Dağlıq Qarabağ barədə ciddi düşünməyin əsl vaxtıdır
Tarix: 03.02.2015 | Saat: 15:36:00 | E-mail | Çapa göndər


İngilis xəbərlər xidmətinin baş redaktoru Klod Salhani Dağlıq Qarabağ münaqişəsi haqqında maraqlı fikirlər səsləndirib. Yazını oxuculara təqdim edirik.
“Dağlıq Qarabağ problemi barədə ciddi düşünməyin vaxtı gəlib çatıb. Bu ərazi Azərbaycan və Ermənistan arasında ciddi, çox ciddi hərbi fəaliyyətə gətirib çıxara və bilmədən buna Rusiya və ABŞ-ı cəlb edə bilər.
Düzdür, Dağlıq Qarabağ problemi Ermənistanın bu ərazini SSRİ-nin dağılması zamanı işğal etməsindən bəri - 20 ildən çoxdur mövcuddur. Dağlıq Qarabağ və ona bitişik rayonlar tarixən Azərbaycanın hissəsi olub, baxmayaraq ki, burada çoxlu etnik erməni yaşayıb. ATƏT-in Minsk qrupunu formalaşdıran üç ölkə - ABŞ, Fransa və Rusiya Cənubi Qafqazda gec açılan bomba olan bu problemi sülh yolu ilə həll etmək üçün çağırılıb. Nəzərə alsaq ki, bu münaqişə təqribən 25 ildir davam edir və vasitəçilər ona kənardan baxır, amerikalılar, fransalılar və rusiyalılar səhvən düşünə bilərlər ki, bu problemi nizamlamaq üçün onların ehtiyatda daha 25 ili var.
Bu, qorxunc səhv olardı. Vaxtın unudulduğu yerdə o, tezsatılan mal olur. Əgər tərəqqi sülh yolu ilə əldə edilməsə, iki ölkə arasında irimiqyaslı müharibə istisna edilmir. Rəqibləri bir-birindən ayıran təmas xəttinin hər iki tərəfində səngər qazmış Ermənistan və Azərbaycan qoşunları arasında hər saat toqquşmalar baş verir. Azərbaycan Müdafiə Nazirliyinin mətbuat xidmətinin hər gün yaydığı press-relizlər 1994-cü ildə əldə edilən atəşkəs rejiminin gündə 60 dəfədən çox pozulması barədə məlumat verir.
Müasir tarixdə demək olar istənilən münaqişədə olduğu kimi, bütün bunlar sərt ifadələrlə tərtib olunmuş kommünikelərlə müşayiət olunur.
Ötən ilin payızında Azərbaycan hərbçiləri ölkənin hava məkanını pozmuş Ermənistan hərbi helikopterini məhv etdilər. Ötən həftə isə azərbaycanlılar Ermənistanın pilotsuz uçuş aparatını da vurdular.
Ötən istirahət günlərində cəbhə xətti boyunca altı erməni əsgəri öldürüldü.
Getdikcə daha tez-tez, bəlkə də hər saat təhlükə barədə qırmızı sayrışan iki çox nəzərəçarpan siqnal var.
Birinci təhlükə artan ritorikadan - bundan sonra nəyi gözləməli olmağın aydın əlaməti - gəlir.
İkincisi isə Azərbaycanın öz Silahlı Qüvvələrini necə təchiz etməsidir.
Hər iki ölkə ilə dostluq əlaqələrini qoruyan Moskva regionda və bu münaqişədə Yerevanın ən güclü tərəfdaşı olaraq qalır. Qafqazda irimiqyaslı müharibə olarsa, Moskva erməni müttəfiqinə dəstək verməkdə nə qədər uzağa gedəcək? Bunu zaman göstərəcək.
Ermənistanla yanaşı, SSRİ-nin tərkibində olmuş Azərbaycan isə o vaxtdan balanslaşdırılmış siyasət yürüdür.
Yaxın Şərqdə iki uğursuz müharibədən hələ də yaxa qurtarmamış ABŞ vaxtın sanki dayandığı və Qərbin çoxdan unutduğu, Azərbaycanın isə aydın xatırladığı torpaqla bağlı üzərinə hərbi öhdəliklər götürəcəkmi?
Bunu zaman göstərəcək”.
(Trend)




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10495

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info