Masayuki Tanabe: “Azərbaycan bir çox inkişaf etməkdə olan ölkələri qabaqlayıb”
Tarix: 03.02.2015 | Saat: 15:21:00 | E-mail | Çapa göndər


Yaponiyanın “WorldInvestors TV” internet televiziyasının ekranlara çıxmış yeni verilişi Azərbaycanda biznes fəaliyyətinin qurulmasına həsr olunub.
Verilişin aparıcıları “WorldInvestors TV” internet televiziyasının prodüseri Kazuyasu İşida və xanım Hiroko Ueyma son illər sürətli inkişafı ilə diqqəti cəlb edən Azərbaycana yapon iş adamları arasında marağın xeyli artdığını bildiriblər. Ölkəmizin iqtisadiyyatı, aparıcı sahələr, makroiqtisadi göstəricilər və son illər müşahidə olunan dinamik inkişaf barədə tamaşaçılara ətraflı məlumat verilib. Azərbaycana sərmayə qoyuluşu üçün əlverişli investisiya mühitinin mövcud olduğu, bu məqsədlə bütün zəruri qanunverici sənədlərin qəbul edildiyi bildirilib.
Qeyd olunub ki, Yaponiyanın həm dövlət qurumları, həm də özəl şirkətləri dinamik inkişafı ilə seçilən bu Qafqaz ölkəsi ilə əməkdaşlığı genişləndirməyə çalışırlar. Martın 4-dən 7-dək yapon iş adamlarından ibarət böyük bir qrupun Azərbaycana işgüzar səfərə hazırlaşdığı tamaşaçıların diqqətinə çatdırılıb. Bildirilib ki, budəfəki verilişin məqsədi Azərbaycanda biznes fəaliyyətinin qurulması barədə tamaşaçıları ətraflı məlumatlandırmaqdır.
Verilişdə iştirak edən iqtisadçı-ekspert Masayuki Tanabe bildirib ki, əlverişli biznes mühitinin yaradılması istiqamətində Azərbaycan son illərdə mühüm irəliləyişə nail olub və bir çox inkişaf etməkdə olan ölkələri belə qabaqlayıb. Kazuyasu İşidanın ötən ilin sonlarında çapdan çıxmış “Yaponların tanımadığı sürətlə inkişaf edən ölkə - Azərbaycan” bələdçi kitabı haqqında məlumat verən M.Tanabe qeyd edib ki, həmin kitabın IV bölməsində qanunvericilik sahəsində islahatlar, kiçik və orta sahibkarlığın inkişafına dövlət dəstəyi və xarici investorlar üçün sadələşdirilmiş prosedurlar haqqında məlumat verilir, “Vahid pəncərə” sisteminin tətbiqinin sahibkarlığın təşviqində əhəmiyyətli rolu qeyd olunur. Burada Azərbaycanda sahibkarlıq fəaliyyətinin qurulması, vergi sistemi, digər hüquqi prosedurlar barədə məlumatlara da geniş yer ayrılıb. Vurğulanıb ki, hazırda Azərbaycan investisiyaların qoyuluşu, biznes fəaliyyətinin təşkili nöqteyi-nəzərindən dünyanın ən əlverişli ölkələrindən biridir.

Tural




 
Bölməyə aid digər xəbərlər
18.11.2018
Əli Həsənov: Polis üçün əsas siyasi mənsubiyyət məsələsi deyil, ictimai asayişin təmin edilməsidir
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10496

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info