Amerikalı ravvin: “Ermənilərin yəhudilərə nifrəti uzun əsrlər boyu mövcud olub”
Tarix: 05.02.2015 | Saat: 23:57:00 | E-mail | Çapa göndər


İsrailin Birləşmiş Ştatlarda populyar olan “The Times of Israel” qəzetində ABŞ universitetlərində İsrailin boykot edilməsi, onunla əməkdaşlıqdan imtina edilməsi və ona qarşı qadağaların tətbiq edilməsi (BOC) ilə bağlı keçirilən və yəhudi diasporu tərəfindən antisemit aksiya kimi qəbul edilən kampaniyada bu ölkənin erməni icmasının rolu barədə amerikalı ravvin İzrail Barukun məqaləsi dərc olunub.
Müəllif “BOC-un mavi kökləri” sərlövhəli məqalədə (http://blogs.timesofisrael.com/the-deep-roots-of-bds/) yazır ki, adətən Fələstin təşkilatları tərəfindən keçirilən bu kampaniyanın arxasında ABŞ-ın erməni tələbə təşkilatlarının daha əlaqələndirilmiş səyləri dayanır. İ.Baruk yazır ki, əslində, erməniləri antisemit adlandırmaq olmaz, çünki onlar xristiandır və yəhudilər kimi erməni xalqının da çox hissəsi öz vətəninin hüdudlarından kənarda yaşayır. Lakin ermənilərin tarixinin və onların yəhudilərə münasibətinin daha dərindən gözdən keçirilməsi təsdiq edir ki, ermənilərin yəhudilərə nifrəti uzun əsrlər boyu mövcud olub.
Antisemitlərin İsrailin və onun müttəfiqlərinin ünvanına adi ittihamlarından biri budur ki, onlar yəhudi dövlətinin yaradılması üçün Holokostdan “istifadə ediblər”. Ravvin qeyd edir ki, Hitlerin “yəhudi məsələsinin qəti həllində” erməni antisemitlərinin fəal iştirakı faktı çoxlarına məlum deyil. Yəhudilərə və nasist ideologiyası üçün “yararsız” olan digərlərinə qarşı cinayətlərdə və əsir düşərgələrində kütləvi qətllərin təşkil edilməsində 20 minə qədər erməni nasisti iştirak edib. Bu erməni birləşmələrinin rəhbərləri general Dro (Drastamat Kanayan) və general Njde (Qaregin Njde) olub. Ötən əsrin 30-cu illərində ABŞ-da çıxan “Hayrenik” və digər erməni jurnalları Hitler ideologiyasını açıq şəkildə təbliğ edib, yəhudiləri “zəhərli elementlər” adlandırıb, bununla da “cərrahiyyə əməliyyatı” adı verdikləri Holokosta bəraət qazandırıblar.
Müəllif vurğulayır ki, erməni tələbə təşkilatları müxtəlif tədbirlərdə və universitetlərdə “İctimaiyyətlə əlaqələr üzrə Amerika-İsrail Komitəsi” və “Antidiffamasiya liqası” ( ABŞ-da antisemitizmin və yəhudilərin təhqir olunmasının hər hansı təzahürlərinə qarşı mübarizə aparan təşkilatlar) əleyhinə aksiyalar keçirir. Odur ki, “Antidiffamasiya liqa”sının 2014-cü ildə keçirdiyi qlobal antisemitizm meyilləri haqqında beynəlxalq sorğuya görə, Ermənistanın yaşlı əhalisinin 2,2 milyon nəfərindən 1,3 milyon nəfərində antisemit baxışların müəyyən olunması heç də təəccüblü deyil. Sonda ravvin vurğulayır: “Ermənistan ən qatı antisemit dövlət kimi Şərqi Avropada birinci yeri, bütövlükdə Avropada isə üçüncü yeri tutub”.
Təhminə




 
Bölməyə aid digər xəbərlər
15.11.2018
“İkili standartlara əsaslanan bu yanaşma Azərbaycanı Fransa ilə əlaqələri nəzərdən keçirməyə vadar edir”
15.11.2018
Xalq müxalifətin heç bir çağırışına dəstək vermir
15.11.2018
Fransa Minsk qrupunun həmsədrliyindən çıxarılmalıdır
15.11.2018
Yaponiya televiziyasında Azərbaycan haqqında xüsusi veriliş yayımlanıb
15.11.2018
Azərbaycan-Rusiya dövlət sərhədinin demarkasiyası üzrə Birgə Komissiyanın 6-ci iclası keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10479

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info