Əcnəbi tələbələr Xocalıya ədalət istədilər
Tarix: 18.02.2015 | Saat: 20:50:00 | E-mail | Çapa göndər


Artıq xaricdə təhsil alan gənclərimiz Azərbaycanın, sözün həqiqi mənasında, yeni gücünə çevriliblər. Onlar öz təhsillərində uğurları sıralamaqla yanaşı, ictimai işlərdə, təbliğat tipli tədbirlərdə aktiv olurlar, bir çox hallarda isə müstəqil şəkildə tədbirlər təşkil edirlər. Belə adı öncüllər sırasında olan aktiv gənclərimizdən biri də İspaniyanın Vitoria- Gasteiz şəhərində təhsil alan Azərbaycan Dillər Universitetinin doktorantı, Bask Ölkə Universitetinin tədqiqatçısı Fatma Qurbanzadədir. O, “Xocalıya ədalət!” adlı tədbir təşkil edilib. Tədbir “Xocalı – Vəhşiliyin görünməmiş üzü! Haqq yandıran çırağınız sönməz olsun!” başlığı altında olub. Nümayişi giriş sözü ilə açan Fatma Qurbanzadə əvvəlcə özü haqqında qısa məlumat verib və bu universitetdə təhsil alan yeganə azərbaycanlı tələbə olaraq, Azərbaycanı təmsil etməkdən qürur və fəxarət hissi keçirdiyini vurğulayıb. Daha sonra o qeyd edib ki, tarix çox faciələr, fəlakətlər, qanlı qətllər, misli görünməmiş savaşlar görüb. Amma o günə qədər o qədər də aktual olmayan söz soyqırımı sözünün bizə əsl mənasını dərk etdirən və “layiq”incə yaşatdıran bir faciə - XX əsrin ən dəhşətli faciəsi –Xocalı faciəsi olub. Fatma xanım deyib: “Faciənin digər adları da var. Məsələn, Azərbaycan xalqının tarixinə 1992-ci il fevralın 25- dən 26-na keçən gecə “Xocalı faciəsi” kimi daxil olan qara gün, “Erməni vandalizminin digər adı”, “Azərbaycanlılara qarşı erməni şovinist dairələrinin XIX-XX əsrlərdə mərhələ-mərhələ həyata keçirdiyi etnik təmizləmə siyasətinin ən bariz nümunəsi”, “Misli görünməmiş hərbi təcavüz”, “Ermənistan silahlı qüvvələrinin bütün beynəlxalq hüquq normalarına zidd olaraq yatan şəhərə hücum edərək azərbaycanlılara qarşı törətdiyi soyqırımı” , “Miqyasına və dəhşətlərinə görə dünya tarixində analoqu az olan Xocalı faciəsi”, “İnsanlığın, vicdanın və heysiyyatın öldüyü gün”, ən nəhayət, “Vəhşiliyin görünməmiş üzü” .
Fatma Qurbanzadə həmçinin çox da uzaq olmayan tarixə istinad edərək “Xocalı soyqırımı”nın əsl məğzini müxtəlif xalqlardan olan tələbə yoldaşlarına izah edib. O qeyd edib ki, Azərbaycan xalqının tarixinə 1992-ci il fevralın 25- dən 26-na keçən gecə Xocalı faciəsi kimi daxil olmuş hərbi təcavüz zamanı Xocalı şəhəri ağır hərbi texnikadan şiddətli atəşlər nəticəsində darmadağın edilib, dinc sakinlərə amansızcasına divan tutulub. Bir neçə saat ərzində 613 soydaşımız, o cümlədən 106 qadın, 63 uşaq və 70 qoca xüsusi qəddarlıqla qətlə yetirilib, meyitlər üzərində təhqiredici hərəkətlərə yol verilib. Həmin kütləvi qırğın həyata keçirilərkən 8 ailənin həyatına son qoyulub, 25 uşaq hər iki valideynindən, 130 uşaq isə valideynlərinin birindən məhrum edilib, 487 dinc Xocalı sakini ağır yaralanıb və 1275 nəfər girov götürülüb. Girov götürülənlərdən 150 nəfərin taleyi indiyədək məlum deyil. Bu faciə 1988-ci ildən başlamış Ermənistan-Azərbaycan, Dağlıq Qarabağ münaqişəsi tarixinin kulminasiya nöqtələrindən biri olub: “Qanlı Xocalı qırğınını törətməklə Dağlıq Qarabağın hüdudlarından kənara çıxan Ermənistan Azərbaycana qarşı genişmiqyaslı təcavüzə də başladı. Ermənistan-Azərbaycan, Dağlıq Qarabağ münaqişəsi zamanı 20 min vətəndaşımız öldürüldü, 50 min nəfərdən çox adam yaralandı və əlil oldu, ölkəmizin ərazisinin 20 faizi işğal edildi. Xalqımız misli görünməyən humanitar fəlakətlə üz-üzə qaldı.
Soyqırımının əsas məqsədi Dağlıq Qarabağı və digər Azərbaycan torpaqlarını ələ keçirmək, xalqımızın müstəqillik və ərazi bütövlüyü uğrunda mübarizə əzmini qırmaq olub. Amma bu addım təcavüzkar mənfurları öz niyyətlərinə çatdıra bilmədi. Bu amansız soyqırımı, əslində qanının son damlasına qədər vuruşan sadə, zəhmətkeş xalqın “Qəhrəmanlıq salnaməsı” idi”.
Fatma Qurbanzadə onu da vurğulayıb ki, qeyri-bərabər döyüşlərdə xalqımız əzmkarlıq göstərib, hərbçilərimiz igidliklə vuruşub, düşmən qarşısında əyilməyiblər.
Son olaraq tələbəmiz onu da diqqətə çatdırıb ki, Birləşmiş Millətlər Təşkilatı Təhlükəsizlik Şurasının, Avropa Parlament Assambleyasının və bir sıra beynəlxalq qurumların Ermənistan-Azərbaycan, Dağlıq Qarabağ münaqişəsinin nizamlanması və problemin ölkəmizin ərazi bütövlüyü çərçivəsində obyektiv həllini tapmasına dair qətnamə və qərarlarına baxmayaraq, bu günə qədər ATƏT-in Minsk qrupu çərçivəsində aparılan danışıqlar heç bir nəticə verməyib.
Tədbirin sonunda, Bask Ölkə Universitetində təhsil alan bir sıra tələbələri -Türkiyədən Fatih Demirel , Polşadan Arnika Rakowska, Cənubi Koreyadan Sae Young, Meksikadan Fernando Eguizabal Saavedra, Amerika Birləşmiş Ştatlarından Michelle Dewkett də azərbaycanlı tələbənin səsinə səs verib, aksiyaya qoşulub və bütün dünyaya səslənərək “Xocalıya ədalət istəyirik!” deyiblər.
Tural Tağıyev





 
Bölməyə aid digər xəbərlər
12.11.2018
Yol polisi Bakıda yük daşıma fəaliyyəti ilə məşğul olan nəqliyyat vasitələri sahiblərinə müraciət edib
12.11.2018
Dövlət Gömrük Komitəsinin Akademiyasında Konstitusiya Günü qeyd olunub
12.11.2018
Bakıdan Misirin Şarm əl-Şeyx şəhərinə birbaşa çarter reysi açılıb
12.11.2018
Daşkənddə Dövlət Bayrağı Günü qeyd olunub
08.11.2018
Yük maşınlarının Bakıya daxil olması üçün marşrutlar müəyyən edilib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10456

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info