“Azərbaycana dəymiş maddi zərərlə bağlı məsələ tribunala çıxarılmalıdır”
Tarix: 18.02.2015 | Saat: 17:52:00 | E-mail | Çapa göndər


Azərbaycan Milli Elmlər Akademiyasının İnsan Hüquqları İnstitutu və Dini Qurumlarla İş üzrə Dövlət Komitəsi “İşğal altında qalmış abidələrimiz: tarixi yaddaşın izi ilə” mövzusunda konfrans keçiriblər. Konfransda institutun direktoru, deputat Aytən Mustafayeva, komitə sədri Mübariz Qurbanlı, dini icma rəhbərləri, ekspertlər və QHT nümayəndələri iştirak ediblər.
Çıxışında tədbirin bu ərəfədə keçirilməsinin təsadüfü olmadığını deyən M. Qurbanlı bildirib ki, bir neçə gündən sonra Xocalı soyqırımının növbəti ildönümü qeyd ediləcək: “Ermənilər işğal altında olan torpaqlarımızda, o cümlədən Xocalıda soyqırımlar, vəhşiliklər törədiblər. Bu məlumatlar müxtəlif dillərdə yayılıb dünyaya çatdırılmalıdır”.
A. Mustafayeva isə bəyan edib ki, Azərbaycan işğal altında qalmış dini, tarixi, mədəni abidələri, Azərbaycana dəymiş maddi zərər üzərində işləməli və bu hesab işğalçılar qarşısında qoyulmalıdır: “Bizim məqsədimiz bu məsələni beynəlxalq məhkəməyə, tribunala çıxarmaqdır. İşğal altında təkcə müsəlman abidələri deyil, alban, xristian abidələri də var. Bu gün onların qorunmasından heç bir söhbət gedə bilməz”. A. Mustafayeva qeyd edib ki, tolerantlıq Azərbaycan üçün normal həyat tərzidir: "Biz özümüzə hörmət ediriksə, başqalarının da mədəniyyətinə hörmət etməliyik. Lakin təəssüflər olsun ki, Avropa Konvensiyasının yaradıcısı olan Avropa ölkələri bu mədəniyyəti qoruyub-saxlaya bilmirlər. Avropada multikulturalizm və tolerantlıqdan danışırlar, lakin real həyatda Avropa buna hazır olmadığını göstərdi”.
Konfransda “Erməni təcavüzü və dini abidələrimiz”, “Dağlıq Qarabağda monumental incəsənət və dini abidələrin ermənilər tərəfindən dağıdılmasının tarixi səbəbləri” mövzusunda təqdimatlar keçirilib. Daha sonra komitə ilə institut arasında anlaşma Memorandumu imzalanıb.

Nigar




 
Bölməyə aid digər xəbərlər
14.12.2019
Növbədənkənar parlament seçkilərində 71 nəfərin namizədliyi təsdiq olunub
14.12.2019
Heydər Əliyevin anım gününə həsr edilmiş elmi-praktik konfrans keçirilib
14.12.2019
Məşhur idman ustası Milli Məclisə namizəd olur
13.12.2019
“Scale Up“ akselerator proqramının açılış mərasimi olub
13.12.2019
Bu il Qazax rayonu istiqamətində sərhəd döyüş məntəqələrinin mövqeləri 1,5-1,7 km irəli çəkilib

Şərh əlavə olunmayıb

    ,    
Namiq Əliyev
Namiq Əliyev
Anar MİRİYEV
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11405

1 “Gəncliyimiz Prezidentin onlara etibar və həvalə etdiyi məsuliyyətin yükünü çiyinlərində daşımağa qadirdir”
2 AZSIĞORTA Mərkəzi Bank əməkdaşlarını sığortalayacaq
3 Naxçıvanın Daxili işlər naziri Fazil Ələkbərov Dünya Şotokan Karate Federasiyasının 1-ci vitse-prezidenti seçilib
4 Azərbaycan idmançıları Moskvada dünya rekordunu qıraraq çempion olublar
5 Regionların inkişafı bütövlükdə Azərbaycanın inkişafı deməkdir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info