“Beynəlxalq Valyuta Fondu da Ukraynanı iflasdan xilas edə bilməyəcək”
Tarix: 17.02.2015 | Saat: 23:57:00 | E-mail | Çapa göndər


“Ukrayna hakimiyyəti dalana dirənib. Mərkəzi Bankın valyuta
ehtiyatları demək olar ki, tükənib-yanvar ayına olan məlumata görə
cəmi 6 milyard dollar qalıb. Bu vəsait sadəcə ölkənin bir
aylıq idxalını bağlamağa imkan verir. Əslində 3 aylıq idxalın
bağlanması vacibdir”


“Ukrayna milli valyutası olan qrivnanın ucuzlaşması, böyük dövlət borcu, ölkə ÜDM-ində 15-20 faiz paya sahib olan regionların itirilməsi bu ölkənin iqtisadiyyatı üçün yaxşı heç nə vəd etmir. Yeni atəşkəs razılaşmasına baxmayaraq, qrivnanın dəyədən düşməsi sürətlə davam edir. Bu isə o deməkdir ki, Beynəlxalq Valyuta Fondunun 17 milyard dollarlıq yardım paketi də Ukrayna iqtisadiyyatını iflasdan xilas etməyəcək”.
Bu fikirlər Fransanın “Le Figaro” nəşrində yer alan məqalədə qeyd edilib. Məqalədə qeyd edilir ki, son günlər qrivnanın dəyərdən düşməsi tarixi minimuma enib. Bir il ərzində milli valyuta dəyərini 66 faiz itirib ki, bunun da 40 faizi son ayların payına düşür. Maraqlısı odur ki, Beynəlxalq Valyuta Fondunun xahişi ilə Ukrayna Mərkəzi Bankı milli valyutanı dəstəkləmək kursundan imtina etdikdən sonra qrivnanın dəyərdən düşməsi daha da sürətlənib. Fransa sığorta şirkətinin iqtisadçısı Coface Jyulen Marsillini sözlərinə görə, hər dəfə Ukraynada valyutanın məzənnəsi aşağı düşdükcə, ölkədə iqtisadi vəziyyəti pisləşməkdə davam edir. Bu, mütləq fəlakətdir. O, qeyd edir ki, ölkədə milli valyutanın dəyərdən düşməsi, inflyasiyanı artırmaqla yanaşı, idxal olunan malların qiymətlərinin də artmasına səbəb olur. Bütün borclar xarici valyuta ilə olduğundan adi vətəndaşlar və müəssisələr inflyasiyaya görə ikiqat ödəniş etməyə məcbur olurlar. “Le Figaro” yazır: “Ukrayna hakimiyyəti dalana dirənib. Mərkəzi Bankın valyuta ehtiyatları demək olar ki, tükənib-yanvar ayına olan məlumata görə cəmi 6 milyard dollar qalıb. Bu vəsait sadəcə ölkənin bir aylıq idxalını bağlamağa imkan verir. Əslində 3 aylıq idxalın bağlanması vacibdir”. BVF-nin yardım vədinə baxmayaraq “Fitch” beynəlxalq reytinq agentliyi iflas ehtimalını nəzərə alaraq Ukraynanın reytinqini aşağı salıb. Hərbi və iqtisadi vəziyyət sabitləşməyincə Ukrayna iqtisadiyyatını pozitiv perspektiv gözləmir. Bu arada Ukrayna dövlət büdcəsində dəyişikliklər çərçivəsində qaz və enerji tariflərinin artırılacağı barədə xəbərlər dolaşmaqdadır. Bu barədə Ukraynanın “Vesti” nəşri məlumat yayıb. Qəzet onu da qeyd edib ki, büdcə dəyişiklikləri Ali Radanın fevralın 25-də keçiriləcək fövqəladə sessiyasında qəbul edilə bilər.
Ağasəf BABAYEV




 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10472

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info