“Ukraynada yaranan böhranın səbəbi ABŞ-ın müdaxiləsidir”
Tarix: 16.02.2015 | Saat: 23:14:00 | E-mail | Çapa göndər


“Birləşmiş Ştatlar Ukraynada davam edən böhrandan bütün regionda stabilliyi pozmaq üçün istifadə edir”

Son dövrlər ABŞ-ın dünya arenasındakı siyasəti, təkcə ölkə xaricində deyil, ölkədəki nüfuzlu şərxslər tərəfindən də tənqid edilməkdədir. Buna bariz nümunə kimi, politoloq, Beynəlxalq Tədqiqat Mərkəzinin direktoru Xoakin Floresin fikirlərini qeyd edə bilərik. O “Press TV”yə bildirib ki, Ukraynada yaranan böhranlı vəziyyətin səbəbi ABŞ-ın müdaxiləsidir. Ona görə də Vaşinqton insanlığa qarşı yönəlmiş dəhşətli cinayətlərə görə cavab verməlidir: “Birləşmiş Ştatlar Ukraynada davam edən böhrandan bütün regionda stabilliyi pozmaq üçün start meydançası kimi istifadə edir. ABŞ nə qədər ki, Ukraynadan regionda stabilliyi pozmaq üçün plasdarm kimi istifadə edə bilir, oradan əl çəkməyəcək. Ukraynada yaranan böhranın səbəbi ABŞ-ın müdaxiləsidir. Buna görə də Kiyevin yeni hökuməti ilk növbədə ABŞ tərəfindən idarə olunur. Yeni Kiyev hökumətini işğalçı adlandırmaq olar. Milyonlarla ukraynalı hökumətin açdığı atəşə görə evlərindən köçməyə məcbur olublar. Suveren hakimiyyətlər özlərini belə aparmırlar. Ona gör də məhz ABŞ insanlıq əleyhinə dəhşətli cinayətlərə görə cavab verməlidir”.

“Kiyevin yeni hökuməti ilk növbədə ABŞ tərəfindən idarə olunur. Milyonlarla ukraynalı evlərindən köçməyə məcbur olub. Ona görə də ABŞ insanlıq əleyhinə dəhşətli cinayətlərə görə cavab verməlidir”

Xatırladaq ki, bu fikirlərində Flores tək deyil. Ondan bir müddət əvvəl “Sputnik” radiosuna açıqlama verən Çikaqo Universitetinin siyasi elmlər üzrə professoru Con Mirşaymer oxşar fikirlər səsləndirib. Professor da iddia edib ki, xarici siyasətdə tez-tez yanlışlıqlara yol verən və kənarda günahkar axtaran ABŞ səhvlərini etiraf etmək istəmir. Mirşaymerə görə, NATO-nun genişlənmə siyasəti və Ukraynaya verilən dəstək bu ölkədə böhrana səbəb olub: “Hələ bundan xeyli əvvəl xəbərdarlıq edilirdi ki, Gürcüstan və Ukraynanın NATO-ya üzv olmaq istəyi ağır nəticələrə gətirib çıxara bilər. İndi səhv etdiklərini etiraf etmək istəməyərək, Vladimir Putini ittiham edirlər”. Mirşaymer bildirir ki, istər NATO, istərsə də Avropa Birliyinin addımları Ukraynanı Rusiyanın təsir dairəsindən uzaqlaşdırmağa hesablanmışdı: “İndi həmin dairələr özlərini “yaxşı oğlan”, Rusiyanı isə “cinayətkar” kimi təqdim etməyə çalışırlar. Onlar münaqişənin həllinə çalışmaqdansa, Kiyevi silahlandırmaqla alov üzərinə yağ tökürlər. Amerika isə özünü haqlı göstərməyə çalışaraq, hər şeyi rusların üstünə yıxmağa çalışır”.
Ağasəf BABAYEV




 
Bölməyə aid digər xəbərlər
21.11.2018
“Belarusa səfər Prezident İlham Əliyevin xarici siyasət istiqamətində növbəti uğurudur”
21.11.2018
Ukrayna NATO və Avropa İttifaqına üzvlüyə hər an yaxınlaşır
20.11.2018
Yeni Azərbaycan Partiyası: iqtisadi və siyasi müstəqilliyi möhkəmləndirən ideyalar məktəbi
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info