Hazırda ölkədə toxum və ting istehsalında ixtisaslaşmış 372 özəl təsərrüfat fəaliyyət göstərir
Tarix: 05.02.2015 | Saat: 19:45:00 | E-mail | Çapa göndər


Kənd Təsərrüfatı Nazirliyinin hesabatına görə, 2014-cü ildə məhsul istehsalı üçün 1612,7 min hektar sahə əkin altında istifadə edilib. Əkin sahələrinin 1000,5 min hektarını və ya 62,0 faizini payızlıq və yazlıq dənli və dənli paxlalı bitkilər, 165,7 min hektarını və ya 10,3 faizini kartof, tərəvəz və bostan bitkiləri, 43,7 min hektarını və ya 2,7 faizini texniki bitkilər (pambıq, tütün, şəkər çuğunduru, günəbaxan və s.), 402,7 min hektarını və ya 25 faizini yem bitkiləri təşkil edib. İstifadə edilməyən sahələr (111,2 min hektar) isə əkinlərin növbələşdirilməsinə uyğun olaraq dincə qoyulan və herik kimi becərilən sahələrdir.
2014-cü ildə mövcud 134,2 min hektar meyvə, 16,1 min hektar üzüm bağlarında və 904 hektar çay plantasiyalarında aqrotexniki qaydada becərmə işləri aparılıb.
2014-cü ildə 955 min hektar payızlıq və yazlıq dənli və dənli paxlalıların (qarğıdalısız) məhsulu yığılaraq, hər hektardan 22,8 sentner olmaqla cəmi 2179,3 min ton məhsul istehsal olunub. Yığılmış ümumi taxıl sahəsinin 604 min hektarını buğda bitkisi təşkil edir ki, bu sahələrdən də cəmi 1446,5 min ton və ya hər hektardan 23,9 sentner buğda istehsal edilib. Eyni zamanda, 37,6 min hektar dən üçün qarğıdalı sahəsindən hər hektardan 54,1 sentner olmaqla 203,6 min ton məhsul yığılıb. Bunlarla yanaşı, 61,7 min hektar kartof sahəsindən 819,3 min ton kartof, 76 min hektar tərəvəz bitkiləri sahələrindən 1187,7 min ton tərəvəz, 28 min hektar ərzaq üçün bostan bitkiləri sahəsindən 440,9 min ton bostan, 11,7 min hektar dən üçün günəbaxan sahəsindən 20,3 min ton günəbaxan, 1,1 min hektar tütün sahəsindən 2,9 min ton tütün yarpağı, 5,6 min hektar şəkər çuğunduru sahəsindən 175,1 min ton şəkər çuğunduru, 22,9 min hektar pambıq sahəsindən 41 min ton pambıq məhsulu yığılıb. İstehsalçılar tərəfindən 849,9 min ton meyvə məhsulları, 147,7 min ton üzüm və 474,2 ton yaşıl çay yarpağı istehsal edilib.
Cari mövsümün kənd təsərrüfatı istehsalı üçün olduqca əlverişsiz keçməsi nəticəsində 1 dekabr 2014-cü ildə keçən ilin müvafiq dövrünə nisbətən ümumi taxıl istehsalı 20,9 faiz, o cümlədən buğda istehsalı 23,6 faiz, kartof istehsalı 17,5 faiz, tərəvəz istehsalı 3,9 faiz, şəkər çuğunduru istehsalı 7,5 faiz azalıb. Bununla belə, dən üçün günəbaxan istehsalı 11,8 faiz, ərzaq üçün bostan məhsulları istehsalı 2,6 faiz artıb. Bitkiçilik sahəsində rəqabətqabiliyyətliliyin artırılmasının mühüm şərtlərindən biri kimi son illər toxumçuluq təsərrüfatlarına göstərilən dövlət qayğının artırılması nəticəsində bu təsərrüfatların fəaliyyəti daha da genişləndirilib. “Kənd təsərrüfatı bitkiləri toxumçuluğu ilə məşğul olan hüquqi və fiziki şəxslərin attestasiyadan keçirilməsi və toxum istehsalçılarının reyestrinə daxil edilməsi barədə” Əsasnamənin tələblərinə uyğun olaraq daxil olan müraciətlərə baxılıb və 2014-cü ildə 71 fiziki və hüquqi şəxs toxum istehsalçılarının reyestrinə daxil edilib və onlara müvafiq şəhadətnamə verilib. Hazırda respublika üzrə cəmi toxum və ting istehsalında ixtisaslaşmış 372 özəl təsərrüfat fəaliyyət göstərir.
2014-cü ildə dövlət və özəl toxumçuluq təsərrüfatları tərəfindən cəmi 163,6 min ton taxıl toxumu istehsal edilib. İstehsal olunmuş taxıl toxumunun 111,6 min tonu buğda, 52 min tonu arpa toxumudur. Cəmi istehsal olunmuş toxumun 26,2 tonunu orijinal, 158,8 tonunu superelit, 2181 tonunu elit, 16,3 min tonunu R1, 44,9 min tonunu R2 və 100,0 min tonunu reproduksiyasız toxumlar təşkil edib. Toxum istehsalının 36,7 faizi ixtisaslaşmış özəl toxumçuluq təsərrüfatlarının, 1,5 faizi Aqrar Elm Mərkəzinin, 0,7 faizi DKTİM MMC-lərin, 61,1 faizi isə bitkiçilik məhsullarının istehsalı ilə məşğul olan ayrı-ayrı fiziki və hüquqi şəxslərin payına düşür.
Toxum təminatına görə yaranmış çətinliklərlə əlaqədar rayonlardan nazirliyə daxil olan çoxsaylı müraciətlərin həlli məqsədilə bir sıra rayonlara növbəti ilin məhsul yığımında qaytarılması şərti ilə istehsalçıların “Azərtoxum” MMC tərəfindən taxıl məhsulları toxumu ilə təchiz edilməsi təmin olunub. Daha sonra həmin istehsalçılara verilmiş toxumun pulu dövlət büdcəsi vəsaiti hesabına ödənilib.
2015-ci ilin yanvarın 1-i vəziyyətinə payızlıq əkinlər üçün 1017,0 min hektar sahədə şum qaldırılıb, 892,3 min hektarda dən və yaşıl yem üçün o cümlədən 875,7 min hektar dən üçün payızlıq taxıl səpilib ki, onun da 537,2 min hektarını buğda, 338,4 min hektarını arpa təşkil edir. Nazirlik tərəfindən şum və səpin aparılması ciddi nəzarətə götürülüb, bəzi rayonlarda qərargahlar yaradılıb, ərazi kənd təsərrüfatı idarələrindən şum və səpinin gedişatı barədə gündəlik operativ məlumatlar toplanılıb.

Nigar




 
Bölməyə aid digər xəbərlər
17.11.2018
On ayda neft sektoruna 5 milyard manatadək vəsait yönəldilib
17.11.2018
Azərbaycanda 32,2 milyon ton neft və 15,5 milyard kubmetr əmtəəlik qaz çıxarılıb
17.11.2018
Azərbaycan nefti bahalaşıb
16.11.2018
Qış fəslində əhalinin qazla təminatında problem olmayacaq
16.11.2018
“Sumqayıt Kimya Sənaye Parkında 18 müəssisə fəaliyyət göstərəcək”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10491

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info