Şagirdlərin sərbəst mühakimə yürütmək bacarığı aşağı səviyyədədir
Tarix: 04.03.2015 | Saat: 18:29:00 | E-mail | Çapa göndər


Tələbə Qəbulu üzrə Dövlət Komissiyası şagirdlərin buraxılış imtahanlarında esse (inşa) yazılarının nəticəsinə ümumi şəkildə qiymət verib. Tələbə Qəbulu üzrə Dövlət Komissiyasından verilən məlumata görə, 2014-cü ilin buraxılış imtahanlarının sual kitabçalarından reprezentativ şəkildə 25000 kitabça seçilib (IX sinif, Azərbaycan dili - 10000; XI sinif, Azərbaycan dili - 10000; IX sinif, rus dili - 2500; XI sinif, rus dili - 2500). Seçilmiş kitabçaların çoxunda şagird inşa yazısını yerinə yetirməyib. Yazılmış inşalar qiymətləndirilib və alınan nəticələrin həmin şagirdlərin buraxılış imtahanında ana dili (Azərbaycan bölməsində Azərbaycan dili, rus bölməsində rus dili) fənni üzrə göstərdikləri nəticələrlə korelyasiyasına baxılıb. Nəticədə aydın olub ki, inşalar üzrə nəticə ilə Azərbaycan dili fənni üzrə nəticənin korelyasiyası zəifdir. Bu isə onu göstərir ki, şagirdlərdə öz fikrini ifadə etmək, sərbəst mühakimə yürütmək, müəyyən hadisə və proseslərə münasibətini bildirmək bacarıqları aşağı səviyyədədir. TQDK şagird nailiyyətlərinin dinamikasını ölçmək məqsədilə 2013-cü il monitorinq imtahanlarında istifadə olunmuş sual kitabçalarından hər fənn üzrə iki variantı 2014-cü il monitorinq imtahanlarında həm 5-ci, həm də 6-cı siniflər üzrə istifadə edib. Bu variantlar üzrə yazı işləri qiymətləndirilərkən qiymətləndirmə meyarları da 2013-cü ildə olduğu kimi saxlanılıb və yoxlamaya 2013-cü ildə həmin variantlar üzrə yoxlamada iştirak etmiş ekspertlər cəlb olunub. Məlum olub ki, şagirdlərin müəyyən alt standartlar üzrə nəticələrində inkişaf olmayıb, bəzən isə hətta geriləmə olub. Belə halların əsas səbəblərindən biri biliklərin öyrənilməsində onların vərdişə, bacarığa çevrilməsinə deyil, əzbərçiliyə üstünlük verilməsidir.

Nigar




 
Bölməyə aid digər xəbərlər
24.09.2018
Səyyar ASAN xidmət davam edir
24.09.2018
Leyla Əliyeva “Beynəlxalq Sülh Günü”nə həsr olunmuş tədbirə qatılıb
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10136

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info