“Guantanamo insan hüquqlarına və qanunun aliliyinə böyük ləkədir”
Tarix: 22.01.2015 | Saat: 23:46:00 | E-mail | Çapa göndər


ABŞ prezidenti Barak Obamanın Quantanamodakı həbsxananın bir il müddətinə ləğv ediləcəyi barədə verdiyi sözdən artıq altı il keçsə də, məsələ hələ də həllini tapmayıb. 2009-cu ilin sonuna qədər bağlanacağı nəzərdə tutulan məhbəs hələ də fəaliyyətdədir.
120 nəfərdən artıq məhbus məhkəmə qarşısına çıxarılmadan hələ də həbsdə saxlanılır. ABŞ hökuməti terrorda şübhəli bilinən məhbuslarla qəddarcasına rəftar edildiyini təkzib etməyə çalışsa da, mətbuatda yayılan sənədlər bunların əksini göstərir. Bu məsələ ilə bağlı bir qrup amerikalı senator 6 min səhifədən ibarət hesabat hazırlayıb. Ötən ilin dekabr ayında açıqlanan 500 səhifəlik xülasədə qeyd edilir ki, məhbuslarla pis rəftar və işgəncə 2001-ci ildə ABŞ-a qarşı terror hücumlarından sonra daha şiddətli xarakter alıb. Belə işgəncələrə məruz qalanlardan biri - Mavritaniyadan olan Mohamed uld Slahi artıq 13 ildən artıqdır ki, həbsdədir. Norveçin “Aftenposten” qəzetinə öz həyat hekayətini danışan məhbus aydın şəkildə deyib ki, 2001-ci ildə hücumlarından sonra ABŞ-ın keçmiş vitse-prezidenti Dik Çeyni tərəfindən verilən “terrorizmə qarşı müharibə çirkli iş” olmalıdır” bəyanatı bir çox yolverilməz hərəkətlərin baş verməsinə səbəb olub: “Həmin ərəfədə 800-dən artıq məhbus Quantanamoya göndərilib və artıq 13 ildir ki, ABŞ-ın terrora qarşı müharibəsinin bir hissəsi kimi bu məhbəs mövcuddur. Bu gün əminliklə demək olar ki, həmin həbsxananın məhkumları qanunsuzluğun simvoludur. Bu, əbədi olaraq ABŞ-ın keçmiş prezidenti Corc Buşun adı ilə bağlı olaraq qalacaq. Nə qədər ki, bu həbsxana bağlanmayıb, tarixdə qanunsuzluğa son qoymamağın simvolu kimi qalacaq. Bu, eyni zamanda həbsxananın bağlanacağına söz verən başqa bir şəxsin-ABŞ-ın hazırkı prezidenti Barak Obamanın adı ilə də bağlı olacaq. Bəlkə də Obama həbsxananın bağlanmasına səy göstərib. Lakin Konqresin şiddətli müqaviməti qarşısında tab gətirə bilməyib. Bununla belə, məhbusların bəzilərinin ABŞ-da məhkəmə qarşısında dayanması ilə bağlı təklif müqavimətlə qarşılaşıb. Obama onların bəzilərinin ABŞ üçün heç bir təhlükə törətmədiyini nəzərə alaraq həbsxananı mümkün qədər “təmizləməyə” çalışır. Ancaq çox az sayda məhbus qalacağı təqdirdə Konqresin həbsxananın rentabelsiz olduğuna görə baglanmasına razılıq verəcəyinə ümid edilir. Lakin bunların yaxın zaman kəsiyində baş verəcəyi o qədər də inandırıcı görünmür. Qeyd edilməlidir ki, bir çox insan hüquq müdafiəsi təşkilatları tərəfindən həbsxananın bağlanması tələbi ilə ABŞ-a amansız tənqidlər ünvanlanır. İstefada olan 31 nəfərdən artıq amerikalı general və admiralın etiraz məktublarında qeyd edilir ki, Guantanamo həbsxanası təkcə fundamental insan hüquqlarına deyil, eyni zamanda qanunun aliliyinə böyük bir ləkədir”.
Ağasəf BABAYEV




 
Bölməyə aid digər xəbərlər
19.03.2019
ABŞ-da Perunun eks-prezidenti saxlanılıb
19.03.2019
Birləşmiş Ərəb Əmirlikləri dünyada ən təhlükəsiz ölkədir
18.03.2019
Senator Kirsten Cillibrand 2020-ci ildə ABŞ prezidenti vəzifəsinə namizədliyini irəli sürəcək
18.03.2019
Malidә hәrbi bazaya hücum edilib
18.03.2019
ABŞ-a mәxsus PUA yerә çırpılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info