Səbail rayonunda 38 mindən artıq sakinin tibbi müayinələrdən keçməsi təmin olunub
Tarix: 10.03.2015 | Saat: 19:03:00 | E-mail | Çapa göndər


Prezident İlham Əliyevin fevral ayının 2-dən mayın 1-dək əhalinin tibbi müayinədən keçirilməsi ilə bağlı tapşırığı bölgələrdə olduğu kimi, Bakının Səbail rayonunda uğurla davam etdirilir.
Bununla əlaqədar Səbail Rayon İcra Hakimiyyəti tərəfindən aidiyyəti qurumların nümayəndələrindən ibarət müvafiq komissiya yaradılıb, xüsusi qrafiklər tərtib olunub.
İcra hakimiyyətindən verilən məlumata görə, bütün qəsəbə və yaşayış sahələrində tibbi aksiya ilə bağlı sakinlər arasında təşkilati-izahat işləri aparılır. Rayon ərazisində fəaliyyət göstərən 1 və 2 saylı, eləcə də, Bayıl yaşayış sahəsindəki 33 və Badamdar qəsəbəsindəki 34 saylı şəhər poliklinikalarında tibbi müayinələrin keçirilməsi üçün lazımi şərait yaradılıb. Bundan əlavə, idarə və təşkilatlarda müayinələrin keçirilməsi, o cümlədən evdə olan yataq xəstələrinin müayinəsi məqsədilə səyyar həkim briqadaları da təşkil olunub. Artıq indiyə qədər rayon üzrə 38536 nəfərin müayinələrdən keçməsi təmin olunub.
1 saylı şəhər poliklinikasının şöbə müdiri Esmira Məmmədova bildirib ki, bugünkü müayinələr vətəndaşlarımızın sağlamlığının Azərbaycan dövləti üçün nə qədər vacib olduğunu göstərir. Ən müasir tibbi avadanlıqlar, dərman preparatları ilə təchiz olunmuş poliklinikamızda həkimlərdən ibarət səyyar briqadalar yaradılıb. Bu briqadalar qrafik əsasında idarə və təşkilatlarda, məktəblərdə müayinələr aparır, həmçinin yaşlı və xəstə insanlara evlərində xidmət göstərirlər. Aşkara çıxarılan xəstəliklər üzrə müalicə kursları təyin edilir.
Rayon sakinləri poliklinikanın həkim heyətindən, burada yaradılan şəraitdən razılıq ediblər. Müayinədən keçən sakinlər onların sağlamlığının qeydinə qaldığı üçün Prezident İlham Əliyevə minnətdarlıqlarını bildiriblər.
Hazırda tibbi müayinələr davam etdirilir. Rayonda fəaliyyət göstərən 25 tibb müəssisəsinin əksəriyyəti əsaslı təmir olunub. Son illər ərzində rayonda Milli Təhlükəsizlik Nazirliyinin yeni hərbi hospitalı istifadəyə verilib, 1, 2, 15, 33 saylı şəhər poliklinikaları, 3 saylı vərəm əleyhinə dispanser, 3 saylı təcili tibbi yardım stansiyası əsaslı təmir olunub, yeni açılmış 19 saylı köməkçi təcili yardım stansiyası bütün zəruri avadanlıqlarla təchiz olunub.

Təhminə




 
Bölməyə aid digər xəbərlər
24.09.2018
Səyyar ASAN xidmət davam edir
24.09.2018
Leyla Əliyeva “Beynəlxalq Sülh Günü”nə həsr olunmuş tədbirə qatılıb
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info