Ötən il lizinq alanların sayı 33,6 faiz artıb
Tarix: 10.02.2015 | Saat: 15:51:00 | E-mail | Çapa göndər


“Aqrolizinq” ASC aqrar sahədə lizinq və aqrotexniki xidmət işlərinin yerinə yetirilməsinin keyfiyyətini yüksəltmək, bu sahədə fəaliyyət göstərən sahibkarların əl əməyini yüngülləşdirmək və onların tələb olunan müasir kənd təsərrüfatı texnikaları, texnoloji avadanlıqlar, mineral gübrələr, pestisidlər və cins damazlıq heyvanlarla təmin olunması istiqamətində fəaliyyətini davam etdirib.
Səhmdar Cəmiyyətin fəaliyyəti üzrə qarşıya qoyulmuş vəzifələrin icrasını təmin etmək məqsədi ilə bölgələr üzrə məhsul istehsalçılarının müvafiq tələbatlarının həcmi və buna uyğun olaraq maliyyə ehtiyacları müəyyənləşdirilib. Müəyyən olunmuş ehtiyaclar üçün Səhmdar Cəmiyyətə dövlət büdcəsindən 35 milyon manat, Prezidentin müvafiq sərəncamlarına uyğun olaraq ümumilikdə 98,5 milyon manat vəsait ayrılıb. Bundan əlavə Səhmdar Cəmiyyətin fəaliyyətindən əldə edilmiş 35,66 milyon manat təkrar istifadə vəsaiti də nəzərdə tutulmuş tədbirlərin həyata keçirilməsinə yönəldilib. 2014-cü ildə 3681 ədəd müxtəlif təyinatlı kənd təsərrüfatı texnikaları alınıb və indiyə qədər onların 3457 ədədinin, o cümlədən müasir tələblərə cavab verən 492 ədəd taxılyığan kombayn, 1085 ədəd traktor, 1880 ədəd traktora qoşulan digər kənd təsərrüfatı texnikalarının respublikaya gətirilməsi təmin edilərək böyük əksəriyyəti kənd təsərrüfatı məhsulları istehsalçılarının istifadəsinə verilib. Belə ki, “Aqrolizinq” ASC tərəfindən 3345 ədəd müxtəlif təyinatlı kənd təsərrüfatı texnikaları, o cümlədən 217 ədəd taxılyığan kombayn, 1307 ədəd traktor, 9 ədəd ekskvator və 1812 ədəd traktora qoşulan digər kənd təsərrüfatı texnikaları 1929 nəfər hüquqi və fiziki şəxslərə lizinqə verilib və ya lizinq yolu ilə satılıb. Hesabat ilində kənd təsərrüfatı məhsulları istehsalçılarına lizinqə verilib və ya lizinq qaydasında satılmış kənd təsərrüfatı texnikaları 2013-cü illə müqayisədə 37,4 faiz, o cümlədən taxılyığan kombaynlar 57,2 faiz, traktorlar 47,7 faiz, ekskvator və digər texnikalar 29,1 faiz, lizinq alanların sayı isə 33,6 faiz artıb.
Prezidentinin 2014-cü il 16 aprel tarixli 152 nömrəli fərmanı əsasında Nazirlər Kabinetinin 2014-cü il 13 avqust tarixli 273 nömrəli qərarı ilə təsdiq edilmiş qaydalara əsasən “Aqrolizinq” ASC tərəfindən lizinqə verilən və lizinq yolu ilə satılan kənd təsərrüfatı texnikalarının ilkin dəyərinə 40 faiz həcmində güzəşt tətbiq edilib. Həmin güzəştlərin ödənilməsi üçün dövlət büdcəsindən 500 min manat vəsait yönəldilib. Bundan əlavə, “Aqrolizinq” ASC tərəfindən hesabat dövründə 1,06 milyon manat dəyərində, o cümlədən Qurban Bayramına hazırlıq çərçivəsində heyvanların kəsilməsi üçün cəmiyyətin təkrar istifadə vəsaiti hesabına 0,396 milyon manat dəyərində 1 dəst mobil tipli kəsimxana avadanlığının və 0,66 milyon manat dəyərində müxtəlif təyinatlı texnoloji avadanlıqlar üçün komplektləşdirici məmulatların alınması məqsədi ilə müvafiq müqavilələr bağlanıb, onlardan 1 dəst texnoloji avadanlığın ölkəyə gətirilməsi təmin edilib.
Ümumiyyətlə, “Aqrolizinq” ASC tərəfindən 2005-2014-cü illərdə 20985 ədəd kənd təsərrüfatı texnikaları, o cümlədən 1815 ədəd taxılyığan kombayn, 6304 ədəd traktor və 12866 ədəd traktora qoşulan digər kənd təsərrüfatı texnikaları alınmış, indiyə qədər onların 20676 ədədinin gətirilməsi təmin edilib. Bu dövr ərzində 14564 ədəd kənd təsərrüfatı texnikaları, o cümlədən 527 ədəd taxılyığan kombayn, 5241 ədəd traktor və 8796 ədəd traktora qoşulan digər kənd təsərrüfatı texnikaları 8415 nəfər hüquqi və fiziki şəxslərə lizinqə verilib və ya lizinq yolu ilə satılıb.
Lizinq xidmətləri ilə yanaşı, Səhmdar Cəmiyyətin rayonlardakı aqroservis filialları vasitəsilə fermerlərə müxtəlif xidmətlər də göstərilir. 2014-cü ildə “Aqrolizinq” ASC-yə məxsus 1483 ədəd taxılyığan kombayn və 5483 ədəd müxtəlif markalı traktorlar və onlara qoşulan kənd təsərrüfatı texnikalarının iştirakı ilə dənli bitkilərin biçini, şum işləri və digər aqrotexniki xidmətlərin həyata keçirilməsi təmin edilib.

Nigar




 
Bölməyə aid digər xəbərlər
20.09.2018
“Əsrin müqaviləsi”nin ildönümü: istehsalat müəssisəsi istismara verilib
20.09.2018
SOCAR-ın bir qrup əməkdaşı “Fəxri neftçi” döş nişanı ilə təltif olunub
20.09.2018
Özbəkistan Bakı-Tbilisi-Qars vasitəsilə yük daşınmasını artıracaq
20.09.2018
Azərbaycanın dostlarının sayı artır
20.09.2018
Kənd təsərrüfatının istehsalı 4,2 faiz artıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info