“KamAz” avtomobilləri Gəncədə yığılacaq
Tarix: 10.02.2015 | Saat: 00:10:00 | E-mail | Çapa göndər


Rusiyanın avtomobil nəhəngi olan “KamAz”-ın baş direktoru Sergey Koqoqin, zavodun “Xarici Ticarət Şirkəti” QSC-nin baş direktorunun müavini Vasili Tsıqanov və şirkətin yığım layihələri üzrə direktoru Sergey Uşakov Gəncə avtomobil zavodunda olub, iki müəssisə arasında bağlanmış lisenziya müqaviləsinin şərtlərinə uyğun olaraq müəssisəyə baxış keçiriblər.
“Gəncə Avtomobil Zavodu” İstehsalat Birliyinin Müşahidə Şurasının sədri Xanlar Fətiyev və birliyin direktoru Kamran Nəzərov qonaqlara traktor və yük avtomobillərinin yığım xətləri, qaynaq və mexaniki sexdə aparılan işlər barədə məlumat veriblər. Tərəflər gələcəkdə burada “KamAz” avtomobillərinin yığılması üçün nəzərdə tutulan işlərə dair müzakirələr aparıblar.
Qonaqların müəssisə ilə tanışlığından sonra ikitərəfli görüş keçirilib. “Gəncə Avtomobil Zavodu” İstehsalat Birliyinin Müşahidə Şurasının sədri Xanlar Fətiyev Prezidentin ixrac yönümlü iqtisadiyyatın inkişaf etdirilməsini vacib məsələ kimi qarşıya qoyduğunu və bunun Gəncə avtomobil zavodu üçün də prioritet olduğunu diqqətə çatdırıb. Qeyd olunub ki, 2004-cü ildən bu günədək müəssisədə həyata keçirilən bütün layihələr dövlət başçısının birbaşa diqqət və qayğısı sayəsində reallaşıb. Müşahidə Şurasının sədri daha sonra deyib ki, ağır tonnajlı avtomobil sənayesində nəhəng müəssisələrdən olan “KamAz”la əməkdaşlıq Gəncə avtomobil zavodunun inkişaf tarixində yeni mərhələ olacaq və yeni layihələrin həyata keçirilməsinə yol açacaq. “KamAz”-ın baş direktoru Sergey Koqonin Gəncə avtomobil zavodunda yaradılan istehsalat şəraitindən razı qaldığını bildirib və gələcəkdə əməkdaşlığın daha da genişləndirilməsinin vacibliyindən danışıb. Sonra yeni müqavilə şərtləri müzakirə olunub.




 
Bölməyə aid digər xəbərlər
22.04.2019
Ölkəyə milyonlar qazandıracaq sahə: meyvə suyu ixracı artıb
22.04.2019
Nazirlik 1-ci rübdə vergi sahəsində görülmüş işlər barədə məlumat yaydı
22.04.2019
Nazir: “Cari ildə TANAP-la Türkiyəyə 1,5 milyard kubmetrdən çox qaz nəql edilib”
22.04.2019
Bəxtiyar Aslanbəyli: “AÇG yataqlar blokunun işlənməsinə 36 milyard dollardan çox sərmayə qoyulub”
22.04.2019
Vergilər naziri “AmCham”ın nümayəndələri ilə görüşüb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10757

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info