Avropa Oyunları zamanı xidmət göstərəcək sürücülərin siyahısı müəyyənləşdirilib
Tarix: 12.02.2015 | Saat: 20:59:00 | E-mail | Çapa göndər


Bakıda keçiriləcək I Avropa Oyunları ilə bağlı avtobus və taksi sürücülərinin geyim formasında dəyişiklik olacaq. Bununla əlaqədar Nəqliyyat Nazirliyində və Milli Olimpiya Komitəsində 6 növ geyim forması tərtib olunub. Gələn həftənin bazar ertəsi formalara baxış keçiriləcək və seçimlə bağlı son qərar veriləcək. Bunu Nəqliyyat Nazirliyinin Dövlət Avtomobil Nəqliyyatı Xidmətinin Bakı Sərnişin və Yük Daşımalarının Təşkili İdarəsinin rəis müavini Əmrah Cəfərov deyib.Onun sözlərinə görə, xüsusi geyim forması ilə bağlı son qərar veriləndən sonra onların tikilməsi və paylanması prosesinə start veriləcək.
Ə.Cəfərov həmçinin qeyd edib ki, Avropa Oyunları zamanı zərurət yaranarsa, bəzi avtobus marşrutlarının dislokasiyası, eləcə də nəqliyyat vasitələrinin və sərnişinlərin sıxlığının müşahidə edildiyi avtobus dayanacaqlarının yeri müvəqqəti olaraq dəyişdiriləcək. Oyunlar zamanı avtobus marşrutlarının əhatə dairəsinin genişləndirilməsi isə işin gedişatından asılı olacaq.
İdarə rəsmisi əlavə edib ki, artıq Avropa Oyunları zamanı xidmət göstərəcək avtobus və taksi sürücülərinin, o cümlədən mühəndis-texniki işçilərin siyahısı müəyyənləşdirilərək müvafiq qurumlara göndərilib. Siyahıda minə yaxın şəxsin adı var: “Olimpiya Oyunları ərzində sərnişindaşımada hər hansı nizam-intizam qaydası pozularsa, istər İdarəmizin işçiləri, istərsə də sürücülər və sahibkarlar məsuliyyətə cəlb ediləcək, qanun qarşısında cavab verməli olacaqlar”.
Tural




 
Bölməyə aid digər xəbərlər
20.09.2019
“Neftdən əldə edilən gəlirlərin xalqın rifahına yönəltmək kimi əsas məqsədə nail olundu”
20.09.2019
Sahibkarların nəzərinə!
20.09.2019
“Azərbaycanın bütün sahələrində olduğu kimi, dağ-mədən və hasilat sahəsində də inkişaf yaşanır“
20.09.2019
Naxçıvanda beynəlxalq standartlara cavab verən su təchizatı və kanalizasiya sistemləri qurulub
20.09.2019
Azərbaycan dünya bazarlarına ixrac potensialını artıracaq

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10889

1 В Великобритании перешли на систему образования СССР
2 Vilayət Eyvazov sərəncamda olan rəisə vəzifə verdi
3 “Bəzi belarus tələbə qızlar artıq Azərbaycana gəlin köçməyə hazırlaşırlar”
4 “Siyasi partiyaların bir araya gəlməsi müsbət qiymətləndiriləsi hadisədir”
5 Gömrükçülər 2 milyon manatlıq dərman preparatları aşkarlayıblar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info