Paraqvay televiziyasında Azərbaycan iqtisadi modeli və onun uğurları müzakirə edilib
Tarix: 11.02.2015 | Saat: 16:23:00 | E-mail | Çapa göndər


Paraqvayın TV PUBLİCA ictimai televiziya kanalında Paraqvay ilə Birləşmiş Ştatlar arasında kommersiya münasibətləri və bu ilin mart ayında Paraqvayın paytaxtı Asunsyonda keçiriləcək iqtisadi forum barədə müzakirələr keçirilib.
Paraqvayın iqtisadi potensialı və infrastrukturu müzakirə edilərkən proqramın iştirakçılarından biri, beynəlxalq münasibətlər sahəsində ekspert Piter Teyz öz həmkarlarına Azərbaycan barədə danışıb. O qeyd edib ki, Paraqvay administrasiyası bu Cənubi Amerika ölkəsinin inkişafına və infrastrukturun yeniləşdirilməsinə yönəlmiş layihələrin həyata keçirilməsində Azərbaycanın uğur modelindən istifadə edə bilər.
P.Teyz Azərbaycan haqda məlumat verərək qeyd edib ki, öz məhsullarının ixrac edilməsi üçün müasir logistika parkları və limanlar tikilməsi, nəqliyyat sisteminin və energetika sektorunu n inkişaf etdirilməsi üzrə layihələrin həyata keçirilməsi nəticəsində Azərbaycan inkişaf etməkdə olan ölkələrin çoxunu geridə qoyub, dünyanın bir sıra ölkələri ilə kommunikasiya imkanlarını sadələşdirib. Bu tədbirlər, eləcə də Avrasiyada çəkilmiş beynəlxalq boru kəmərləri şəbəkəsinin inkişaf etdirilməsi Paraqvay kimi ölkələr üçün yaxşı modeldir.
P.Teyz vurğulayıb ki, Paraqvay beynəlxalq əlaqələrini genişləndirmək üçün Azərbaycandan nümunə götürməlidir. Ekspert qeyd edib ki, Asunsyon ilk növbədə dünyanın müxtəlif ölkələrində yeni diplomatik missiyalar açmalıdır. Məsələn, Azərbaycanın dünyanın müxtəlif ölkələrində 60-dan çox səfirliyi olduğu halda, Paraqvayın cəmi 38 səfirliyi var. Diplomatik missiyalar açılması dövlətin başqa ölkələrlə münasibətlərini sadələşdirməyə və möhkəmlətməyə imkan yaradır. İkincisi, P.Teyzin fikrincə, Paraqvay öz məhsullarını və mallarını xarici dövlətlərə ixrac etmək üçün yeni nəqliyyat yolları axtarışı ilə məşğul olmalıdır. Buraya, ilk növbədə, avianəqliyyat donanması yaradılması və onun düzgün fəaliyyəti konsepsiyası daxildir - Azərbaycanın “Silk Way Airlines” nəqliyyat-yük aviaşirkəti yaratması kimi. Bu halda Paraqvay, bir tərəfdən, Braziliya və Argentina vasitəsilə quru yolları ilə beynəlxalq bazarlara çıxışdan asılı olmaz, digər tərəfdən - daha müstəqil iqtisadi siyasət yürüdə bilər.
Xatırladaq ki, Piter Teyz 2014-cü ildə Azərbaycanda olub və həmin il oktyabrın 2-3-də Bakıda keçirilmiş 4-cü Beynəlxalq Humanitar Forumun iştirakçısı olub.

Təhminə




 
Bölməyə aid digər xəbərlər
26.03.2019
“Luxus-Plus” portalı Mehriban Əliyevanın Fransaya səfərindən yazıb
26.03.2019
ABŞ dövlət katibi Azərbaycan xalqını Novruz bayramı münasibətilə təbrik edib
26.03.2019
Tolerantlıq və multikulturalizmin Azərbaycan modeli əsrlər boyu mövcud olub
25.03.2019
Tramp Türkmənistanın Azərbaycan vasitəsilə Qərbə qaz ixrac etmək imkanından yararlanacağına ümid edir
24.03.2019
Amerikalı jurnalistlərə Dağlıq Qarabağ münaqişəsi ilə bağlı həqiqətlər çatdırılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10705

1 Azərbaycan xalqı zəngin mədəniyyətə sahibdir
2 İraqda bərə qəzaya uğrayıb: 71 ölü
3 Paşinyan reytinqini küçə süpürməklə qaldırmaq istəyir?
4 Lado Mehdiyevin xatirəsinə həsr olunmuş badminton turnirinə yekun vurulub
5 Nursultan Nazarbayevin qərarı qazax xalqının firavan gələcəyini təmin edəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info