Ukraynalı tarixçi Ali Radanın Xocalı soyqırımı ilə bağlı qərar qəbul etməsini istəyir
Tarix: 18.02.2015 | Saat: 18:17:00 | E-mail | Çapa göndər


Azərbaycanın Xarkov şəhərindəki Fəxri konsulluğunun təşəbbüsü ilə Zaporojye şəhərində Xocalı soyqırımının 23-cü ildönümü ilə bağlı anım mərasimi keçirilib.
Trend-in məlumatına görə, Zaporojye vilayət administrasiyası rəsmilərinin, elm və mədəniyyət xadimlərinin, diaspor və kütləvi informasiya vasitələri nümayəndələrinin iştirak etdiyi anım mərasimində Xocalı qurbanlarının xatirəsi bir dəqiqəlik sükutla yad edilib. Anım mərasimində Azərbaycanın Xarkov şəhərindəki fəxri konsulu Əfqan Salmanov çıxış edərək, erməni şovinistlərin son iki əsrdə xarici havadarlarının gücünə arxalanaraq Azərbaycanda həyata keçirdikləri işğalçılıq və soyqırım siyasəti haqqında ətraflı məlumat verib. 23 il bundan əvvəl erməni silahlı birləşmələrinin Xocalı şəhərində uşaqlara, qadınlara və dinc əhaliyə qarşı amansız qəddarlıqlar nümayiş etdirdiklərini diqqətə çatdıran fəxri konsul bu cinayətdə birbaşa əli olan indiki Ermənistan rəhbərliyinin gec-tez qüdrətli Azərbayacan dövləti qarşısında cavab verəcəyini vurğulayıb. Qeyd edib ki , qlobal iqtisadi inkişaf tempinə görə bölgədə lider dövlət olan Azərbaycan istənilən vaxt Ali Baş Komandan İlham Əliyevin əmrinə müntəzir olaraq torpaqlarını düşmən tapdağından azad etməyə qadirdir.
Sonra tədbirə qatılanlar Azərbaycan Televiziyasının hazırladığı “Xocalı harayı” filminə baxmaqla erməni xislətinin vəhşi obrazı ilə tanış olublar.
"Xocalı faciəsini törədənlər dünyanın ən ağır cəzasına məhkum olunmalıdır", - filmə baxdıqdan sonra bu tələblə çıxış edən Zaporojye şəhər Radasının Mədəniyyət və milli məsələlər departamentinin rəhbəri Pavel Myalo, tarixçi alim Anatoli Qançarenko və digər çıxış edənlər indiyədək belə bir bəşəri cinayətin cəzasız qalmasından hiddətləndiklərini bildiriblər. Bu baxımdan beynəlxalq təşkilatları və Ukrayna parlamentini Xocalı soyqırımına hüquqi siyasi qiymət verməyə səsləyiblər.
Tarixçi alim A.Qançarenko çıxışında bildirib ki, bu gün dünyanın bir çox ölkələrində dəhşətli faciələr baş verir: "Əminəm ki, əgər dünya birliyi vaxtında Xocalı soyqırımına hüquqi siyasi qiymət versəydi, bu gün çox yerdə şahidi olduğumuz faciələrlə üzləşməzdik. Mən çox istərdim ki, tezliklə dünya birliyi, o cümlədən, Ukrayna parlamenti Xocalı soyqırımı haqqında qərar qəbul etsin. Bu amansiz cinayəti törədənlər cəzalandırılsın".
Anım mərasiminin sonunda Xocalı soyqırımına hüquqi-siyasi qiymət verilməsi üçün Ukrayna parlamentinə və bir sıra beynəlxalq təşkilatlara müraciət qəbul olunub.
Təhminə




 
Bölməyə aid digər xəbərlər
22.07.2019
Prezident İlham Əliyev: Bünövrəsi “Əkinçi“ ilə qoyulmuş milli mətbuatımız bu gün Azərbaycanın dünyada eşidilən səsidir
22.07.2019
1990-cı il 22 iyul: Qurtuluşa aparan yolun, özünəqayıdışın başlanğıc günüdür
21.07.2019
QMİ-nin Gürcüstan nümayəndəliyi Keşikçidağ məbəd-kompleksi ətrafında yaranmış vəziyyətlə bağlı bəyanat yayıb
20.07.2019
Ali Baş Komandanın qarşımızda qoyduğu ən əsas tapşırıq yüksək döyüş hazırlığıdır
20.07.2019
İqor Dodon: Moldova ilə Azərbaycan arasında çox gözəl əməkdaşlıq əlaqələri mövcuddur

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info