YAP Nərimanov rayon təşkilatı Gənclər Birliyinin IV konfransı keçirilib
Tarix: 13.03.2015 | Saat: 19:08:00 | E-mail | Çapa göndər


Nərimanov Rayon İcra Hakimiyyətində Yeni Azərbaycan Partiyası (YAP) Nərimanov rayon təşkilatı Gənclər Birliyinin IV konfransı keçirilib. Rayon rəhbərliyinin, Yeni Azərbaycan Partiyası Nərimanov rayon təşkilatının üzvlərinin, tələbə-gənclər təşkilatlarının sədrləri və partiya fəallarının qatıldığı konfransı giriş sözü ilə açan Yeni Azərbaycan Partiyası Nərimanov rayon təşkilatı Gənclər Birliyinin sədri Yusif Babanlı hesabat məruzəsi ilə çıxış edərək təşkilat tərəfindən ötən dövründə görülmüş işlər barədə məlumat verib.
Tədbirdə çıxış edən Nərimanov Rayon İcra Hakimiyyətinin başçısı Abdin Fərzəliyev Azərbaycanda gənclərin dövlət quruculuğu sahəsində müstəsna rolundan, onların ictimai-siyasi proseslərdə fəal iştirakından söz açıb. O, əsası ümummilli lider Heydər Əliyev tərəfindən qoyulan gənclər siyasətinin ölkəmizin bütün sahələrdə daha da inkişafına, onun beynəlxalq arenada layiqli yer tutmasına töhfə verdiyini diqqətə çatdırıb. A.Fərzəliyev Azərbaycan gənclərinin partiyanın müasir, inkişaf etmiş, yüksək intellektli aparıcı qüvvə kimi formalaşmasında Yeni Azərbaycan Partiyasının sədri, Prezident İlham Əliyevin rəhbərliyi altında həyata keçirilən gənclər siyasətinin mühüm rolu olduğunu bildirib.
Yeni Azərbaycan Partiyası icra katibinin müavini, Milli Məclisin deputatı Siyavuş Novruzov partiyanın sıralarında gün-gündən artan gənclərin dövlətimizin gələcəyini, inkişafını istiqamətləndirən cəmiyyətin aparıcı qüvvəsi olduğunu vurğulayıb. Deputat ölkə gənclərinin demokratikləşmə prosesində fəal iştirak etdiyini, mədəniyyət, incəsənət, elm və digər sahələrdə parlaq nailiyyətlər qazanaraq, dövlətçilik ənənələrini daim uca tutduğunu, çoxşaxəli islahatların reallaşdırılmasında yaxından iştirak etdiyini vurğulayıb.
YAP Nərimanov rayon təşkilatının sədri Təmraz Tağıyev dövlətimizin gənclərə verdiyi stimul nəticəsində öz potensiallarından səmərəli istifadə edərək və Prezident İlham Əliyevin ətrafında sıx birləşən gənclərin ölkəmizin daha dinamik inkişafı istiqamətində bundan sonra da ləyaqətlə xidmət edəcəklərinə əminlik ifadə edib.
Nərimanov Rayon Gənclər və İdman İdarəsinin rəisi Nəcəf Novruzov Azərbaycanda gəncliyin potensialına böyük önəm verilməsi, onların qayğı və problemlərinin həll olunması, istək və arzularının reallaşması üçün hər cür əlverişli şəraitin yaradıldığını qeyd edib.
Tədbirdə hesabat dövründə görülən işlər qənaətbəxş hesab edilib, YAP Nərimanov rayon təşkilatı Gənclər Birliyinə gələcək fəaliyyətlərində, ölkənin, o cümlədən rayonun ictimai-siyasi həyatında daha fəal iştirak etmələri tövsiyə olunub.
Sonra konfransda təşkilati məsələlərə baxılıb. YAP Nərimanov rayon təşkilatı Gənclər Birliyinin şura və idarə heyətinin üzvləri, sədr və müavinləri, həmçinin YAP Gənclər Birliyinin respublika konfransına nümayəndələr seçilib.
Yekunda Yeni Azərbaycan Partiyasının sıralarına yeni daxil olmuş gənclərə partiyanın üzvlük vəsiqələri təqdim olunub.

Nigar




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info