Heyvandarlıq məhsullarının istehsalında artım dinamikası saxlanılıb
Tarix: 30.01.2015 | Saat: 16:43:00 | E-mail | Çapa göndər


Ötən il respublikada heyvandarlıq sahəsinin modernləşdirilməsi, müxtəlif həcmli təsərrüfatlarda məhsul istehsalı səviyyəsinin və seleksiya-damazlıq işlərinin inkişaf etdirilməsi üçün beynəlxalq əməkdaşlığın genişləndirilməsi və müxtəlif donorların köməyi ilə layihələrin həyata keçirilməsi təmin edilib. 2014-cü ildə ölkə üzrə heyvandarlıq məhsullarının istehsalında artım dinamikası saxlanılmış və əhalinin heyvandarlıq məhsullarına olan tələbatını daxili istehsal hesabına ödəmək məqsədi ilə mal qaranın cins tərkibinin yaxşılaşdırılması istiqamətində lazımi tədbirlər həyata keçirilir.
Kənd Təsərrüfatı Nazirliyinin mətbuat xidmətindən bildiriblər ki, yerli heyvan cinslərinin qorunub saxlanması və daha da inkişaf etdirilməsi məqsədilə BMT-nin Ərzaq və Kənd Təsərrüfatı Təşkilatı (FAO) tərəfindən Azərbaycanda reallaşdırılan layihə çərçivəsində nazirliyin mütəxəssisləri 2014-cü ilin mayında Türkiyədə və sentyabr ayında Tacikistanda keçirilən beynəlxalq seminarlarda iştirak ediblər. Heyvan Genetik Ehtiyatlarının daha da inkişaf etdirilməsi məqsədilə Milli Strategiya və Fəaliyyət Planı hazırlanıb. FAO və Türkiyənin əməkdaşlıq proqramı çərçivəsində İmişli rayonunda süd qəbulu məntəqəsi tikilərək istifadəyə verilib. Burada heyvandarlıqla məşğul olan sahibkarlardan süd qəbul edilərək soyudulur və emal müəssisələrinə göndərilir. Müvafiq layihə çərçivəsində fermer assosiasiyasının üzvləri tərəfindən yeni təcrübə kimi 3 hektar sahədə sudan-sorqo otunun və 7 hektar sahədə silosluq qarğıdalının nümayiş sahəsi yaradılıb. Rayonun fermerləri əkdikləri sudan-sorqo otundan yüksək məhsul götürərək təsərrüfatlarında olan sağmal inəkləri həm yaşıl yem, həm də quru ot ilə təmin ediblər. Nəticədə inəklərdən sağılan südün həcmi 20-25 faiz artıb.
İmişli rayonunun bir sıra kəndlərində toplanmış qarğıdalıdan fermerlərin həyətində yerüstü formada silos hazırlamaq texnologiyası tətbiq olunaraq heyvanların yem rasionuna daxil edilib. Torpaq üstündə polietilen plyonka altında kiçik həcmdə qarğıdalıdan silos hazırlanması texnologiyası rayonun fermerləri arasında nümayiş etdirilib, iqtisadi göstəriciləri təhlil edilib və müsbət nəticələr müşahidə olunub.

Nigar




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info