Sosial layihələrə diqqət artırılacaq
Tarix: 02.02.2015 | Saat: 21:01:00 | E-mail | Çapa göndər


İqtisadiyyat və Sənaye Nazirliyində geniş iclas keçirildi

İqtisadiyyat və Sənaye Nazirliyində “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunmuş Konfransda dövlət başçısının müəyyənləşdirdiyi tapşırıqların icrasına həsr olunmuş geniş iclas keçirilib.
İclasda çıxış edən İqtisadiyyat və Sənaye naziri Şahin Mustafayev 2004-cü ildən etibarən uğurla icra olunan regionların sosial-iqtisadi inkişafı dövlət proqramlarının rayonların iqtisadi potensialının artmasında, infrastruktur təminatının, kommunal xidmətlərin keyfiyyətinin yüksəlməsində, biznes və investisiya mühitinin, əhalinin rifahının daha da yaxşılaşmasında xüsusi əhəmiyyətini vurğulayıb. “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ili görülən genişmiqyaslı işlər, həyata keçirilən layihələr və əldə olunan uğurlu nəticələrlə zəngin olub. Bildirilib ki, “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın birinci ilinin yekunlarına həsr olunmuş konfransda Prezident İlham Əliyev proqramın tam və keyfiyyətli icrasının təmin olunması məqsədilə dövlət qurumları, o cümlədən İqtisadiyyat və Sənaye Nazirliyi qarşısında mühüm vəzifələr müəyyənləşdirib. Belə ki, dövlət başçısı Dövlət İnvestisiya Proqramına prioritet layihələrin daxil edilməsi və vəsaitlərin istifadəsinə ciddi nəzarət olunması, məktəb, uşaq bağçası, səhiyyə və ictimai obyektlərin tikintisi, infrastruktur layihələrinin icrası, sahibkarlığa dövlət dəstəyinin gücləndirilməsi barədə tapşırıqlar verib. Konfransda həmçinin, dövlət başçısı tərəfindən sənaye parklarının, metallurgiya kompleksinin təşkili işinin davam etdirilməsi, sənaye məhəllələrinin yaradılmasına başlanması, Mingəçevirin sənaye şəhəri kimi inkişaf etdirilməsi vəzifələri müəyyənləşdirilib.
Prezident İlham Əliyev kənd təsərrüfatının inkişafında və ərzaq təhlükəsizliyinin daha da möhkəmləndirilməsində mühüm rol oynayacaq iri fermer təsərrüfatlarının yaradılmasının davam etdirilməsi, aqroparkların tikintisinin genişləndirilməsi, bütün şəhərlərdə “yaşıl marketlər”in yaradılması, əsas ərzaq məhsulları üzrə özünü təminetməyə tam nail olunması barədə tapşırıqlar verib. Konfransda ölkənin ixrac imkanlarının genişləndirilməsi və qeyri-neft ixracının artırılması məqsədilə ixracyönümlü müəssisələrin yaradılmasının və özünü təminetmə səviyyəsi yüksək olan tikinti materiallarının ixracının dəstəklənməsi, ənənəvi bazarlarla yanaşı, yeni bazarlara çıxış və ixracın təşviqi sisteminin yaradılması kimi vəzifələr də müəyyən olunub. İqtisadiyyat və Sənaye naziri Şahin Mustafayev dövlət başçısının qarşıya qoyduğu vəzifələrin vaxtında və keyfiyyətli icrası məqsədilə nazirliyin strukturlarına konkret tapşırıqlar verib. Belə ki, nazirliyin səlahiyyətləri çərçivəsində makroiqtisadi sabitliyin təmin edilməsi istiqamətində tədbirlər davam etdirilməli, sosial layihələrə diqqət artırılmalı, dövlət investisiyalarından səmərəli istifadənin təmin olunması, eləcə də bu vəsaitlərin istifadəsinə nəzarət məqsədilə monitorinqlər planı tərtib olunmalı və həyata keçirilməlidir. Dövlət başçısının tapşırığına uyğun olaraq, biznes mühitinin daha da yaxşılaşdırılması tədbirləri, prioritet istiqamətlər üzrə güzəştli kreditlərin verilməsi, maarifləndirmə tədbirlərinin keçirilməsi, nümunəvi biznes planların, metodiki sənədlərin, kataloq və məlumat kitabçalarının sahibkarlara çatdırılması işləri davam etdirilməlidir. İxracın təşviqi sisteminin genişləndirilməsi məqsədilə qısa müddətdə təkliflər hazırlanmalı, yeni bazarlara çıxış imkanları təhlil edilməli, bu sahədə beynəlxalq təcrübə öyrənilməli, Azərbaycanın xarici diplomatik korpusu ilə əməkdaşlıq gücləndirilməlidir. Sənaye potensialının artırılması məqsədilə iclasda mövcud sənaye parklarının fəaliyyətinin genişləndirilməsi, ölkə regionlarında sənaye məhəllələrinin yaradılması istiqamətində tədbirlərlə bağlı məsələlər müzakirə edilib. Həmçinin iclasda dövlət başçısı tərəfindən məmur-vətəndaş münasibətlərinə xüsusi diqqət göstərildiyi vurğulanıb, nazirlik əməkdaşlarına vətəndaşlarla münasibətdə həssas olmaları, vətəndaş müraciətlərinə xüsusi diqqət göstərilməsi barədə tapşırıqlar verilib. İclasda “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunmuş Konfransda Prezident İlham Əliyevin müəyyənləşdirdiyi vəzifələrin, verdiyi tapşırıqların həyata keçirilməsi üçün konkret müddət və icraçılar göstərilməklə Tədbirlər Planının hazırlanması qərara alınıb.


İlkin AĞAYEV




 
Bölməyə aid digər xəbərlər
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info