Okayamada Azərbaycan haqqında təşkil olunmuş seminar maraqla qarşılanıb
Tarix: 18.02.2015 | Saat: 18:13:00 | E-mail | Çapa göndər


Yaponiyanın Okayama şəhərində Azərbaycan haqqında seminar keçirilib. Seminarda Okayama şəhəri ilə yanaşı, Osaka, Nara, Takamatsu, Hiroşima və Tottori şəhərlərinin iş adamları da iştirak ediblər.
“World Investers TV” internet televiziyasının prodüseri, dünya ölkələrinin investisiya imkanlarının araşdırılması sahəsində tanınmış iqtisadçı-ekspert Kazuyasu İşida son illər dünya iqtisadiyyatında baş verən proseslərdən, bəzi ölkələrin yaranmış mürəkkəb şəraitdən bacarıqla çıxmasından danışıb. Bildirilib ki, inkişaf etməkdə olan bir sıra ölkələr mövcud iqtisadi potensialdan məharətlə yararlanaraq böhrandan itkisiz çıxmağı bacarıb, ümumi daxili məhsulun artımında mühüm irəliləyişə nail olublar. Belə ölkələr sırasında Azərbaycanın xüsusən seçildiyini vurğulayan K.İşida son 10 ildə respublikamızda həyata keçirilən nəhəng layihələrdən söhbət açıb. Tanınmış ekspert Azərbaycanın iqtisadi proqnozlarının çox ümidverici olduğunu, yaxın 15 ildə daha böyük uğurlara imza atacağını diqqətə çatdırıb. K.İşida bu sürətli inkişafın şahidi olmaq istəyənləri cari ilin aprelində Azərbaycana təşkil olunacaq növbəti işgüzar səfərə dəvət edib.
Seminarda Azərbaycanda son illərdə əldə edilən iqtisadi uğurlar, investisiya imkanları və biznesin təşkili haqqında da ətraflı məlumat verilib. Qeyd olunub ki, Azərbaycan dünyanın enerji təminatında mühüm yer tutan Bakı-Tbilisi-Ceyhan əsas ixrac neft, Bakı-Tbilisi-Ərzurum qaz kəmərləri, TANAP və TAP layihələrində əsas rol oynayan ölkələrdən biridir. Ölkəmizin böyük beynəlxalq tədbirlərin, idman yarışlarının yüksək səviyyədə təşkil olunduğu bir məkana çevrildiyini diqqətə çatdıran K.İşida cari ildə ilk Avropa Oyunlarının məhz Bakıda keçiriləcəyini vurğulayıb.
Azərbaycanda iqtisadiyyatın şaxələndirilməsi istiqamətində də böyük layihələrin həyata keçirildiyini diqqətə çatdıran K.İşida, ölkədə yapon şirkətləri ilə əməkdaşlığa böyük maraq olduğunu vurğulayıb. Bildirib ki, respublikamızda əlverişli biznes mühiti var və investisiya qoyuluşu üçün münbit şərait yaradılıb. Azərbaycan Yaponiyanın yüksək texnologiyaları, alternativ enerji mənbələri, kosmik məkanın mənimsənilməsi sahələrində qabaqcıl texniki nailiyyətlərin idxalında maraqlıdır. Eyni zamanda, gündoğar ölkədə də Azərbaycanın kənd təsərrüfatı məhsullarına böyük maraq var. Bu, hər iki ölkədə qarşılıqlı mənfəət əsasında perspektivli biznesin inkişafına təkan verə biləcək amillərdir.
Tədbirdə iştirakçıların Azərbaycanda biznesin təşkili prosedurları ilə bağlı sualları ətraflı cavablandırılıb.

Təhminə




 
Bölməyə aid digər xəbərlər
24.11.2020
Azərbaycan Ordusu erməniləri Şuşada belə aldatdı– VİDEO
24.11.2020
Qarabağ danışıqları: Türkiyə israrlıdır, Rusiya isə..
23.11.2020
Füzuli şəhərinin yenidən qurulmasının, canlandırılmasının vaxtı çatıb
23.11.2020
Avropa Şurasının Baş katibi atəşkəs razılaşmasını alqışladığını bəyan edib
23.11.2020
Torpaqlarımızın azad olunması müasir Azərbaycan tarixinin və dövlətçiliyinin şərəf zəfəridir

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11858

1 Зачистка по-пашиняновски. Усидит ли армянский премьер на посту до конца года
2 “Türkvizyon“ gələn il Şuşada keçiriləcək
3 Mədəniyyət Nazirliyi “Xristian irsimizi tanıyaq” layihəsini təqdim edir
4 Сирийская террористка: мы помогали армянским оккупантам воевать в Карабахе
5 “Azərbaycançılıq ideyası - dünya azərbaycanlılarının istinad mənbəyi” adlı kitab nəşr olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info