Kamal Abdullayev Bekir Karlığa ilə görüşüb
Tarix: 13.03.2015 | Saat: 18:58:00 | E-mail | Çapa göndər


Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdullayev ölkəmizdə səfərdə olan Türkiyə Baş nazirinin baş müşaviri, Türkiyənin BMT-nin Sivilizasiyaların Alyansı üzrə Milli Əlaqələndirmə Komitəsinin sədri Bekir Karlığanın rəhbərlik etdiyi nümayəndə heyəti ilə görüşüb.
Görüşdə dövlət müşaviri ölkəmizdə mədəniyyətlərarası dialoqun daha da dərinləşməsi və inkişafı məqsədi ilə görülən işlərdən, Azərbaycanda mövcud olan multikultural cəmiyyətdən, digər dinlərin və mədəniyyətlərin nümayəndələrinə qarşı tolerant münasibətdən söz açıb. Prezident İlham Əliyev tərəfindən bu sahəyə xüsusi həssaslıqla yanaşıldığı, bunun nəticəsi olaraq ölkəmizdə Millətlərarası, multikulturalizm və dini məsələlər üzrə Dövlət müşaviri xidmətinin yaradıldığı qeyd edilib. Bundan əlavə, dövlət başçısının digər fərmanları ilə Azərbaycan Respublikasının Prezidenti yanında Bilik Fondunun və Bakı Beynəlxalq Multikulturalizm Mərkəzinin yaradıldığı, bu qurumların əsas məqsəd və məramlarının nədən ibarət olduğu qonaqların diqqətinə çatdırılıb.
Bekir Karlığa Azərbaycan ilə Türkiyə arasında olan dostluqdan və bütün sahələrdə birgə əməkdaşlıqdan söz açaraq Prezident İlham Əliyevin bu istiqamətdə atdığı qətiyyətli addımları qeyd edib. O, Prezident İlham Əliyevin dünya ictimaiyyəti qarşısında ən böyük xidmətlərindən birinin də Azərbaycanda multikulturalizmin inkişaf etdirilməsi olduğunu söyləyib. Baş müşavir, həmçinin hazırda gördükləri işlər, Azərbaycanda, eləcə də digər türk dövlətlərində reallaşdırmaq istədikləri layihələr haqqında məlumat verib.
Bekir Karlığa 2016-cı ildə BMT Sivilizasiyalar Alyansının 7-ci Qlobal Forumu kimi mötəbər bir tədbirin Azərbaycanda keçirilməsinin çox böyük əhəmiyyətinin olduğunu vurğulayıb.
Görüşdə Azərbaycanda və Türkiyədə mövcud olan və eyni amala xidmət edən qurumların gələcəkdə birgə əməkdaşlığının qurulması, ortaq layihələrin həyata keçirilməsi ilə bağlı fikir mübadiləsi aparılıb.

Tural




 
Bölməyə aid digər xəbərlər
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 “Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info