Latviyada Xocalı tədbirində latış dilində muğam səsləndirilib
Tarix: 27.02.2015 | Saat: 21:08:00 | E-mail | Çapa göndər


Latviyanın Riqa şəhərində yerləşən Redison Blu otelində Azərbaycan Respublikasının Latviyadakı səfirliyinin və Azərbaycan Respublikası Dağlığ Qarabağ bölgəsi Azərbaycanlı İcmasının dəstəyi və təşkilatcılığı ilə “Xocalıya ədalət” kampaniyası çərçivəsində anım mərasimi keçirilib.
Tədbirdə Azərbaycan Respublikasının Latviyadakı fövqəladə və səlahiyyətli səfiri Elman Zeynalov, Diasporla İş üzrə Dövlət Komitəsinin əməkdaşı Fuad Kərimov, Latviya parlamentinin deputatı Roman Naudinş, bir cox azərbaycanlı və latviyalı iş adamları və Latviyada təhsil alan azərbaycalı tələbələr iştirak ediblər.
Tədbiri giriş sözü ilə açan səfir 1992-ci il 26 fevral tarixində Xocalıda erməni silahlı qüvvələri tərəfindən törədilmiş vəhşiliklər haqqında dolğun məlumat verib.
Daha sonra çıxış edən Latviya parlamentinin deputatı Roman Naudiniş,Latviya Seyminin Azərbaycanla parlamentlərarası dostluq qrupunun iclasında Xocalı faciəsi qurbanlarının Xocalı soyqırımı ilə əlaqədar, Azərbaycanla parlamentlərarası dostluq qrupu adından qəbul olunmuş bəyanatı Azərbaycan Respublikasının Latviyadakı səfiri Elman Zeynalova təqdim edib.
Tədbirdə çıxış edən Diasporla İş üzrə Dövlət Komitəsinin əməkdaşı Fuad Kərimov 26 fevral – Azərbaycan xalqı ücün çox kədərli bir gün olduğunu qeyd edərək, 1992-ci ildə Xocalıda dinc azərbaycanlılara qarşı baş verən bu soyqırımın bütün insanliğa qarşı islədilmiş bir cinayət olduğunu, həmçinin dünyanın bir sıra ölkələrinin, o cümlədən Latviyanın aparıcı mediasında Xocalı soyqırımı haqqında məqalələr dərc olunaraq beynəlxalq ictimaiyyətin nəzərinə çatdırılması haqqında xəbər verib.
Latviyada təhsil alan azərbaycanlı tələbələr adından tədbirdə çıxış edən Azər Abbasov 26 fevral tarixinin Azərbaycan xalqı ücün qara bir gün olduğunu qeyd edərək bildirib ki, şəxsən özü Qarabağın Şuşa şəhərində anadan olub. Onun ailəsi Qarabağ işğalından əziyyət görərək oranı tərk edəndə onun 2 yaşı var idi. Xocalıda erməni əsgərləri tərəfindən törədilən vəşilikləri ömür boyu unuda bilməyən gənc soydaşımız heç zaman heç kimə öz vətənindən və öz torpağından uzaq düşməyi arzu edib.
Daha sonra tədbir iştirakçılarına ilk dəfə olaraq latış dilində həzin Azərbaycan muğamı səsləndirilib və Xocalı faciəsi ilə bağlı çəkilmiş film nümayiş olunub.
Eyni zamanda həmin gün Azərbaycanın Latviyadakı səfirliyi XX əsrin ən dəhşətli və qanlı faciələrindən biri olan Xocalı soyqırımının 23-cü ildönümü ilə əlaqədar fevralın 26-da yürüş təşkil edib. Latviyanın Azərbaycanlı Gənclər Hərəkatının üzvləri, AZƏRİ Gənclər Təşkilatı, habelə ölkədə təhsil alan əcnəbi tələbələr Xocalı faciəsi qurbanlarının xatirəsinə ehtiramlarını bildirmək və dünya ictimaiyyətinin diqqətini erməni faşistləri tərəfindən törədilən bu bəşəriyyət əleyhinə cinayətə yenidən cəlb etmək üçün bir yerə toplaşıblar.
Riqanın əsas küçələrindən keçən aksiya iştirakçıları ingilis və Azərbaycan dillərində “Xocalıya ədalət!”, “Biz ədalət istəyirik!” şüarlarını səsləndiriblər.

Fuad




 
Bölməyə aid digər xəbərlər
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info