A.Əlizadə: “Gənc nəslin elmə gəlməsi AMEA Rəyasət Heyətinin başlıca siyasətidir”
Tarix: 30.01.2015 | Saat: 18:26:00 | E-mail | Çapa göndər


Azərbaycan Milli Elmlər Akademiyası (AMEA) Gənc Alim və Mütəxəssislər Şurasının (GAMŞ) 2014-cü il I Hesabat-seçki Konfransı keçirilib.
Şuranın sədri, fizika-riyaziyyat üzrə fəlsəfə doktoru Famin Salmanov hesabatı təqdim edib. F.Salmanov bildirib ki, Şuranın AMEA-ya bağlı 42 təşkilatda yerli eyniadlı şuraları və ümumilikdə 3000-ə yaxın üzvü var: “Azərbaycan gəncliyi 2011-2015-ci illərdə” Dövlət Proqramının qəbul olunması, Azərbaycan Respublikasının Prezidenti yanında Gənclər Fondunun yaradılması, Gənclər üçün Prezident Mükafatının təsis edilməsi dövlət başçısı İlham Əliyevin müasir gəncliyə və gənc alimlərə diqqətinin parlaq nümunəsidir”. Təşkilat rəhbəri, gənc alimlərin idmana marağını artırmaq, asudə vaxtlarının səmərəli keçirilməsini təmin etmək məqsədilə Şura tərəfindən “AMEA-nın gənc alim və mütəxəssislərinin institutlararası I Futbol Çempionatı” təşkil olunduğunu da vurğulayıb.
Sonra bir neçə gənc alim hesabatla bağlı çıxış edib.
Gənclər və idman naziri Azad Rəhimov GAMŞ-ın yaradılmasını mühüm hadisə adlandırıb. Gənclər sahəsində əldə edilmiş uğurlar barədə məlumat verən A. Rəhimov bildirib ki, Azərbaycanın bölgədə elm mərkəzinə çevrilməlidir.
Azərbaycan Respublikasının Prezidenti yanında Gənclər Fondunun icraçı direktoru Fərhad Hacıyev çıxışında gənc alimlərin yaş məsələsinə toxunub: “Yaxşı olardı ki, gənc alimlərin yaş həddi 29-dan 35-ə qaldırılsın. Gənc alimlərin yaş həddinin 29 olması bir sıra problemlər yaradır. Ümid edirik ki, bu məsələ yenidən müzakirə olunun müsbət həllini tapacaq”.
AMEA prezidenti, akademik Akif Əlizadə isə GAMŞ-ın hesabatını aparılmış işlərin səmərəli nəticəsi kimi qiymətləndirib: “Şuranın fəaliyyəti müsbət qarşılanmalıdır. Gənc nəslin elmə gəlməyi, elmdə düzgün yol seçməsi Elmlər Akademiyasını Rəyasət Heyətinin başlıca siyasətidir. Gəncliyin intellektual səviyyəsinin artması respublika üçün mühüm amildir. İki il ərzində Elmlər Akademiyası mühüm islahatlara başlayıb, o islahatlar indi də aparılır. İslahatlar nəticəsində gənclərin şəraiti yaxşılaşıb. Elmin İnkişafı Fondu vasitəsilə Elmlər Akademiyasına xeyli müasir avadanlıq və cihazlar alınıb. Ancaq milyonlar xərclənmiş həmin avadanlıq və cihazlardan səmərəli istifadə bu gün problem olaraq qalmaqdadır. Biz informasiya texnologiyaları sahəsində, habelə Kosmik-Tədqiqatlar İnstitutunu təkmilləşdirmək istəyirik. Biz istəyirik ki, gənclərimiz savadlı olsun, elmimiz inkişaf etsin. Başqa ölkələrdə yaradılan elmi dəyərlərdən istifadə edirik. Azərbaycanda güclü elmi potensial var, gələcəkdə gənclərin hesabına bu potensial daha da güclənəcək”.
Sonda GAMŞ-a açıq səsvermə yolu ilə yeni üzvlər seçilib.

Nigar Abdullayeva




 
Bölməyə aid digər xəbərlər
15.11.2018
“Vəkillik dövlət və cəmiyyət arasında münasibətlərin stabilizatorudur”
15.11.2018
Bakıda beynəlxalq konfrans keçirilir
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10477

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Azərbaycan turizmi Yunanıstanda təbliğ olunub
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info