Ölkədə KİV-lərin sayı 5000-ə çatıb
Tarix: 29.01.2015 | Saat: 15:56:00 | E-mail | Çapa göndər


2014-cü ildə Ədliyyə Nazirliyinin 42 icra məmuru intizam məsuliyyətinə cəlb edilib, 4 nəfər ədliyyə orqanlarından xaric olunub. Ədliyyə Nazirliyinin mətbuat xidmətindən verilən məlumata görə, Prezident İlham Əliyevin yanvarın 27-də regionların sosial-iqtisadi inkişafı Dövlət Proqramının icrasına həsr olunmuş konfransda vətəndaş-məmur münasibətləri, dövlət məmurları tərəfindən insanlara layiqli xidmət göstərilməsi, onların qayğılarına həssaslıqla yanaşılması, kobud rəftara, korrupsiya hallarına yol verilməməsi ilə bağlı tələblərindən irəli gələn vəzifələr nazir müavini Vilayət Zahirovun iştirakı ilə vətəndaşlarla daha çox təmasda olan ədliyyə qurumlarında - icra, habelə notariat və qeydiyyat baş idarələrində dərhal müzakirə olunub. Yanvarın 28-də keçirilən müşavirədə qeyd olunub ki, ötən il icra işlərinin sayının kəskin artaraq təxminən 300 minə çatmasına baxmayaraq, görülmüş tədbirlər nəticəsində onların 70 faizinin icrası təmin edilib, qalanları üzrə isə işlər davam etdirilir.
Bu zaman məhkəmə qərarlarının icrasına maneçilik törədən, icra məmurlarının qanuni tələblərini yerinə yetirməyən 3406 borclu şəxs inzibati məsuliyyətə cəlb olunub, həmçinin 204-ü barəsində cinayət işi başlanılıb, 3121 borclu şəxsin ölkədən getmək hüququ müvəqqəti məhdudlaşdırılıb, məhkəmə qərarını icra edən 930 şəxs barəsində belə məhdudiyyət götürülüb. İcra sənədlərinin icrası nəticəsində hüquqi və fiziki şəxslərə ödənilən vəsaitin məbləği artaraq ötən ildə 113 milyon manatdan çox təşkil edib.
Bakı və Sumqayıt şəhərlərinin və ətraf rayonların icra qurumları rəhbərlərinin, nazirliyin istintaq və digər aidiyyəti qurumlarının iştirakı ilə keçirilmiş müşavirədə həmçinin, mövcud problemlər və çatışmazlıqlar, o cümlədən icra məmurları tərəfindən əmək və icra intizamının, etik davranış qaydalarının pozulması halları, icra tədbirlərinin vaxtında həyata keçirilmədiyi, süründürülməsi və bunun da vətəndaşların haqlı narazılığına səbəb olduğu qeyd olunaraq bildirilib ki, xidmətin 42 əməkdaşı intizam məsuliyyətinə cəlb edilib, o cümlədən 4 nəfər ədliyyə orqanlarından xaric olunub.
Tədbirdə icra məmurları tərəfindən vətəndaşlara qayğılı münasibət göstərilməsi, antikorrupsiya mədəniyyətinin yüksəldilməsi, məsuliyyət hissinin artırılması, qulluqla bir araya sığmayan hərəkətlərin aradan qaldırılmasına dair qəti tapşırıqlar verilib.
Eyni zamanda, qeydiyyat və notariat sahəsi ilə bağlı işlər müzakirə olunarkən bildirilib ki, respublikamızın sürətli sosial-iqtisadi yüksəlişi, əhalinin həyat şəraitinin xeyli yaxşılaşması mülki hüquq münasibətlərinin artmasına ciddi təsir göstərib, ötən il 3,8 milyondan çox notariat hərəkəti, 366 minə yaxın isə vətəndaşlıq vəziyyəti aktı rəsmiləşdirilib. Həmçinin, əhaliyə göstərilən xidmətlərin elektron qaydada həyata keçirilməsi, onların sayının artırılması diqqət mərkəzində saxlanılaraq qeyri-hökumət təşkilatları üçün "Fərdi elektron pəncərə" elektron məlumat sisteminin istifadəyə verilməsi qeyd olunub, qeyri-kommersiya təşkilatlarının sayının 4000-i ötməsi, KİV-lərin sayının isə 5000-ə çatması vurğulanıb.
Tədbirdə işin səmərəliliyinin daha da artırılması, əmək və icra intizamına daim ciddi riayət olunması, yerli ədliyyə qurumlarına nəzarətin daha da gücləndirilməsi, vətəndaş məmnunluğunun yüksəldilməsinə dair tapşırıqlar verilib, bu zaman ASAN xidmətin nümunəvi fəaliyyətinin rəhbər tutulmasının zəruriliyi vurğulanıb.
Fuad




 
Bölməyə aid digər xəbərlər
16.01.2019
“Bizim həyət” layihəsi paytaxtın Sabunçu rayonunda icra olunur
16.01.2019
Yanvar ayı üzrə pensiyaların maliyyələşdirilməsinə başlandı
16.01.2019
Nazirlik işəgötürən şirkətlərə xəbərdarlıq etdi
15.01.2019
Ötən il sosial sığorta daxilolmalarında 11,8% artım qeydə alınıb
15.01.2019
Bu ildən pensiya təyinatı avtomatlaşdırılmış rejimdə həyata keçirilir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info