“Ermənilər Qafqazda problemli xalqdır”
Tarix: 20.02.2015 | Saat: 22:58:00 | E-mail | Çapa göndər


Səbinə Əsədova: “Ata-baba torpaqlarmıznda yaşamaq hüququmuz əlimizdən alınıb”

Xocalı soyqırımının 23-cü ildönümü ərəfəsində Azərbaycanın Fransadakı səfirliyinin və Azərbaycanın Dostları Assosiasiyasının təşkilatçılığı ilə Fransa Senatının binasında “Dağlıq Qarabağ münaqişəsi: Qafqazın təhlükəsizliyi və sabitliyi üçün faciəli nəticələr və mühüm çağırışlar” mövzusunda dəyirmi masa keçirilib.
Tədbirdə Azərbaycan Gənclərinin Avropaya İnteqrasiyası Təşkilatının (AGAT) idarə heyətinin üzvü Səbinə Əsədova da iştirak edib. Bu haqda AGAT-dan qəzetimizə məlumat verilib.
Dinləmələrdə senatorlar, Azərbaycanın Fransadakı fövqəladə və səlahiyyətli səfiri Elçin Əmirbəyov, Senatın Qafqaz dostluq qrupunun rəhbəri Andre Rişar, ATƏT-in Minsk qrupunun keçmiş fransalı həmsədri Bernar Fasye, Fransada fəaliyyət göstərən müxtəlif diplomatik nümayəndəliklərin təmsilçiləri, Azərbaycan və Türkiyə diasporunun nümayəndələri və başqa qonaqlar iştirak ediblər.
Laçınlı köçkün və hazırda İtaliyada təhsil alan Səbinə Əsədova erməni hərbi qüvvələrinin silah gücünə zorla el-obalarından çıxarılan azərbaycanlıların öz doğma vətənlərində qaçqın və köçkünə çevrilmələrindən, onların ilk vaxtlar çox ağır vəziyyətdə yaşamalarından danışıb. O, dövlətimizin qayğısı sayəsində hazırda onların yaşayış şəraitinin yaxşılaşdığını vurğulayıb.
Səbinə Əsədova deyib ki, əksər hallarda danışıqlar zamanı yalnız erməni icmasının adı çəkilir: “Nədənsə, Dağlıq Qarabağdan zorla qovulmuş əlli minlik Azərbaycan icmasının adı heç yerdə çəkilmir. Bu, Azərbaycan icmasını məyus edir və Dağlıq Qarabağın Azərbaycan icmasının səsi eşidilməli və onların tapdanılmış hüquqları unudulmamalıdır”.
Səbinə Əsədova bu gün danışıqlar prosesinin heç bir etnik təmizliyə məruz qalmayan əlli minlik erməni icması ətrafında aparıldığını söyləyib. O bildirib ki, Ermənistan tərəfi danışıqlar zamanı Laçın rayonu ərazisinin Ermənistan və Azərbaycanın Dağlıq Qarabağ regionu arasında dəhliz kimi istifadəsini iddia edir.
Səbinə Əsədova bütün var-dövlətlərinin ermənilər tərəfindən qəsb edildiyini dilə gətirib. Ata-baba torpaqlarında yaşamaq hüquqlarının əllərindən alındığını deyən Əsədova, çıxış edərkən bir neçə dəfə kövrəlib.
Türkiyənin “Haberler.com” saytı bu dinləmələr haqda xəbər yerləşdirib. Saytın bildirdiyinə görə, tədbirdə fransız tarixçi Maxime Guain ermənilərin Qafqazda problemli bir xalq olduğunu ifadə edərək, Dağlıq Qarabağın işğalı və erməni quldur dəstələrinin etdiyi qırğınlardan danışıb. Osmanlı dövründə ermənilərin vəziyyətinə də toxunan fransız tarixçi Guain, soyqırımın müzakirə mövzusu olmadığını vurğulayıb. 1942-ci ildə Berlində Tələt Paşanın öldürülməsi ilə başlayan erməni terrorunun, daha sonra türk diplomatlarına qarşı olan sui-qəsdlər ilə Avropada, o cümlədən Orly Hava Limanında ASALA gizli terror təşkilatı tərəfindən reallaşdırıldığını bildirib.
Daha sonra tədbir diskussiya şəklində davam edib.
Fuad




 
Bölməyə aid digər xəbərlər
20.05.2019
Cüzeppe Kaniliya: Azərbaycan İtaliya üçün olduqca vacib ölkədir
20.05.2019
Ramin Əhmədov: ”Azərbaycanda mükəmməl sosial təminat sistemi qurulub”
20.05.2019
Millət vəkili Azər Badamov: “Hədəf neftdən asılı olmayan güclü iqtisadiyyat formalaşdırmaqdır”
19.05.2019
Millət vəkili: Azərbaycan Avropa İttifaqı ilə bərabərhüquqlu tərəfdaşdır
18.05.2019
Əli Əhmədov: Azərbaycanın iqtisadiyyatı inkişaf etdikcə əməkhaqqı, pensiya və müavinətlər də artırılacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10783

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info