Rusiya ilə Azərbaycan arasında əmtəə dövriyyəsinin həcmi 4 milyard dollara yaxınlaşır
Tarix: 18.02.2015 | Saat: 19:44:00 | E-mail | Çapa göndər


Ötən 2014-cü il Rusiya-Azərbaycan münasibətləri üçün səmərəli olub. İki ölkə prezidentləri üç dəfə görüşüblər. Rusiyanın bir sıra nazirləri dəfələrlə Azərbaycanda, Azərbaycan nazirləri isə Rusiyada səfərdə olublar. Rusiyanın regionları Azərbaycan Respublikasına çox böyük maraq göstərib: Rusiyadan Azərbaycana səfər etmiş 22 nümayəndə heyətinin on ikisinə regionların rəhbərləri başçılıq ediblər.
Rusiya Federasiyasının Azərbaycandakı səfiri Vladimir Doroxin bu sözləri “RİA Novosti” saytına müsahibəsində söyləyib. Səfir bildirib ki, ölkələrimiz arasında ticarətin həcmi artıb. O deyib: “Biz yenidən 4 milyard dollara yaxın rekord səviyyəyə çatırıq”.
Moskva ilə Bakı arasında iqtisadi münasibətlərdən söhbət açan səfir deyib: “Keçən il Azərbaycan Rusiyaya göndərilən ərzaq məhsullarının həcmini təqribən 20 faiz artırıb və beləliklə, Rusiyaya qarşı tətbiq edilən sanksiyalar ucbatından yaranmış kənd təsərrüfatı məhsullarının qıtlığını aradan qaldırılmasına kömək edib. Lakin bunlar xüsusi məsələlərdir. Biz çoxdan deyirdik ki, kənd təsərrüfatı sektorunda əlaqələri yeni strateji əsaslar üzərində qurmaq lazımdır. Bu gün Azərbaycan Rusiyaya 300 milyon dollarlıq məhsul göndərir, biz isə bundan qat-qat artıq məhsul qəbul etməyə hazırıq. Azərbaycanın istehsal həcmini artırmasına imkan yaradan, bu məhsulların Rusiyaya satışına zəmanət verən dövlət proqramı lazımdır. Biz bu strateji istiqamətdə işləyirik”.
Səfir Azərbaycanda neftayırma zavodu tikintisi üçün keçən ilin sonunda Rusiyanın “Qazprombank” bankı tərəfindən 430 milyon dollar həcmində kredit ayrılması haqda imzalanmış sənədi də xatırladıb. “Sberbank Rossii” və “Azərbaycan Beynəlxalq Bankı” arasında imzalanmış sazişə görə, Rusiya tərəfi azərbaycanlı sahibkarlara 1,2 milyard dollar məbləğində kredit ayıracaq.
Müsahibədə bildirilir ki, indiyə qədər Azərbaycan Rusiyada təqribən 1 milyard dollar sərmayə qoyub.

Təhminə




 
Bölməyə aid digər xəbərlər
22.01.2019
Müdafiə naziri mühəndis və kimya hərbi hissələrində yeni istifadəyə verilən obyektlərlə tanış olub
22.01.2019
Əli Abdalov Mehman Hüseynovla barışıb
22.01.2019
Dünya İqtisadi Forumu işə başlayıb
22.01.2019
Tükənməyən bəhanələr
22.01.2019
Bakı Şəhər Baş Polis İdarəsi və şəhər prokurorluğu mitinqlə bağlı məlumat yayıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Nikola Sarkozi: “Bakıda böyük quruculuq işlərinin şahidi oldum”
4 Mehman Hüseynov Prezident İlham Əliyevə müraciət ünvanlayıb
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info