Xarici işlər naziri Marneulidə azərbaycanlılarla görüşüb
Tarix: 20.02.2015 | Saat: 19:16:00 | E-mail | Çapa göndər


Gürcüstanda səfərdə olan xarici işlər naziri Elmar Məmmədyarov azərbaycanlıların kompakt yaşadığı Marneuli şəhərinə gedib.
E. Məmmədyarov yerli sakinlər və qeyri-hökumət təşkilatlarının nümayəndələri ilə görüş keçirib və onların problemlərini dinləyib.
“Qeyrət” Xalq Hərəkatının sədri Əlibala Əsgərov çıxışında azərbaycanlıların Gürcüstanda seçkidən-seçkiyə yada düşdüyünü və onların əsas problemlərinin hələ də həll olunmadığını deyib. O, son iki ayda Azərbaycana gediş-gəlişin daha da çətinləşdiyini nazirin diqqətinə çatdırıb: “Azərbaycanlılar şəxsi maşınlarla Azərbaycan Respublikasına keçə bilmirlər. Gürcüstanda yaşayan hər 10 azərbaycanlı ailədən 8-nin Azərbaycanla əlaqəsi var. Lakin onlar öz qohumlarının yanına gedə və kənd təsərrüfatı məhsullarını satmaq üçün Azərbaycana apara bilmirlər”.
Sonra “Qeyrət” Xalq Hərəkatının fəalı Zümrüd Qurbanlı, Qaraçöpdən gələn professor Fərhad Xubanlı, “Borçalı” İctimai Birliyinin Gürcüstan nümayəndəliyinin rəhbəri İsrafil Bayramov, Heydər Əliyev adına Tiflis Azərbaycan Dövlət Dram Teatrının əməkdaşı Hidayət Hüseynov və başqaları söz alaraq müxtəlif problemlərdən danışıblar və müəyyən təkliflər irəli sürüblər. Nazir Azərbaycandakı “Borçalı” İctimai Birliyinin sədri Zəlimxan Məmmədlinin və onun müavini Salman Murğuzovun Gürcüstana buraxılmaması barədə məlumatlandırılıb.
E. Məmmədyarov bu və ya digər məsələlər haqqında Gürcüstan rəhbərliyi ilə danışıqlar aparıldığını və deyilən məsələlərin həllinə çalışacağını vurğulayıb.
Görüşdə Azərbaycanın Gürcüstandakı səfiri Azər Hüseyn, ARDNŞ-in Gürcüstan nümayəndəliyinin rəhbəri Mahir Məmmədov, Gürcüstanın Azərbaycandakı səfiri Teymuraz Şaraşenidze, Gürcüstan baş nazirinin köməkçisi Savalan Mirzəyev, Kvemo Kartli bölgəsinin qubernatoru Paata Xizanişvili, Gürcüstan parlamentinin azərbaycanlı deputatları, Azərbaycan səfirliyinin əməkdaşları, ictimaiyyət nümayəndələri, ziyalılar və QHT rəhbərləri, jurnalistlər iştirak edib.
Tural




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info