıb. Bu potensialdan istifadə edərək xırda ailə təsərrüfatlarını inkişaf etdirəcəyik və heyvandarlıqda idarə etməni modernləşdirəcəyik. Bu həm də resurslardan, pay torpaqlarından səmərəli istifadə, yüksək məhsuldarlıq, yüksək məhsul bolluğunun yaranmasına gətirib çıxaracaq. Həmçinin məhsul təmiz şəraitdə əldə olunacaq”.
Qeyd edək ki, bu layihə dünyada özünü doğruldan təcrübələrin respublikaya gətirilməsi, ailə təsərrüfatlarına bu istiqamətdə köməklik etmək və yaxşı nümunələrin ölkədə genişlənməsinə şərait yaratmağı hədəf götürüb.

Nigar




 
Bölməyə aid digər xəbərlər
18.09.2018
Aşıq Hüseyn Bozalqanlının “Xalxal səfəri” dastanı belə başlayır...
18.09.2018
Biləsuvar şəhərində 1176 şagird yerlik yeni ümumtəhsil məktəbi tikiləcək
18.09.2018
Məcburi köçkünlərin növbəti qəbulu keçirilib
18.09.2018
Rektor: “İnstitutumuzda dövlətin qayğı və təminatı ilə hər cür şərait yaradılıb”
18.09.2018
Ucqar dağ kəndlərindəki uşaqlara məktəb ləvazimatları verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info