KİVDF-nin beynəlxalq əlaqələri genişlənib
Tarix: 28.01.2015 | Saat: 18:32:00 | E-mail | Çapa göndər


Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib. Fondun Müşahidə Şurasının sədri Umud Mirzəyev iclası giriş sözü ilə açaraq bildirib ki, gündəlikdəki məsələlərə Fondun 2014-cü ilin yekunlarına həsr olunmuş hesabatının müzakirəsi, 2015-ci il üçün Tədbirlər Planının təsdiqi, 2015-ci il üçün ekspertlərinin tərkibinin təsdiqi daxildir. Fondun icraçı direktoru Vüqar Səfərli birinci məsələ ilə bağlı geniş məruzə edərək 2014-cü ildə respublikanın ictimai-siyasi, sosial-iqtisadi və mədəni həyatında baş vermiş hadisələrin diqqət mərkəzində saxlanıldığını, KİV-lərin maddi-texniki bazasının möhkəmləndirilməsinə xidmət edən çoxsaylı layihələrin həyata keçirildiyini diqqətə çatdırıb. Vüqar Səfərli dövlət və cəmiyyət üçün prioritet təşkil edən məsələlərin həllində kütləvi informasiya vasitələrinin potensialından səmərəli istifadə edilməsi, jurnalistlərin peşəkarlığının artırılması və sosial müdafiəsinin gücləndirilməsi məqsədilə ötən il Fond tərəfindən keçirilmiş fərdi jurnalist müsabiqələri barədə ətraflı məlumat verib. İcraçı direktor, həmçinin KİV-lərə Dövlət Dəstəyi Konsepsiyası çərçivəsində sənədləri tələblərə cavab verən 34 gündəlik, günaşırı və həftəlik qəzetə maliyyə yardımının ayrıldığını bildirib. Fondun icraçı direktoru 2014-cü ildə mərkəzi və yerli icra hakimiyyəti orqanları ilə qarşılıqlı faydalı əməkdaşlığın genişləndirilməsi, habelə jurnalistlərin maarifləndirilməsi məqsədilə regionlarda konfransların keçirildiyini diqqətə çatdırıb. Vüqar Səfərli ötən il Fondun beynəlxalq əlaqələrinin daha da genişləndiyini, beynəlxalq təcrübənin öyrənilməsi və tətbiqi məqsədilə jurnalistlərin xarici ölkələrə səfərlərinin təşkil olunduğunu vurğulayıb. Fondun redaksiyalara metodiki, texniki-təşkilati, konsultativ və maliyyə dəstəyi göstərdiyini deyən Fondun icraçı direktoru ötən il keçirilmiş digər layihə və tədbirlər barədə də ətraflı məlumat verib. Sonra hesabat ətrafında müzakirələr aparılıb. Müşahidə Şurasının üzvlərindən Vüqar Əliyev, Vüqar Rəhimzadə, Rəşad Məcid, Əflatun Amaşov, Bəxtiyar Sadıqov və İntiqam Hümbətov çıxış edərək Fondun 2014-cü ildəki fəaliyyətini qənaətbəxş dəyərləndiriblər və hesabat yekdilliklə qəbul edilib. İclasda ikinci məsələ kimi Fondun 2015-ci üçün Tədbirlər Planı müzakirə olunub. 2015-ci ilin respublikamız üçün bir sıra əlamətdar hadisələrlə zəngin olacağını bildirən Fondun icraçı direktoru Vüqar Səfərli hazırlanmış Tədbirlər Planında bunların nəzərə alındığını vurğulayıb. Tədbirlər Planı Müşahidə Şurasının üzvləri tərəfindən müsbət dəyərləndirilərək təsdiq edilib. Müşahidə Şurasında Fondun 2015-ci il üçün ekspertlərin siyahısı da müzakirə olunaraq təsdiq edilib.


Nigar




 
Bölməyə aid digər xəbərlər
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq
18.01.2019
Sədərək uğrunda gedən qeyri-bərabər döyüşdə yurd sevgisi qalib gəldi
18.01.2019
İsveçrədə 20 Yanvar faciəsinə həsr olunmuş poçt markası buraxılıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info