Kamal Abdullayev Tbilisi Dövlət Universitetində çıxış edib
Tarix: 04.03.2015 | Saat: 17:57:00 | E-mail | Çapa göndər


Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdullayev martın 4-də Tbilisi Dövlət Universitetinin (TDU) professor, müəllim və tələbələri qarşısında çıxış edib.
Universitetin müəllimi, Beynəlxalq Psixolinqvistika Cəmiyyətinin sədri, professor David Qoçolidze bildirib ki, bu ali təhsil ocağında “Azərbaycan multikulturalizmi” fənni tədris olunacaq və Kamal Abdullayevin çıxışı da məhz bu mövzuya həsr edilib. Bildirilib ki, bu fənnin tədrisi zamanı tələbələrə həm mühazirələr oxunacaq, həm də onlar Azərbaycanda və digər ölkələrdə təcrübə keçəcəklər. Universitetdə “Azərbaycan multikulturalizmi” fənnini öyrənmək üçün 32 tələbə qeydiyyatdan keçsə də, faktiki olaraq onların sayı 100-ə çatıb.
Sonra Kamal Abdullayev Azərbaycan mədəniyyəti, multikulturalizm anlayışı, bu konsepsiyanın əhəmiyyəti, cəmiyyətdə tolerantlığın, hüquq bərabərliyinin bərqərar olmasındakı rolu barədə məlumat verib. Bildirib ki, bu gün Azərbaycanda bütün dini, milli azlıqlar bərabərhüquqludurlar və ölkəmizdə heç bir etnik problem yoxdur. Azərbaycandakı tolerantlıq digər ölkələr üçün əsl nümunədir. Ölkəmizdə bu mühitin formalaşmasında multikulturalizmin mühüm rolu olub.
K.Abdullayev təəssüf hissi ilə qeyd edib ki, bu gün bəzi Avropa ölkələrində, eləcə də qonşu ölkələrdə islamofobiya, dini qarşıdurmalar, monoetnik dövlət quruluşu mövcuddur. Bu da bizim üçün ciddi problemlər yaradır. Multikulturalizmin tədrisi gənc nəslin daha sağlam mühitdə böyüməsi, dövlətlərarası əlaqələrin daha şəffaf şəkildə inkişaf etməsi və gənclərin bu işdə rolunun artması baxımından çox faydalıdır.
Dövlət müşaviri bildirib ki, Gürcüstan, Rusiya, Litva, Çexiya, Bolqarıstan, İtaliya və Belarusun nüfuzlu universitetlərində bu yaz sessiyası, Almaniya, İsveçrə, Türkiyə, Ukrayna və Fransanın universitetlərində isə payız sessiyası zamanı “Azərbaycan multikulturalizmi” fənni tədris olunacaq. Multikulturalizm üzrə təhsil alan tələbələrin görüşləri təşkil olunacaq, onların iştirakı ilə “dəyirmi masa”lar, konfranslar və seminarlar keçiriləcək.
Universitetin professor və müəllimləri multikulturalizm konsepsiyasını, “Azərbaycan multikulturalizmi” fənninin tədrisinin əhəmiyyətini yüksək qiymətləndiriliblər.
Fuad




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info