“Vesti”: “Ukraynada pensiya yaşı 5 il artırılır”
Tarix: 28.02.2015 | Saat: 00:45:00 | E-mail | Çapa göndər


Ukrayna hökuməti Beynəlxalq Valyuta Fondundan növbəti krediti almaq üçün pensiyaları azaltmaq məcburiyyətindədir

Beynəlxalq Valyuta Fondu Ukrayna dövlətindən büdcə xərclərini azaltmaq üçün islahatlar keçirməsini tələb edir. Ukraynanın “Vesti” qəzetinin məlumatından belə məlum olur ki, ölkəyə veriləcək kreditlərin yükü əsasən təqaüdçülərin çiyinlərinə düşəcək.
Ukrayna hökuməti Beynəlxalq Valyuta Fondundan növbəti krediti almaq üçün pensiyaları azaltmaq məcburiyyətindədir. Rəsmi Kiyev belə hesab edir ki, Beynəlxalq Valyuta Fondundan yaxın günlər ərzində alacaqları növbəti kredit hesabına bütün problemlərdən xilas olacaq. Qəzet yazır ki, nəzəri cəhətdən Ukrayna iqtisadiyyatını, milli valyutanı az da olsa möhkəmləndirmək üçün dəstək lazımdır. Məsələ bundadır ki, Nazirlər Kabineti Beynəlxalq Valyuta Fondundan alınacaq yeni maliyyə yardımının ukraynalılara hansı məhrumiyyətlər hesabına başa gələcəyi barədə heç bir məlumat vermir. Lakin “Vesti” “Prove Group” hüquq firması tərəfindən təhlil edilərək ölkə Ali Radasına təqdim edilmiş qanun layihələrinə istinad edərək yazır ki, maliyyə yardımının ayrılması üçün əsas şərt büdcə xərclərinin azaldılmasıdır. Xərclərin azaldılmasının ilk zərbəsi təqaüdçülərə dəyəcək: “Təəssüf ki, Beynəlxalq Valyuta Fondunun Ukrayna qarşısında hansı tələblər qoyduğu barədə hələ ki, rəsmi məlumat yoxdur. Belə ki, təqdim edilən sənədlər nəşr üçün nəzərdə tutulmayıb. Amma özəl mənbələrdən əldə edilən informasiyalar təsdiqləyir ki, ukraynalı təqaüdçüləri ağır günlər gözləyir”.
Qeyd edilməlidir ki, Kiyev köküməti Beynəlxalq Valyuta Fondunun tələbinə əsasən, güzəştli şərtlərlə təqaüdə çıxan qadınlar üçün yaş həddini tədricən daha 5 il artırmağı nəzərdə tutur. Bu islahat ilk növbədə müəllim və tibb işçilərinə zərbə vuracaq. Bundan əlavə, işləyən təqaüdçülərin təqaüdlərinin azaldılması, bəzilərinin isə tamamilə ləğv edilməsi nəzərdə tutulur. Sonuncu kateqoriya əsasən dövlət qulluqçularına şamil ediləcək. Bütün bunlara münasibət bildirən “Prove Group” hüquq firmasının əməkdaşı Vladislav Koçkarov idda edir ki, dövlət iqtisadi problemləri qısa müddətdə həll etmək üçün “birini müalicə, digərini şikəst etmə” yolunu tutub.
Ağasəf Babayev




 
Bölməyə aid digər xəbərlər
17.11.2018
“Küçə demokratiyasının qaydaları böyük siyasətdə qəbul edilə bilməz”
17.11.2018
Viqen Sarkisyan: “Ötən aylar Ermənistanın xarici siyasəti ilə bağlı narahatlıqlar yaradır“
16.11.2018
«Rosbalt»: «Ermənistandan güclü şantaj və oğurluq qoxusu gəlir»
15.11.2018
Makron: “ABŞ-ın müttəfiqi olmaq vassal dövlət olmaq demək deyil”
15.11.2018
Seçkilər yaxınlaşdıqca Ermənistanda siyasi gərginlik artır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info