ARGTMŞ-in illik hesabat konfransı keçirilib
Tarix: 11.03.2015 | Saat: 20:43:00 | E-mail | Çapa göndər


Martın 11-də Azərbaycan Respublikası Gənclər Təşkilatları Milli Şurasının (ARGTMŞ) illik hesabat konfransı keçirilib.
Əvvəlcə dövlət himni səsləndirilib və ARGTMŞ-in yeni loqosu təqdim olunub.
Hesabat məruzəsi ilə çıxış edən ARGTMŞ-in sədri Şahin Seyidzadə bildirib ki, Milli Şura 2014-cü ildə fəaliyyətini 3G strategiyası əsasında qurub. ARGTMŞ ötən il dünyanın və Avropanın ən böyük gənclər platformalarının idarə heyətinin iclasına ev sahibliyi edib. Eyni zamanda, təşkilat dünyanın nüfuzlu gənclər platforması olan “Dünya Gənclər Assambleyası”nın idarə heyətinin üzvü seçilib. Təşkilatın strategiyasına uyğun olaraq Milli Şura BMT-nin gənclər proqramları çərçivəsində mühüm tədbirlərdə iştirak edib və əməkdaşlıq əlaqələri qurub. Fəaliyyətinin bütün mərhələlərində ARGTMŞ dövlətin prioritetlərini dəstəkləyib, dünyanın aparıcı gənclər platformasında Azərbaycanı təmsil edib.
Ş.Seyidzadə diqqətə çatdırıb ki, 2014-cü ildə gənclər təşkilatları institutunun gücləndirilməsi istiqamətində mühüm işlər görülüb və üzv təşkilatların inkişafı üçün bir sıra tədbirlər reallaşdırılıb. ARGTMŞ sədri, həmçinin təşkilatın Dövlət Gənclər Proqramının bir sıra maddələrinin icrası və Azərbaycan Gənclər Siyasətinə dəstək verilməsi istiqamətində mühüm tədbirlərin həyata keçirildiyini də vurğulayıb.
Cari ildə təşkilatın görəcəyi işlərdən də söz açan Ş.Seyidzadə, 2015-ci ilin payızında ARGTMŞ-in Avropa Gənclər Forumunun Məclisinə ev sahibliyi edəcəyini vurğulayıb.
Milli Məclisin sosial siyasət komitəsinin sədri Hadı Rəcəbli çıxış edərək, gənclər siyasətinin əsas istiqamətlərindən danışıb. Bildirilib ki, gənclərin mənəvi-əxlaqi tərbiyəsi və mədəni həyatda iştirakı, istedadlı gənclərə dövlət qayğısı, gənclərin sağlamlığının qorunması və fiziki inkişafı, gənclərin məşğulluğunun təmin edilməsi, gənc ailələrə dövlət yadımı kimi məsələlər bu gün dövlətin gənclər siyasətinin əsas mahiyyətini təşkil edir.
Gənclər və idman nazirinin müavini İntiqam Babayev isə gənclərin vətənpərvərlik, azərbaycançılıq və dövlətçilik prinsipləri əsasında tarixi-mədəni irsimizə, milli-mənəvi və ümumbəşəri dəyərlərə hörmət ruhunda tərbiyə olunmasından, cəmiyyətin ictimai-siyasi, sosial-iqtisadi və mədəni həyatında onların intellektual və yaradıcı potensiallarının ümummilli məsələlərin həllinə yönəldilməsi istiqamətində görülən tədbirlərdən bəhs edib. Prezident Administrasiyasının ictimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev çıxış edərək dövlət səviyyəsində bu sahəyə göstərilən diqqət və qayğıdan danışıb. Bildirilib ki, həyata keçirilən siyasət nəticəsində artıq Azərbaycan gəncliyi cəmiyyətin inkişafında fəal sosial təbəqəyə çevrilib. Ölkə gəncləri demokratikləşmə prosesində fəal iştirak edir, mədəniyyət, incəsənət, elm və digər sahələrdə parlaq nailiyyətlər qazanır, dövlətçilik ənənələrini daim uca tutur, çoxşaxəli islahatların reallaşdırılmasında yaxından iştirak edirlər.
Sonra ARGTMŞ-ın İctimaiyyətlə Əlaqələr Departamentinin rəhbəri Pərvin Piriyev 2015-ci ildə Milli Şura tərəfindən Gənclər və İdman Nazirliyinin dəstəyi ilə həyata keçirilən və kənd yerlərində yaşayan gənclərin inkişafını nəzərdə tutan “Yerli Gənc” Proqramını təqdim edib. Bildirilib ki, proqram “Kənd təsərrüfatı ili” ilə əlaqədar olaraq kəndlərdə insan kapitalının inkişafı zərurəti nəzərə alınaraq həyata keçirilir.
Konfransda, həmçinin “Azərbaycan Könüllülük Xidməti” Proqramının ötənilki yekunları barədə hesabat məruzəsi dinlənilib, “İlin könüllüsü” mükafatları təqdim olunub.
Sonra 1995-ci ildən fəaliyyət göstərən ARGTMŞ-in 20 illik konsepsiyası nümayiş etdirilib və BMT Baş katibinin gənclər üzrə elçisi Əhməd Əhləndavinin təbrik məktubu oxunub.
ARGTMŞ-in hesabatı www.hesabat.nayora.az ünvanında yerləşdirilib.

Tural




 
Bölməyə aid digər xəbərlər
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10127

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info