ABŞ yəhudi icmasının tədbirində Azərbaycan himni səslənib
Tarix: 06.02.2015 | Saat: 17:59:00 | E-mail | Çapa göndər


ABŞ yəhudilərinin ən nüfuzlu dini mərkəzlərindən olan, Los Ancelesdə fəaliyyət göstərən Sinay Sinaqoqu tərəfindən Azərbaycan Dağ Yəhudiləri İcmasına “Tövrat” (Sefer Torah) hədiyyə edilib.
Azərbaycanın Los Ancelesdəki baş konsulluğundan verilən məlumata görə, xüsusi perqament üzərində tərtib edilmiş “Tövrat” Los Ancelesdə yaşayan yəhudi icmasının yığdığı ianələr hesabına İsraildə hazırlanıb.
Hədiyyənin verilməsi ilə bağlı Sinay Sinaqoqunda geniş mərasim keçirilib. Kaliforniya yəhudilərinin 400 nəfərdən çox aparıcı nümayəndəsi bu tədbirdə iştirak edib. Mərasimdə Azərbaycandan olan nümayəndə heyəti də yer alıb. Nümayəndə heyətində Dini Qurumlarla İş üzrə Dövlət Komitəsi sədrinin müavini Gündüz İsmayılov, Azərbaycan Milli Məclisinin deputatı Yevda Abramov, Azərbaycan Dağ Yəhudiləri Dini İcmasının sədri Milix Yevdayev və həmin icmanın ravvini Avraam Yakubov iştirak edib.
Mərasimin açılış hissəsində Sinay Sinaqoqunun kantoru Markus Fildmənin Azərbaycan dövlət himnini ifa etməsi və Azərbaycanın təqdimatına dair video-çarxın nümayişi qonaqlar tərəfindən maraqla qarşılanıb. Sonra Azərbaycanın Los Ancelesdəki baş konsulu Nəsimi Ağayev və İsrailin baş konsulu Deyvid Siql çıxış ediblər. N.Ağayev çıxışında Azərbaycanın tarixi tolerantlıq ənənələrindən bəhs edərək, ölkəmizdə müxtəlif dini etiqadlara göstərilən diqqətin bütün dünya üçün nümunəvi model təşkil etdiyini vurğulayıb. N.Ağayev həmçinin bir neçə gün əvvəl İsrail prezidenti Ruven Rivlinin BMT-də Holokostun beynəlxalq anımı günü ilə bağlı etdiyi çıxışı zamanı Xocalı qətliamı barədə danışmasına diqqət çəkərək, bunun yüksək tarixi, siyasi və mənəvi önəm daşıdığını bildirib.
Çıxışlardan sonra dünya yəhudiləri arasında xüsusi nüfuza malik, eləcə də “Time” jurnalı tərəfindən ABŞ-ın ən tanınmış yəhudi din xadimi kimi səciyyələndirilən, Sinay Sinaqoqunun baş ravvini Devid Volpi dini ayinlərin müşayiəti ilə Tövratı Azərbaycan dağ yəhudi icmasına təqdim edib.
Sonra Gündüz İsmayılov, Yevda Abramov və Milix Yevdayev çıxış edərək, göstərilən diqqətə görə Los Anceles yəhudi icmasına təşəkkürlərini bildiriblər. Çıxış edənlər həmçinin Azərbaycanın yəhudi icmasının tarixi vətəni olduğunu diqqətə çatdıraraq, burada ölkə rəhbərliyi tərəfindən bütün dini icmalara, o cümlədən yəhudi icmasına daim yüksək ehtiram və dəstəyin göstərildiyini vurğulayıblar.
Qeyd edək ki, bu, ABŞ yəhudi icmasından Azərbaycan yəhudilərinə verilən ilk Tövrat olub.
Tural




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10141

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info