20 Yanvar qazisi : “1990-cı ilin yanvarında neftçalalılar da qanına-qəltan edildi”
Tarix: 23.01.2015 | Saat: 20:11:00 | E-mail | Çapa göndər


Yanvarın 20-də Şəhidlər Xiyabanına ziyarətə gələnlər arasında Azərbaycanın əyalətlərindən gələn insanlar da çoxluq təşkil edirdi. “Hafta.az”ın əməkdaşının bildirdiyinə görə, onlar 25 il sonra da 20 Yanvar hadisələrindəki ümumxalq birliyini bu gün də nümayiş etdirmək istədiklərini dedilər. Şəhidlər Xiyabanını ziyarət edənlər arasında Neftçala rayon sakini Ələkbər Talıbov da var. Ə.Talıbov əməkdaşımıza açıqlamasında bildirdi ki, o da 1990-cı ilin yanvar hadisələri zamanı əlil olub. Sovet ordusu əsgərinin güllələri ona Bakıda yox, Neftçalada tuş gəlib:
“1990-cı ilin qanlı yanvar hadisələri artıq olmuşdu. Yanvarın 24-də eşitdik ki, Neftçala rayonunun Bankə qəsəbəsindəki sovet ordusunun hərbi bazasından Bakıya qırmızı orduya “kömək” gedəcək. Yeni qırğınların olacağı deyilirdi. Həmin vaxt neftçalalılar bir nəfər kimi ayağa qalxdı. Sovet ordusunun həmin kontingentinin Bankə qəsəbəsindən qırağa çıxmasına, yaxud Bakıya doğru istiqamətlənməsinə yol vermədi. 25 yanvar hadisələri zamanı bizim rayondan iki nəfər şəhid oldu. Mən özüm güllə yarası aldım”.
Ələkbər Talıbov həmçinin vurğuladı ki, o zamankı sovet rəhbərliyi Bakıda milli azadlıq hərəkatını boğmaq üçün imperiya ordusunun bölgələrimizdəki hissələrinə məxfi tapşırıqlar verib:
“Həmin tapşırıqlara əsasən, Neftçala, Lənkəran və digər bölgələrimizdəki hərbi birləşmələr Bakıdakı “Alfa” qrupuna köməyə gedəcəkdi. Amma bizlər bunu vaxtında duyduq və yeni qırğınların olmasına imkan vermədik. Lakin xalqın iradəsi hökm sahibi olsa da, sovet ordusu bizlərə də divan tutdu. 2 nəfər Neftçalada, 8 nəfər Lənkəranda şəhid oldu”.
Ələkbər Tağıyev danışdıqca gözlərini qəhər boğsa da, qəhərin arxasında bir qürur qığılcımı da gördük. Suallarımızı yağdırmağa başladıq:
- Ələkbər dayı, xalqın imperiya önündə əyilməzliyinin səbəbi nə idi?
- Biz ayağa qalxdıq ki, müstəqilliyimizi qazanaq. Bu tarixin zərurəti idi. Biz Azərbaycan adının dünya dövlətləri arasında çəkilməsini istəyirdik. Sinəmizi ona görə qabağa vermişdik ki, Qarabağımız erməni yağılarına verilməsin. Bunun qarşısını almağa çalışırdıq. 25 il əvvəlki hadisələr zamanı 10-larla yaralı və 2 şəhidimiz oldu. Mən də yaralananlar arasında idim.
- Bəlkə də Neftçala hadisələrindən indiki gənclərimiz xəbərsizdir. Onlar bu qırğınların yalnız Bakıda olduğunu düşünürlər. Həmin gənclərə çatdırmaq istədiyiniz bir ismarış varmı?
- Əlbəttə var. Mən istəyirəm ki, gənclərimiz 20 Yanvar hadisələrinin yalnız Bakı ilə məhdudlaşmadığını anlasınlar. Bilsinlər ki, imperiyaya meydan oxuyan Azərbaycan xalqı Nefçalada da, Lənkəranda da gülləbaran edilib. Şəhidlərimiz olub. Qan yaddaşını unutmaq olmaz.
- Ələkbər dayı, bəs nə əcəb 20 Yanvar hadisələrini Neftçalada yox, Bakıda qeyd edirsiniz?
- Bizim Neftçalada da 20 Yanvar şəhidlərini xatırladan abidə kompleksimiz var. Amma xalqımız 20 Yanvar hadisələrinə ən böyük əbədi heykəli Dağüstü parkda ucaldıb. Həm də ən çox qırğınlar burada olub. Ona görə də bu il Şəhidlər Xiyabanına gəlib, burada uyuyan vətən övladlarımızın qəbrini ziyarət edim.
- Sizcə, insan üçün azadlıq uğrunda döyüşməyin bir yaş meyarı varmı?
- Xeyr, yoxdur. Mən əliləm. Bu yaşımda belə Qarabağ savaşında vuruşmağa hazıram. Təki torpaqlar yağı tapdağından azad edilsin.
Ələkbər Talıbov iri addımlarla əllərindəki qərənfil dəstəsini sıxıb, xiyabanın pilləkənlərini qalxır. Yanında mən də yeriyirəm. Qəbir daşlarındakı şəkillərə baxa-baxa sanki həmin hadisələri kinolenti kimi gözünün önündən keçirir. Başını əymədən Əbədi Məşələ doğru irəliləyir. Sanki Əbədi Məşəldən yeni bir yol başlayacaq; itirilmiş torpaqların azadlığı üçün başlanan Azadlıq mübarizəsi. Yolun mübarək olsun, Vətən oğlu!




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info