Gəncədə müasir tipli Regional Peşə Tədris Mərkəzi yaradılır
Tarix: 16.02.2015 | Saat: 21:28:00 | E-mail | Çapa göndər


Əmək və Əhalinin Sosial Müdafiəsi Nazirliyi (ƏƏSMN) və Dünya Bankının “Sosial Müdafiənin İnkişafı” Layihəsi çərçivəsində Gəncə şəhərində müasir tipli Regional Peşə Tədris Mərkəzi yaradılır. Bu il istifadəyə verilməsi nəzərdə tutulan Mərkəz Gəncə şəhərinin və ətraf rayonların işsiz və işaxtaran sakinlərinin müasir əmək bazarının tələblərinə uyğun peşələr üzrə peşə hazırlığının təşkilinə və onların əmək bazarına çıxış imkanlarının artırılmasına xidmət göstərəcək. Mərkəzdə əlilliyi olan şəxslərin də peşə hazırlığının təşkili, habelə bu təbəqədən olan şəxslərin maneəsiz hərəkət imkanlarına malik olmaları üçün lazımi şərait yaradılır. Burada əmək bazarında tələb olunan müxtəlif peşələr üzrə lazımi texniki və tədris vəsaitləri ilə təmin olunmuş sinif otaqları və emalatxanalar, yataqxana, kitabxana, akt zalı, bufet və s. fəaliyyət göstərəcək. Peşə tədris mərkəzində ənənəvi təlim üsulları ilə bərabər, işaxtaranların daha müasir üsulla və qısa zamanda yeni peşələrə yiyələnmələrinə və əmək bazarına daxil olmalarına imkan verən modul təlim texnologiyalarından geniş istifadə olunacaq.
Xatırladaq ki, hazırda ƏƏSMN-nin Bakı, Naxçıvan şəhərlərində və Göyçay rayonunda Regional Peşə Tədris Mərkəzləri fəaliyyət göstərir. Son bir ildə ƏƏSMN yanında Dövlət Məşğulluq Xidməti tərəfindən peşə hazırlığına cəlb olunan 3786 nəfər işsiz və işaxtaran şəxsin 2 min nəfərə yaxını məhz həmin mərkəzlərdə yeni peşələrə yiyələnib. “Sosial Müdafiənin İnkişafı” Layihəsi çərçivəsində son vaxtlarda Bakı və Göyçaydakı mərkəzlərdə yenidənqurma işləri aparılıb, yeni sinif otaqları və emalatxanalar yaradılıb, onların maddi-texniki bazası daha da gücləndirilib.

İlkin




 
Bölməyə aid digər xəbərlər
25.05.2019
Ordubadlı nümunəvi ailə təsərrüfatlarının iş təcrübələri muxtar respublikada yayılır
25.05.2019
Beyləqandakı əmək yarmarkasında 54 nəfər işə göndəriş alıb
24.05.2019
Tikinti mühəndisi vəzifəsinə işçi axtarılır
24.05.2019
“Gilan Holding“ işçi axtarır
24.05.2019
Bank mütəxəssis axtarır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info