2014-cü ilin yekunları müzakirə olunub
Tarix: 18.02.2015 | Saat: 23:19:00 | E-mail | Çapa göndər


Naxçıvan Dövlət Universitetində 2014-cü ilin yekunları və Naxçıvan Dövlət Universitetində qarşıda duran vəzifələrə həsr olunmuş müşavirə keçirilib. Müşavirəni rektor, AMEA-nın müxbir üzvü Saleh Məhərrəmov açaraq mövzu ilə bağlı ətraflı məruzə edib.
Rektor, universitetin ötən il elm, tədris, beynəlxalq əlaqələrin inkişafı sahəsində qazandığı uğurlu əhəmiyyətlərdən bəhs edərək qeyd edib ki, 1967-ci ildə təməli qoyulan universitet ötən il də çoxillik ənənələrini davam etdirib, müasir dünya təhsil sisteminin tələblərinə cavab vermək üçün tarixi inkişaf yolu ilə inamla irəliləyib. Universitetin maddi-texniki bazasını gücləndirilməsinə bilavasitə dövlət qayğısının nəticəsidir ki, ötən tədris ilində yeni tədris korpusları tikilib, müasir avadanlıqlarla təchiz olunmuş yeni tədris laboratoriyalar, fənn kabinələri istifadəyə verilib. “Baytarlıq” ixtisasının yeni tədris korpusunun və müasir tipli universitet xəstəxanasının binasının tikintisi demək olar ki, başa çatmışdır. Universitet müasir informasiya kommunikasiya vasitələrinin tətbiqini pirioritet istiqamət seçib. Düşünülmüş dövlət siyaəsti nəticəsində Naxçıvan Dövlət Universiteti geniş internet məkanına çevrilib. Bu gün elektron universitet , imtahanların elektron test üsulu ilə şəffaf və obyektiv keçirilməsi istiqamətində əhəmiyyətli uğurlara imza atıb. Dünya təhsil sisteminə inteqrasiya, təcrübə mübadiləsi, beynəlxalq əlaqələrin inkişafı istiqamətində görülən işlərə gəldikdə, 80-dən çox tanınmış dünya universitetləri ilə əməkdaşlıq edən bu ali məktəb Tempus proqramı ilə qarşılıqlı əməkdaşlıq şəraitində 5 layihənin iştirakçısıdır. 2014-cü ildə Azərbaycan ali məktəbləri içərisində ən irihəcmli layihə olan, Koreya Beynəlxalq Əməkdaşlıq Agentliyi (KOİCA) ilə birgə həyata keçirilən “Naxçıvan Dövlət Universiteti üçün elektron təhsil şəbəkəsi və rəqəmsal multimedia infrastrukturunun yaradılması” layihəsinin tamamlanması Azərbaycan ali təhsil tarixində əlamətdar hadisədir.
Universitetdə tələbə mobilliyi də diqqət mərkəzindədir. Türkiyə Respublikasındakı universitetlər ilə dünya universitetləri arasındakı qarşılıqlı müəllim və tələbə mübadiləsi proqramı olan “Mövlana” proqramı çərçivəsində 8 tələbə tibb təhsilini Türkiyədə davam etdirir. Universitet tələbələri Cənubi Koreyanın Kimçonq Universitetində, Türkiyə Respublikasındakı universitetlər ilə dünya universitetləri arasındakı qarşılıqlı müəllim və tələbə mübadiləsi proqramı olan “Mövlana” proqramı çərçivəsində Türkiyə universitetlərində, Rusiya Federasiyasının və Ukraynanın müxtəlif ali məktəblərində bir il vəya bir semestr müddətində ali təhsil almağa göndərilir. “Erasmus-Mundus” proqramında iştirak edən tələbələrdən biri Çexiyada, digəri isə Ruminiyada bir illik təhsil almaq hüququ qazanıblar. Naxçıvan Dövlət Universiteti mübadilə yolu ilə gələn xarici tələbələrə də uğurla ev sahibliyi edir. Doktorantura pilləsində universitetdə təhsil alan tələbələr sırasında Slovakiya və Polşa vətəndaşları da var. 2014-cü ilin ən mühüm, yaddaqalan hadisəsi isə olmuşdur. Naxçıvan Dövlət Universitetinin “Azərbaycanda ali məktəblərin reytinqinin müəyyən edilməsi” layihəsi üzrə müsabiqədə ölkə üzrə birinci yeri tutmasıdır. Bu uğurlar universitet kollektivdə böyük ruh yüksəkliyi yaratmaqla qarşıda duran vəzifələrin öhdəsindən gəlmək üçün daha böyük səy və əzmkarlıqla çalışmağa sövq edir. Müşavirədə İqtisadiyyat kafedrasının dosenti, kənd təsərrüfatı üzrə fəlsəfə doktoru Dilsuz Qasımov, Tarix-filologiya fakültəsinin dekanı, filologiya üzrə fəlsəfə doktoru, dosent İman Cəfərli, İqtisad fakültəsinin İqtisadiyyat ixtisası üzrə I kurs tələbəsi Zeynalabdin Cəfərov çıxış ediblər. Çıxışlarda vurğulanıb ki, 2014-cü ilin yekunları bir daha göstərir ki, təhsil müəssisələrinin fəaliyyəti gücləndirilmiş, ali təhsil müəssisələrində tədrisin müasir tələblər səviyyəsində təşkil olunmasına diqqət artırılmışdır. Əldə olunan nailiyyətlər Azərbaycanda, o cümlədən Naxçıvan Muxtar Respublikasında təhsilə göstərilən dövlət qayğısının bəhrələridir.
Mehriban SULTAN
Naxçıvan Dövlət Universitetinin Mətbuat şöbəsinin müdiri





 
Bölməyə aid digər xəbərlər
24.07.2019
Cəbhə xəttində monitorinq keçiriləcək
23.07.2019
Lənkəranda ordu sıralarından tərxis olunmuş gənclərlə görüş
23.07.2019
Evimizi yanğından necə qoruyaq?
23.07.2019
“Bakcell“ sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir
23.07.2019
Komitə sədri vətəndaşları qəbul edəcək

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10836

1 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
2 Подготовка армянских «джавахкских» боевиков-сепаратистов против Грузии в оккупированным Карабахе уже идет полным ходом - FOTO
3 “Cənub bölgəsi Azərbaycanda ən çox turist qəbul edən bölgə olacaq”
4 “Rusiya Azərbaycanlıları İttifaqı gündəmə bəyanatla yox, əməli işlə gəlir”
5 Abituriyentlər, Azərbaycan Dövlət Pedaqoji Universitetini seçin!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info