Olimpiya çempionu yenidən Azərbaycanda
Tarix: 05.02.2015 | Saat: 00:31:00 | E-mail | Çapa göndər


Zoran Qayiç: “Rabitə”yə kömək etmək üçün gəlmişəm”
Azərbaycan çempionu “Rabitə”nin yeni baş məşqçisinin adına aydınlıq gəlib. Son illərdə Super Liqanın dəyişməz qalibi yenidən “sükanını” serbiyalı Zoran Qayiçə etibar edib. 2011/2012-ci il mövsümündə “Rabitə”də çalışan, komandanı dünya və Azərbaycan çempionu edən Olimpiya Oyunlarının qalibi ilə mövsümün sonuna kimi anlaşma əldə edilib.
57 yaşlı təcrübəli mütəxəssisin qarşısına Bakı təmsilçisini Super Liqada və CEV kubokunda qızıl medallara daşımaq tapşırığı qoyulub. Maraqlıdı ki, Qayiç 2011-ci ildə olduğu kimi, yenə də baş məşqçi postunda həmyerlisi Dejan Brdjoviçi əvəzləyib. Qeyd edək ki, 1958-ci il doğumlu Qayiç Yuqoslaviya milli komandasıyla 2000-ci il Sidney Olimpiadasının finalında adlı-sanlı Rusya komandasını yenməklə Olimpiadanın qızıl medallarına layiq görülüb. Bu möhtəşəm uğurdan bir il sonra bu komanda təcrübəli mütəxəssisin rəhbərliyi altında Avropa Çempionatının da qızıl medallarına sahib çıxıb. 2002-ci ildə komandadan ayrılan Qayiç Polşa milli komandasının da baş məşqçi postuna ən real namizədlərdən sayılır, namizədlər arasında favorit hesab edilirdi. Lakin müqavilə şərtlərində razılığa gələ bilməyən mütəxəssis dünya voleybolunda iz buraxmış Rusiya yığmasının sükanı arxasına gətirilir. Rusiya voleybol tarixinə ilk əcnəbi məşqçi kimi keçən Qayiç milli komandayla 2005-ci il Avropa çempionatının finalına yüksəlir, həlledici oyunda isə meydan sahibləri İtaliya komandasına tay-brekdə məğlub olaraq gümüş medallara sahib çıxır. 2006-cı ildə Moskvada keçirilən FİVB Dünya Liqasının yarımfinalında Braziliya milli komandasına yenilən Qayiçli Rusiya komandası bürünc medal uğrunda görüşdə Bolqarıstan millisini 3:0 hesabı ilə yenərək turniri 3-cü pillədə başa vurur. 2007-ci ildən etibarən Rusiyanın “İskra Odintsovo”, “Ural” komandalarını çalışdıran təcrübəli mütəxəssis burada da birincilərə Çempionlar Liqasının bürünc medalını qazandırıb. Qayıç, həmçinin “Arçelik”lə Türkiyə, “Olimpiakos”la Yunanıstan, “Mladost” və “Voyvodina” ilə Yuqoslaviya çempionu tituluna da yiyələnib. “Rabitə”nin yeni baş məşqçisi Zoran Qayiç təyinatına münasibət bildirib. 57 yaşlı Olimpiya çempionu ikinci dəfə Bakı təmsilçisinin “sükanı arxası”na keçməyindən məmnunluq hissi duyduğunu deyib. Onun sözlərinə görə, əsas məqsədi son illərin dəyişməz Azərbaycan çempionunun iştirak etdiyi yarışlarda yüksək pillələrdəki yerini qorumaqdı: “Artıq komanda ilə danışıqlarım yekunlaşıb. Mən “Rabitə”yə kömək etmək üçün gəlmişəm. Komandanın prezidenti Cəlil Cəfərovla bu barədə söhbətimiz olub. Əsas məqsədimiz iştirak edəcəyimiz yarışlarda özümüzü yaxşı tərəfdən göstərməkdi”.




 
Bölməyə aid digər xəbərlər
20.09.2018
FİFA-nın növbəti reytinq cədvəli açıqlanıb
20.09.2018
Ukrayna cüdoçusu Daria Bilodid “Bakı-2018“in ilk qalibi olub
20.09.2018
“Bakı-2018“: Cüdo üzrə dünya çempionatının ilk finalçıları bəlli olub
20.09.2018
UEFA Çempionlar Liqasında ilk tura yekun vurulub
19.09.2018
UEFA Çempionlar Liqası: Roberto Firmino “Liverpul“ klubuna qələbə qazandırıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info