Diaspor üzvümüz Əhməd Davudoğlu ilə görüşüb
Tarix: 03.03.2015 | Saat: 20:05:00 | E-mail | Çapa göndər


Xarici ölkələrdə Azərbaycan və Türkiyəni təmsil edən diaspor təşkilatlarının birgə fəaliyyət göstərdiyi kimsəyə sirr deyil. Bu əlbətdə ki, sevindirici haldır. Bizim ümumi düşmənimiz olduğu halda bu, həm də olduqca vacib məsələdir. Bundan başqa, biz təbii ki, eyni millətik və bunu heç vaxt unutmamağımız lazımdır. Olduqca xoş bir haldır ki, hər iki dövlətin, həm Azərbaycan, həm də Türkiyə rəsmilərinin xarici dövlətlərə etdikləri səfərlər zamanı, onlarla görüşə, onların getdikləri ölkələrdə fəaliyyət göstərən Azərbaycan və Türkiyəni təmsil edən diaspor fəalları da dəvət olunurlar.
Macarıstanda Macarıstan - Türkiyə İş Forumu keçirilib. Forumda Türkiyə nümayəndə heyətinə bu ölkənin Baş naziri Əhməd Davudoğlu rəhbərlik edib. Foruma bu ölkədə fəaliyyət göstərən türk diaspor təşkilat rəhbər və nümayəndələri ilə bərabər, həmyerlimiz, bu ölkədə yaşayan “Macarıstan - Azərbaycan Qardaşlıq Cəmiyyəti”nin sədri Ramiz Əmirli də dəvət olunmuşdu. Ramiz bəyin dediyinə görə forum olduqca işgüzar şəraitdə keçib, müxtəlif iqtisadi məsələlər müzakirə olunub. “Ancaq hər iki ölkənin baş nazirinin, Türkiyənin baş naziri Əhməd Davudoğlunun və Macarıstanın baş naziri Orban Viktorun: “Biz hamımız Atillanın nəvələriyik” – deməsi məndə qeyri – adi hiss yaratdı” – deyə Ramiz Əmirli qeyd edib. “Məhz bundan sonra Türkiyənin baş naziri, hörmətli Əhməd Davudoğlu ilə yenidən görüşmək və əlini sıxmaq istədim. Qeyd edim ki, bundan öncə mən hörmətli baş nazirlə, hələ o XİN olan zaman, Bakıda görüşüb çay içmışdik. Demək istəyirəm ki, biz onunla tanış idik” - Ramiz müəllim əlavə edib. Ramiz bəyin dediyinə görə, Əhməd Davudoğlu onu görən kimi tanıyıb və aralarında maraqlı dialoq olub. Ramiz bəy bildirib ki, daha sonra o da Türkiyədən gəlmiş nümayəndə heyəti və Macarıstandakı Türk diasporunun nümayəndələri ilə birlikdə Budapeşt şəhərinin Buda tərəfində olan Gül Babanın qəbrini ziyarət edib (Məlumat üçün qeyd edək ki, Gül Baba Osmanlı sultanı Qanuni Süleymanın hörmət etdiyi şəxslərdən olub. Məhz onun dəvəti ilə Gül Baba Budin səfərinə qatılır və 1531 – ci ildən son gününə kimi, 1541 – ci ilə kimi burda yaşayıb).
Ramiz Əmirli bu cür dəvətlərin çox önəmli olduğuna diqqət çəkərək qeyd edib ki, bu cür dəvətlər zamanı yeni tanışlıqlar başlayır ki, bu da bizlərin yaşadığımız ölkədə birgə fəaliyyətimiz üçün çox önəmlidir.


Fuad




 
Bölməyə aid digər xəbərlər
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub
20.03.2019
Metropolitendə ilk dəfə Novruz şənliyi təqdim olunur
20.03.2019
Gənclər Aprel şəhidlərinin ailələrini ziyarət ediblər

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10701

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 “Bahar“ Qadınlar İnkişaf Qrupuna müasir tikiş maşınları verilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info