Koreya mətbuatında Xocalı soyqırımına dair məqalə
Tarix: 24.02.2015 | Saat: 15:49:00 | E-mail | Çapa göndər


Koreya Respublikasında nəşr olunan “The Korea Times” qəzetində Azərbaycanın bu ölkədəki səfiri Rəmzi Teymurovun “Xocalı soyqırımı qurbanları yad edilir” adlı məqaləsi çap edilib.
Azərbaycanın Koreyadakı səfirliyindən verilən məlumata görə, məqalədə “Xocalı” sözünün Koreya ictimaiyyəti üçün naməlum olması bildirilərək, Xocalının 20 ildən artıqdır Ermənistanın işğalı altındakı Azərbaycana məxsus Dağlıq Qarabağ regionu ərazisində yerləşən qəsəbə olması və 20-ci əsrin ən dəhşətli qırğınlarından birinə şahidlik etməsi göstərilib.
Məqalədə, Xocalı soyqırımı barədə məlumat verilərək, 26 fevral 1992-ci ildə Ermənistan silahlı qüvvələri tərəfindən Xocalının yerli Azərbaycan əhalisinə qarşı etnik soyqırımı törədildiyi, 613 mülki şəxsin qətlə yetirildiyi, onlardan 106-nın qadın, 83-nün isə uşaq olduğu bildirilib, Xocalı soyqırımının Ermənistan-Azərbaycan münaqişəsi dövründə mülki şəxslərə qarşı törədilmiş ən qəddar cinayət olduğu göstərilib.
Səfir Ermənistanın hər nə qədər Xocalı soyqırımını onların törətməsini inkar etməsinə baxmayaraq, bu ölkənin hazırkı prezidenti S.Sarkisyanın jurnalist Tomas de Vala verdiyi müsahibəsində Xocalı qətliamının məhz Ermənistan tərəfindən törədilməsini etiraf etdiyini bildirib.
Məqalədə, həmçinin Heydər Əliyev Fondunun vitse-prezidenti, İslam Konfransı Təşkilatı Gənclər Forumunun Mədəniyyətlərarası Dialoq üzrə baş koordinatoru Leyla Əliyevanın təşəbbüsü ilə 2008-ci ildən etibarən dünya miqyasında “Xocalıya ədalət” kampaniyasının həyata keçirildiyi, Xocalı soyqırımına beynəlxalq miqyasda hüquqi qiymət verilməsi istiqamətində qətiyyətli addımların atıldığı, Azərbaycanın bu istiqamətdəki çağırışlarının bir sıra xarici ölkələr tərəfindən müsbət cavablandırıldığı və hətta bu yaxınlarda İsrail Prezidenti Reuven Rivlinin BMT Baş Assambleyasında çıxışı zamanı Xocalı soyqırımına istinad etdiyi göstərilib.
Səfir sonda 26 fevral tarixində dünyada yaşayan bütün azərbaycanlıların Xocalısoyqırımını, bu dəhşətli faciənin qurbanlarını yad etdiklərini vurğulayaraq, beynəlxalq ictimaiyyətin azərbaycanlılara qarşı törədilmiş bu insanlıq cinayətinə səssiz qalmayacağına inamını ifadə edib.
Tural




 
Bölməyə aid digər xəbərlər
20.02.2019
“Azərmarka” Uşaqların Beynəlxalq Müdafiəsi Gününə həsr olunmuş müsabiqə elan edib
20.02.2019
Aqrar İnkişaf Könüllüləri aqrar jurnalistika ilə bağlı layihənin icrasına başlayıb
20.02.2019
Körpəyə vitamin vermək olar?
20.02.2019
“Cəmiyyətin səsi” layihəsinin I mərhələsi başa çatıb
20.02.2019
Min bir dərdin dərmanı - yaşıl çay

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info