“Nyu Meksiko ştatı Azərbaycanı bundan sonra da dəstəkləyəcək“
Tarix: 16.03.2015 | Saat: 15:32:00 | E-mail | Çapa göndər


ABŞ-ın Nyu Meksiko ştatının qubernatoru Suzana Martinez Azərbaycan nümayəndələrini qəbul edib.
Görüş zamanı qubernator S.Marinezə Xocalı qətliamının 23-cü ildönümü ilə bağlı açıqlamasına görə təşəkkür edilib, bu kimi faciələrin təkrarlanmaması üçün Ermənistan-Azərbaycan Dağlıq Qarabağ münaqişəsinin beynəlxalq hüququn ümumtanınmış prinsip və normalarına eləcə də bu münaqişə ilə bağlı beynəlxalq təşkilatlar tərəfindən qəbul olunmuş sənədlərə əsasən öz həllini tapmasına yönəlmiş səylərin artırılmasının zəruri olduğu bildirilib.
Görüş zamanı Azərbaycan ilə Nyu Meksiko ştatı arasında münasibətlərin yüksək səviyyədə olduğunu məmnunluqla qeyd edən Azərbaycan Respublikasının ABŞ-dakı səfirliyinin müşaviri Məmməd Talıbov bu əlaqələrin daha da inkişaf etdirilməsinin və bu baxımdan tərəflər arasında əməkdaşlıq imkanlarının öyrənilməsi vacibliyini bildirib. O, eyni zamanda Azərbaycanın müasir inkişafı, mədəniyyətlər və dinlərarası dialoqa verdiyi töhfə, həmçinin ölkəmizin ev sahibliyi edəcəyi beynəlxalq əhəmiyyətli tədbirlər barədə ətraflı məlumat verib.
Qubernator Martinez öz növbəsində Azərbaycanın ABŞ üçün önəmini və ölkəmizin yaxın müttəfiq olduğunu vurğulayaraq Nyu Meksiko ştatının Azərbaycanı bundan sonra da dəstəkləyəcəyini bəyan edib. O, Nyu Meksiko ştatının ölkəmizlə əlaqələri daha da genişləndirməkdə maraqlı olduğunu deyərək, xüsusilə iqtisadi sahədə əməkdaşlıq imkanlarının araşdırılmasının vacibliyinə toxunub.
Qeyd edək ki, S.Martinez Nyu Meksiko tarixində seçilmiş ilk qadın qubernator, ABŞ tarixində isə ilk ispandilli qadın qubernator kimi tanınıb.
Həmin gün Azərbaycan nümayəndələri Nyu Meksiko ştatı Senatının plenar iclası zamanı senat üzvləri tərəfindən rəsmi olaraq salamlanıb, Nyu Meksiko Senatı tərəfindən bu il qəbul edilmiş Azərbaycanda qədim tolerantlıq ənənələrini alqışlayan qətnamənin surəti Azərbaycan tərəfinə təqdim edilib.
Senatın sədr müavini (Senate president pro-tempore) Meri Key Papen, həmçinin bir sıra digər senatorlarla görüşlər zamanı Azərbaycanın ABŞ üçün əhəmiyyəti, ölkəmizdə müstəqillik bərpa olunduqdan sonra, xüsusilə son iyirmi ildə bütün sahələrdə əldə edilmiş gözəçarpan nailiyyətlər, həmçinin Nyu Meksiko ilə ölkəmiz arasında mövcud münasibətlər müzakirə edilib. Bundan əlavə, Ermənistan-Azərbaycan, Dağlıq Qarabağ münaqişəsi və ölkəmizə qarşı davam edən təcavüz barədə həqiqətlər həmsöhbətlərin diqqətinə çatdırılıb.
12 mart tarixində Azərbaycan diplomatı Nyu Meksiko Nümayəndələr Palatasının spikeri Don Tripplə görüş zamanı ona Azərbaycan Dostları Assambleyası (AFAZ-) təşkilatçılığı ilə ABŞ-ın bir sıra ştatları ilə yanaşı, Nyu Meksikoda da keçirilmiş Xocalı qətliamının anılması üzrə tədbirdə iştirak etdiyinə görə təşəkkürünü bildirib.
Ümumiyyətlə, Nyu Meksiko senatı və nümayəndələr palatasının üzvləri ilə görüşlər zamanı son illər Nyu Meksiko qanunverici orqanları tərəfindən Azərbaycanla bağlı qəbul olunmuş qətnamələrin, o cümlədən Xocalı qətliamının tanınması, Dağlıq Qarabağ münaqişəsinin həlli və Azərbaycanda tolerantlığın səviyyəsinin nümunəvi olması barədə, eləcə də Azərbaycan icması və Azərbaycanın ABŞ-dakı Səfirliyi və Los Anceles şəhərindəki Baş Konsulluğu ilə həyata keçirdiyi əməkdaşlığın yüksək qiymətləndirildiyi bildirilib.
Qeyd etmək lazımdır ki, 2010-cu ildən Nyu Meksiko ştatının paytaxtı Santa Fe şəhərində ABŞ-da Azərbaycanın yeganə fəxri konsulu Art MakHafi fəaliyyət göstərir.
Tural




 
Bölməyə aid digər xəbərlər
17.01.2019
Sosial şəbəkələrdə müxalifətin çağırışlarına maraq yoxdur
17.01.2019
Rusiya-Türkiyə-Azərbaycan əməkdaşlıq formatı: dünyanın enerji xəritəsində yeni hadisə
17.01.2019
Elmar Məmmədyarov “İnterfaks” agentliyinə eksklüziv müsahibə verib
17.01.2019
Baş Narkotiklərlə Mübarizə İdarəsində müşavirə keçirilib
17.01.2019
Konsulluqla bağlı bəzi məsələlərin “ASAN xidmət”ə verilməsi müraciətlərin operativ həllini təmin edəcək

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info