Fyodorov: “Rusiya ictimaiyyəti Azərbaycanı dost ölkə hesab edir”
Tarix: 29.01.2015 | Saat: 15:32:00 | E-mail | Çapa göndər


“Ermənistan Moskvanın dostları sırasında yuxarı pillələrdə deyil”

“Rusiya ictimaiyyəti Azərbaycanı dost ölkə hesab edir”. Bunu “Rossiya seqodnya” agentliyində keçirilən “Rusiyanın dostları və düşmənləri” adlı mətbuat konfransında Ümumrusiya İctimai Rəyi Öyrənmə Mərkəzin (VTSİOM) baş direktoru Valeri Fyodorov bildirib. O deyib ki, Azərbaycan keçirdikləri rəy sorğularında heç vaxt Rusiyanın düşmənləri siyahısında yer almayıb.
Ermənistanın da Rusiyanın dostları siyahısında yer aldığını söyləyən təşkilat rəhbəri qeyd edib ki, bu ölkə Moskvanın dostları sırasında heç də yuxarı pillələrdə deyil: "Gümrüdə Rusiya bayrağının tapdalanması və Minvodda ermənilər tərəfindən bir rus əsgərinin öldürülməsi yeni sorğunun keçirilməsini gündəmə gətirir. Mərkəzimiz Ermənistanın Rusiyanın dostu olub-olmaması ilə bağlı yaxın vaxtlarda sorğu keçirəcək. Bundan sonra əhalinin Ermənistanı Rusiyanın dostu hesab edib-etmədiyini müəyyən edə bilərik".
V. Fyodorov Rusiya ictimaiyyətinin Dağlıq Qarabağ münaqişəsindən nə dərəcədə məlumatlı olması məsələsinə də aydınlıq gətirib: “Azərbaycan və Ermənistan arasında olan məlum konflikt soyuq fazasını yaşadığından, çox az sayda rusiyalı bu problem haqqında məlumata malikdir. Azərbaycan və Ermənistan qoşunlarının təmas xəttində baş verən insidentlər münaqişənin həmin dəqiqə partlayacağı anlamına gəlmir. Rusiyalıların əksəriyyəti bu münaqişə zonasında baş verənləri izləmir”.
Təşkilat rəhbəri bildirib ki, keçirilən rəy sorğusuna əsasən respondentlərin 72 faizi ABŞ-ı Rusiyanın düşməni sayır: “Rusiya düşmənlərinin siyahısında ikinci pillədə Ukrayna qərarlaşıb. Sorğuda iştirak edənlərin 32 faizi Ukraynanı Rusiyanın düşməni hesab edir. Düşmən siyahısında üçüncü yeri Avropa Birliyi, dördüncü yeri isə Almaniya tutur. Sonrakı yerlərdə Polşa, Böyük Britaniya və Gürcüstan gəlir. Rusiyanın dostları siyahısında isə ilk yerdə Çindir. Respondentlərin 52 faizi Çini Rusiyanın dostu sayır. İkinci yeri 32 faiz səslə Belarus, üçüncü yeri 28 faiz səslə Qazaxıstan tutur. Rusiyanın dostları siyahısında Braziliya, Kuba və digər Latın Amerikası ölkələrini görmək olar”.
VTSİOM-un baş direktoru rəyi soruşulanlara “2015-ci ildə Rusiyanı hansı təhlükələr gözləyir?” sualını ünvanladıqlarını da söyləyib. Sorğunun nəticələrinə görə, rusiyalıların 57 faizi bu il iqtisadi və maliyyə böhranı gözləyir. Respondentlərin 30 faizi Rusiyanın Ukrayna ilə müharibə edəcəyini, 27 faizi isə işsizlik təhlükəsinin artacağını qeyd edir. Rusiya daxilində millətlərarası münaqişələrin yaranacağını isə əhalinin 21 faizi düşünür.
V. Fyodorov sorğunun 2015-ci ilin yanvar ayında Rusiyanın 46 vilayət, əyalət və respublikalarının 130 yaşayış məntəqəsində yaşayan 1600 nəfər arasında keçirildiyini deyib.
Tural




 
Bölməyə aid digər xəbərlər
14.09.2019
Uyğun qiymətə mənzil təminatının inkişafına dair Strateji Yol Xəritəsi müzakirə olunub
14.09.2019
Azərbaycan-Qazaxıstan dostluq parkının təməli qoyulub
14.09.2019
Türkiyənin ehtiyatda olan zabitləri və müharibə veteranları DOST Agentliyində olub
14.09.2019
DİN Tovuzda keçmiş məhkəmə sədrinin qətli ilə bağlı məlumat yayıb
14.09.2019
Adam Draper ilə virtual reallıqda təlim təşkil olunub

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10886

1 Tələbələrə Prezident təqaüdünün verilməsi haqqında Sərəncam imzalandı
2 Prezident İlham Əliyev AŞPA-nın prezidentini qəbul edib
3 Müəllimlərin dərs yükü norması artırıldı
4 Daxili İşlər nazirindən yeni təyinat
5 Prezident təqaüdü alacaq tələbələrin yarısı regionların payına düşür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info