Sosial müdafiə sisteminin mövcud çağırışlara uyğun olması üçün tədbirlər görüləcək
Tarix: 23.02.2015 | Saat: 19:48:00 | E-mail | Çapa göndər


Əmək və Əhalinin Sosial Müdafiəsi Nazirliyində (ƏƏSMN) “Məlumat mübadiləsi saatı”nın tibbi-sosial ekspertiza və reabilitasiya xidmətinin təkmilləşdirilməsi, məşğulluq siyasəti sahəsində qabaqcıl beynəlxalq təcrübənin öyrənilməsi istiqamətlərində aparılan işlərə dair növbəti iclası keçirilib. Əmək və əhalinin sosial müdafiəsi naziri Səlim Müslümov iclası giriş sözü ilə açaraq, Prezident İlham Əliyevin tapşırığına əsasən ƏƏSMN-nin fəaliyyət sahələrində aparılan islahatların bir istiqamətinin tibbi-sosial ekspertiza xidmətinin şəffaflaşdırılmasına, bu sahədə iş mexanizminin müasir tələblərə uyğun qurulmasına yönəldiyini vurğulayıb: “Bununla əlaqədar ötən il Mərkəzləşdirilmiş İnformasiya Sistemində tibbi-sosial ekspertiza və reabilitasiya alt sisteminin hazırlanması əlillik müayinəsi və onun nəticələri barədə məlumatların ƏƏSMN-nin Tibbi-sosial ekspert komissiyaları (TSEK) ilə digər qurumlar arasında kağız daşıyıcılara son qoyulmaqla, elektron şəkildə mübadiləsinə imkan verib. Həmin sistem əlillik təyinatının tam avtomatlaşdırılmasına və bu sahədə məmur-vətəndaş təmaslarını minimallaşdırmağa yönəlib. Artıq cari ilin əvvəlindən TSEK-lər tərəfindən əlillik müayinələri məhz elektron göndəriş formaları əsasında aparılır və bu formaların təkmilləşdirilməsi, ümumi elektron informasiya sisteminə inteqrasiyası sahəsində işlər görülür”.
S.Müslümov bununla yanaşı, tibbi-sosial ekspertiza xidmətinə daim ciddi nəzarət olunduğunu, ötən il ilkin əlillik təyin olunanların 2013-cü ilə nisbətən 7664 nəfər, təkrar əlil hesab edilənlərin 3937 nəfər azaldığını qeyd edib. Nazir bildirib ki, ötən il həmçinin ilkin əlillik təyin olunanlar arasında ağır dərəcəli əlillərin xüsusi çəkisi də 82,1 faizdən 79,9 faizə düşməklə 6983 nəfər azalıb. Bu müddətdə tam reabilitasiya olunanlar 1802 nəfər artaraq 7667 nəfər, hissəvi reabilitasiya olunanlar isə 3102 nəfər artaraq 4361 nəfər təşkil edib. Başqa sözlə, tam reabilitasiya 2,9 faizdən 3,8 faizə, hissəvi reabilitasiya 0,7 faizdən 2,7 faizə yüksəlib. “Hazırda ölkəmizdə əlilliyin qiymətləndirilməsi meyarlarının yalnız tibbi yanaşma əsasında deyil, bio-psixo-sosial model, yəni əlillik təyin olunmuş şəxslərin fəaliyyət və bununla da sosial reabilitasiya imkanlarının müəyyən edilməsi prinsipi əsasında formalaşdırılması işləri aparılır. Bununla əlaqədar Respublika Nazirlər Kabinetinin müvafiq qərarı ilə 1997-ci ildə qəbul edilmiş “Tibbi-sosial ekspert komissiyaları haqqında Əsasnamə” yenidən işlənərək, hökumətə təqdim edilmək üçün hazırlanıb”. TSEK-lərin iş şəraitinin yaxşılaşdırlması işlərinin də aparıldığını, artıq 15 TSEK-in müasir tələblərə uyğun yeni iş yerləri ilə təmin edildiyini nəzərə çatdıran S.Müslümov tibbi-sosial ekspertiza və reabilitasiya xidməti sahəsi üzrə kadrların hazırlanması və təkmilləşdirilməsi, bərpa-müalicə müəssisələrinin tibbi reabilitasiya ilə yanaşı, sosial reabilitasiya yönümlü fəaliyyətinin də təşkili, inkişaf etmiş ölkələrin reabilitasiya üzrə mütərəqqi təcrübələrinin öyrənilərək respublikamızda tətbiqi və s. məsələlərin diqqətdə saxlanacağını bildirib. “Eyni zamanda, Respublikada tibbi-sosial ekspertiza işinin keyfiyyətinin yüksəldilməsi üçün “Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Xidməti haqqında Əsasnamə” layihəsi hazırlanaraq hökumətə təqdim edilib”.
İclasın digər mövzusu olan məşğulluq siyasətinin də müasir tələblərə uyğun inkişaf etdirilməsinin vacibliyini önə çəkən S.Müslümov qeyd edib ki, bu məqsədlə qabaqcıl Avropa təcrübəsinin öyrənilməsi işləri davam etdirilir: “Avropanın inkişaf etmiş ölkələrinin məşğulluq siyasətinin və məşğulluq xidməti orqanlarının qabaqcıl təcrübəsinin öyrənilməsi məqsədi ilə Avropa İttifaqının TAİEX proqramı tərəfindən ƏƏSMN-nin nümayəndə heyətinin cari ilin yanvarında Almaniyaya təlim səfəri təşkil edilib. Səfər zamanı Almaniyada məşğulluq xidməti, işaxtaranların qeydiyyatı və vakansiyaların işlənməsi sahəsində vahid informasiya və proqram təminatı sistemi, işçi qüvvəsinə tələbatın proqnozlaşdırılması üçün əmək bazarında monitorinqlərin aparılması üzrə metodologiyanın hazırlanması, işsizlikdən sığorta sisteminin qurulması və digər sahələrdə malik olduğu təcrübə öyrənilib. Təbii ki, qarşıdakı dövrdə aidiyyəti sahədə təkmilləşdirmə işlərinin aparılmasında bu təcrübədən səmərəli şəkildə istifadə edilməsi diqqətdə saxlanacaq”.
İclasda həmçinin əhalinin sosial müdafiəsi sisteminin mövcud çağırışlara, xüsusilə də valyuta kurslarının dəyişilməsi səbəbindən inflyasiya gözləntilərinin yarana biləcəyi şəraitdə adekvat cavab verə bilməsi üçün gərəkən tədbirlər müzakirə olunub. Nazirliyin Aparatının Həyat səviyyəsinin təhlili və aktuar hesablamalar şöbəsinə bununla bağlı təcili tədqiqatlar aparıb nəticələrini məruzə etmək barədə tapşırıqlar verilib.
ƏƏSMN-nin Əlillərin sosial müdafiəsi siyasəti şöbəsinin müdiri Saday Abdullayevin, ƏƏSMN yanında Dövlət Məşğulluq Xidmətinin İşaxtaran və işsiz vətəndaşların peşə hazırlığı sektorunun müdiri Fuad Mehdizadənin məlumatları dinlənilib, verilən məlumatlar əsasında müzakirələr aparılıb.
İ.AĞAYEV




 
Bölməyə aid digər xəbərlər
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10478

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info