Leyla Əliyevanın təşəbbüsü ilə Rusiyada Xocalıya həsr olunmuş tədbir keçirilib
Tarix: 25.02.2015 | Saat: 17:32:00 | E-mail | Çapa göndər


Rusiyanın Xantı-Mansiysk muxtar vilayətinin Surqut şəhərində Xocalı soyqırımının 23 ildönümünə həsr olunmuş tədbir keçirilib.
Heydər Əliyev Fondunun vitse-prezidenti, İslam Əməkdaşlıq Təşkilatı Gəncləri Beynəlxalq Dialoq Forumunun baş koordinatoru Leyla Əliyevanın təşəbbüsü ilə keçirilən tədbir Xocalıda həlak olan insanlarının xatirəsinin bir dəqiqəlik sükutla yad edilməsi ilə başlayıb.
Tədbiri giriş sözü ilə açan Rusiya Azərbaycanlı Gənclər Birliyinin (RAGB) koordinatoru Ramin Rəcəbov "Xocalıya ədalət" beynəlxalq kampaniyası çərçivəsində görülən işlərdən danışıb. O bildirib ki, "Xocalıya ədalət" kampaniyası çərçivəsində indiyədək dünyanın bır sıra böyük şəhərlərində, o cümlədən Rusiyanın regionlarında konfranslar və dəyirmi masalar təşkil olunub: “Leyla Əliyevanın təşəbbüsü ilə keçirilən "Xocalıya ədalət" kampaniyası Xocalı soyqırımı həqiqətlərinin dünya ictimaiyyətinə çatdırılmasında mühüm rol oynayıb. RAGB və Ümumrusiya Azərbaycan Konqresi bu kampaniyanın işinə cəlb olunub. "Xocalıya ədalət" beynəlxalq kampaniyasının Sankt-Peterburq, Yekaterinburq, Perm, Saratov, Voronej, Lipetsk, Tula, Smolensk, Kaluqa və digər regionlarda təqdimatı keçirilib".
Tədbirdə Surqutdakı Azərbaycan diasporunun nümayəndələri də çıxış ediblər. ÜAK-ın Xantı-Mansiysk regional bölməsinin sədri Yaqub Seyidov keçirilən tədbirin əhəmiyyətindən, Xocalı soyqırımı barədə həqiqətlərin gənc nəslə çatdırılmasının vacibliyindən danışıb.
RAGB-ın Surqut şəhəri üzrə nümayəndələri Cavid Seyidov və Elşən Əsgərov Leyla Əliyevaya "Xocalıya ədalət" beynəlxalq kampaniya ilə bağlı fəaliyyətinə görə təşəkkürünü bildiriblər. Surqut Dövlət Universitetinin "Xalqlar Dostluğu Mərkəzi" İctimai Təşkilatının direktoru Həsən Kazakbiyev çıxışında ictimai təşkilatların "Xocalıya ədalət" beynəlxalq kampaniya çərçivəsində tədbirlərin keçirilməsində mühüm rol oynadığını qeyd edib.
Tədbirin sonunda Azərbaycanın uşaq evlərində tərbiyə alan uşaqların əl işlərindən ibarət "Xocalı-Mərhəmət" toplusunun təqdimatı keçirilib.
Tural




 
Bölməyə aid digər xəbərlər
15.11.2018
“Vəkillik dövlət və cəmiyyət arasında münasibətlərin stabilizatorudur”
15.11.2018
Bakıda beynəlxalq konfrans keçirilir
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10476

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info