Bilik Fondu şuşalılarla görüş keçirdi
Tarix: 20.02.2015 | Saat: 15:06:00 | E-mail | Çapa göndər


Azərbaycan Respublikasının Prezidenti yanında Bilik Fondunun icraçı direktoru Oktay Səmədov və Fondun əməkdaşları Şuşa Rayon İcra Hakimiyyətində Dağlıq Qarabağın Azərbaycanlı İcması və şuşalılarla görüşüblər.
Bilik Fondunun İnformasiya təminatı sektorundan verilən məlumata görə, tədbirdə Şuşa rayon İcra Hakimiyyətinin başçısı Bayram Səfərov, İctimai-siyasi və humanitar məsələlər şöbəsinin müdiri Vüsalə Fətəliyeva, Bilik Fondunun nümayəndəsi, rayon Təhsil şöbəsinin müdiri Təvəkkül Əliyev, millət vəkili Elman Məmmədov iştirak ediblər.
Əvvəlcə Şuşa Şəhər Yaradıcılıq Mərkəzi yetirmələrinin rəsmlərindən ibarət sərgi nümayiş olunub.
İcra Hakimiyyətinin başçısı B.Səfərov bildirib ki, ölkə Prezidentinin fərmanı ilə Bilik Fondunun yaradılması Azərbaycanın təkcə təhsil sahəsində deyil, bütün sahələrdə uğurlu inkişafına təkan olacaq: “Bilik Fondu öz üzərinə çox şərəfli missiya götürüb. İşğalda olan torpaqlarımızı mütləq azad edəcəyik. Buna ordumuzun gücü çatar. Ancaq sülhpərvər olduğumuz üçün biliyin gücünə daha çox arxalanırıq. Ona görə də əsgərlərimizin, zabitlərimizin intellektual səviyyəsini artırmalıyıq. Şuşa ictimaiyyəti bu işdə Bilik Fonduna hər cür dəstək verməyə hazırdır”.
İcraçı direktor O.Səmədov Bilik Fondunun fəaliyyəti barədə geniş və ətraflı məlumat verib. Qısa zaman ərzində Fondun həyata keçirdiyi layihələrdən danışan O.Səmədov qarabağlıların genetik istedada malik olduqlarını və cəmiyyətin maarifləndirilməsində onların danılmaz rolunu xüsusi vurğulayıb: “Hər birinizi Bilik Fondu ilə yaxından əməkdaşlığa dəvət edirəm, cəmiyyətimizin inkişafında yeganə silah olan biliyin və maarifçiliyin təbliğatında əlinizdən gələni əsirgəməməyə çağırıram”.
Bilik Fondunun fəaliyyətini yaxından izlədiyini deyən millət vəkili E.Məmmədov hərbi sahədə maariflənmənin vacibliyini diqqətə çatdırıb: “Bu gün Azərbaycanın Ordusu, diplomatiyası, səhiyyəsi, iqtisadiyyatı məhz biliyə söykəndiyinə görə tərəqqi yolundadır. Artıq bizim öz sözünü deyən güclü hərbi sənayemiz var. Bilik Fondunun gördüyü işlərlə gənc nəslin hərbi-vətənpərvərlik ruhunda yetişdirilməsi sabahın güclü əsgərinin zəfərinin təminatıdır”.
Təhminə




 
Bölməyə aid digər xəbərlər
22.02.2019
Şəhid qazancı...
22.02.2019
Elçin Quliyev: Azərbaycan Sərhəd Mühafizəsi ən müasir döyüş texnikaları, gözətçi gəmiləri ilə təchiz olunub
22.02.2019
Baş prokuror Salyan rayonunda vətəndaşları qəbul edib
22.02.2019
“İrəli” gəncləri “Women rights are human rights” layihəsində
22.02.2019
“Kaspersky Lab”: Azərbaycanda istifadəçilərin 60%-i antivirus quraşdırmaqda maraqlı deyil

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info