İsmail Safi: “Qarabağ məsələsinin həlli dünya üçün lazımdır”
Tarix: 03.03.2015 | Saat: 16:06:00 | E-mail | Çapa göndər


"Türkiyə və Azərbaycan öz maraqlarının qorunması istiqamətində önəmli siyasi mövqe sərgiləyir və ciddi addımlar atırlar. Qısa olaraq desək, iki dövlət öz milli təhlükəsizliklərini gücləndirirlər”. Bu sözləri Türkiyənin hakim Ədalət və İnkişaf Partiyasından (AKP) İstanbul millət vəkili olan İsmail Safi mediaya müsahibəsində bildirib. O, Türkiyə ilə Azərbaycanın eyni soy və mədəniyyətin iki güclü damarı olduğunu deyib: “Sevincimiz, kədərimiz və ortaq taleyimiz bizi qopması mümkün olmayan bağlarla bağlayır. Bu gün Azərbaycan ilə Türkiyə arasında olan bağlar elə güclü təməllər üzərində qurulub ki, bunu zəiflətmək mümkünsüzdür. Bunu yalnız inkişaf etdirmək lazımdır”.
Millət vəkili Ermənistanın bölgədə vəziyyəti gərginləşdirməsindən də danışıb: “Ermənistan bu günə qədər bu hüquqdan kənar işğalını yürütməklə bərabər, hücumlarını haqlı göstərmək üçün əlindən gələni edir. Təəssüf ki, dünya birliyi bunu görmək istəmir. Amma, göz görə-görə insan hüquqları ayaqlar altına düşür. Azərbaycan bu məsələdə birmənalı olaraq haqlıdır. Onun tarixi əraziləri işğal olunub. Qarabağ məsələsinin həlli dünya üçün lazımdır. Bu istiqamətdə fəaliyyətlər güclənməlidir. Hamımız var gücümüzlə, Azərbaycanı müdafiə etməliyik. Beynəlxalq hüquq Azərbaycanın tərəfindədir. Gec-tez ədalət öz yerini tutacaq”.
İsmail Safi Xocalı soyqırımını həyata keçirənlərin hələ də azadlıqda gəzmələrindən təəssüf etdiyini deyib: “Onlar beynəlxalq hüquq qarşısında cavab verməlidirlər. Bu, utancverici bir hadisədir. Xocalıda elə bir vəhşət yaşanıb ki, bunun üstündən yüz illər keçsə belə, bu hadisə unudulan deyil. Türk millətinin yaddaşına həkk olunub. Xocalı bir qətliam, soyqırımıdır. Bu, Kiprdə, Muratağada, Bosniyada, Serbiyada olduğu kimi, etnik təmizlənmə hərəkatı idi. Yüzlərlə insanımız Xocalıda qətlə yetirildi və hələ də bir çox insanın taleyindən xəbər yoxdur. Ermənistanın hücumları nəticəsində bir milyon Azərbaycan türkü yurdunu tərk edib, öz vətənlərində qaçqın həyata yaşayır. Ermənistanın işğalçılıq siyasəti nəticəsində 20 mindən çox insan həlak olub. Türkiyə Böyük Millət Məclisinin Xarici əlaqələr komissiyası bəyanat yayaraq Ermənistanın işğal etdiyi torpaqlardan çıxmasını tələb edib. Bu, beynəlxalq hüququn tərkib hissəsidir”.

Fuad




 
Bölməyə aid digər xəbərlər
21.11.2018
“Belarusa səfər Prezident İlham Əliyevin xarici siyasət istiqamətində növbəti uğurudur”
21.11.2018
Ukrayna NATO və Avropa İttifaqına üzvlüyə hər an yaxınlaşır
20.11.2018
Yeni Azərbaycan Partiyası: iqtisadi və siyasi müstəqilliyi möhkəmləndirən ideyalar məktəbi
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Davamli dil siyasəti dövlətin əsas prioritet istiqaməti kimi
2 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info