“Bakı-2015”in açılış və bağlanış mərasimi ilə bağlı yeni vəd
Tarix: 26.01.2015 | Saat: 15:03:00 | E-mail | Çapa göndər


Atletlər Kəndində “Bakı-2015” birinci Avropa Oyunlarının açılış və bağlanış mərasimlərində çıxış edəcək iştirakçıların növbəti dinləmələri təşkil olunub.
Dinləmələri “Bakı-2015”in ulduz elçiləri “Eurovision-2011” Beynəlxalq mahnı müsabiqəsinin qalibləri Eldar Qasımov və Nigar Camal da izləyiblər.
Dinləmədə 50-dən artıq gənc iştirak edib və onlar peşəkar komandanın tapşırıqlarını yerinə yetiriblər.
“Bakı-2015”in açılış və bağlanış mərasimini hazırlayan “FiveCurrents” şirkətinin baş prodüseri Tom Bisinyano Avropa Oyunlarının 2015-ci ilin ən möhtəşəm tədbiri olacağını deyib və ölkə gənclərini bu yarışın bir hissəsi olmağa dəvət edib.
Tom Bisinyano bildirib ki, Avropa Oyunlarına könüllülərin cəlb olunması prosesi davam edir. “Bakı-2015”in könüllüləri “Facebook”da hazırlanmış xüsusi səhifədə qeydiyyatdan keçməklə bu möhtəşəm tədbirin iştirakçısı ola bilərlər. Əminliklə deyə bilərəm ki, “Bakı-2015”də könüllü kimi iştirak edəcək şəxslər zəngin təcrübə qazanacaqlar.
Könüllülərin cəlb olunmasında heç bir yaş məhdudiyyətinin olmadığını vurğulayan Tom Bisinyano “Bakı-2015”də 6 minədək volontyorun iştirakının nəzərdə tutulduğunu diqqətə çatdırıb. “FiveCurrents” şirkətinin baş prodüseri bildirib ki, Avropa Oyunlarının açılış və bağlanış mərasiminin möhtəşəmliyi digərlərindən fərqlənəcək. Bu mərasimlər iştirakçılara unudulmaz anlar yaşadacaq. Xüsusi effektlərdən istifadə isə mərasimlərin yaddaqalan olmasına imkan yaradacaq. Həmçinin bu mərasimlərdə Azərbaycanın tarixi və mədəniyyəti xüsusi olaraq nümayiş etdiriləcək.
“Bakı-2015”in mərasimlərinin iştirakçısı Xumar Quluzadə deyib: “Mənim dinləməm gözəl keçdi. Dinləmədə iştirak edən hər kəs səmimi və gülərüz idi. Artıq böyük ailənin bir hissəsinə çevrildiyimi hiss edirəm və Avropa Oyunlarının mərasim iştirakçısı olmaq üçün məşqlərə başlamağı səbirsizliklə gözləyirəm”.
“Bakı-2015”in ulduz elçiləri Eldar Qasımov və Nigar Camal Avropa Oyunlarında iştirak edəcək könüllülərin tarixin bir hissəsi olacaqlarını, onların gələcək karyeralarına müsbət təsir göstərəcəyini və yeni dostlar qazanacaqlarını bildiriblər.
Tural




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10141

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info