Azərbaycanda çuğundurlarla bağlı ilk tədqiqat
Tarix: 04.02.2015 | Saat: 16:15:00 | E-mail | Çapa göndər


Azərbaycanda ilk dəfə molekulyar-genetik metodlardan istifadə etməklə, müxtəlif mənşəli şəkər çuğunduru genotiplərində genetik müxtəlifliyin hərtərəfli öyrənilməsinə yönəlmiş kompleks molekulyar-genetik tədqiqat işi aparılıb.
Azərbaycan Milli Elmlər Akademiyası Genetik Ehtiyatlar İnstitutundan Trend-ə verilən məlumata görə, tədqiqat materialı olaraq, şəkər çuğundurunun (Beta vulgarıs L.) 42 nümunəsindən istifadə edilib. Tədqiqatın məqsədi molekulyar-genetik metodlardan istifadə etməklə, müxtəlif mənşəli şəkər çuğunduru genotiplərində genetik müxtəlifliyin öyrənilməsi, introduksiya olunmuş şəkər çuğunduru sort nümunələrinin kolleksiyasının yaradılması, onların Azərbaycanın torpaq-iqlim şəraitinə adaptasiyası və bu yolla milli genetik bankın yeni kolleksiya nümunələri ilə zənginləşdirilməsidir.
Tədqiqat zamanı 42 şəkər çuğunduru nümunəsində yüksək polimorfizm aşkar edilib, nümunələrin genetik qohumluq dərəcəsi təyin olunub. Klaster analizi aparılaraq, nümunlərin genetik qohumluq dərəcəsini əks etdirən dendroqram tərtib edilmişdir.
Dendroqramda İran mənşəli genotiplər ayrıca klaster əmələ gətirdiyi halda, Avropa mənşəli nümunələr klasterlər üzrə qeyri-bərabər şəkildə paylanıb. Bu, İran nümunələrində ümumi genetik fonun, Avropada isə əhəmiyyətli gen axınının olduğunu göstərir. İnstitutdan bildirilib ki, onilliklər boyu Avropa ölkələri arasında toxum mübadiləsi, yəni toxumların bir ölkədən alınaraq digər ölkənin torpaq iqlim şəraitində becərilməsi, hər hansı bir məqsədlə digər sortlarla çarpazlaşdırılması, yeni sortların alınması üçün valideyn və ya başlanğıc material kimi istifadə olunması nəticədə bu ölkələr arasında gen axının yaranmasına səbəb olub. Əldə edilən nəticələr elmin və təsərrüfatın müxtəlif sahələrində geniş şəkildə tətbiq oluna bilər.
Molekulyar analizlər əsasında şəkər çuğunduru genotiplərinin identifikasiyası onların genetik pasportlarını tərtib etməyə və seleksiyaçıların müəlliflik hüquqlarının qorunmasına zəmin yaradır.
Təhminə




 
Bölməyə aid digər xəbərlər
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək
19.09.2018
Lənkəranda keçirilən humanitar aksiyada 130 nəfər könüllü qan verib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info