“Rusiya ABŞ-ın hərbi planlarını məhv edib”
Tarix: 17.03.2015 | Saat: 23:24:00 | E-mail | Çapa göndər


“Krımın Rusiyaya birləşdirilməsi, ABŞ və ümumilikdə Qərbin bu
yarımadada hərbi-dəniz bazası yaratmaq arzusunu gözündə
qoyub”


“Bir çox xarici ekspertin iddiasına görə, NATO uzun müddət idi ki, nadir dəniz bazasına malik olan Sevastopolu öz təsiri altına almaqla Rusiyanın Qara dənizdəki fəaliyyətini məhdudlaşdırmağa çalışırdı. Lakin Şimali Atlantika alyansı bu planını həyata keçirmək imkanından məhrum oldu. Krımın Rusiyaya birləşdirilməsi, ABŞ və ümumilikdə Qərbin bu yarımadada hərbi-dəniz bazası yaratmaq arzusunu gözündə qoyub.
Bununla da NATO-nun Şərqi Avropadakı ambisiyalarına böyük zərbə vuruldu”. Bu fikirləri “Sputnik” telekanalına müsahibə verən xarici siyasətçilər bəyan ediblər. Britaniyalı ekspert, “Politiks” jurnalının baş redaktoru First Markus hesab edir ki, NATO Krımda hərbi-dəniz bazasına malik olmağı çoxdan arzulayırdı: “Alyans bu istəyini həyata keçirəcəyi təqdirdə, Qara dənizdə Rusiyanın mövqeyini sarsıtmış olacaqdı. Vaşinqtonun Krımla bağlı planları qeyri-müəyyən müddətə təxirə düşüb. Sevastopol dünyanın ən heyrətamiz bazalarından biridir. Amma hazırkı şərait deməyə əsas verir ki, NATO-nun Şərqi Avropadakı ambisiyaları zərbəyə məruz qalıb”. Serbiyalı siyasətçi, “Chronicles” jurnalının xarici siyasət məsələləri üzrə redaktoru Sredja Trifkoviç isə iddia edir ki, NATO-nun Sevatopoldan “ləyaqətlə” imtina etmək istəyi o qədər də ağlabatan deyil: “Unutmaq lazım deyil ki, Sovet İttifaqının süqutundan sonra Şimali Atlantik alyansı bütün zəmanətlərə baxmayaraq, artıq iki dəfə genişlənmə dalğası həyata keçirib. Krımın Rusiyanın tərkibinə qatılması Serbiya və Kosovodakı vəziyyətlə müqayisədə ABŞ-ın ikili standartlarına parlaq nümunədir. Ötən əsrin 90-cı illərinin sonlarında ABŞ beynəlxalq hüquq normalarını və BMT mexanizmini məhv edərək, Kosovonu Serbiyadan ayıraraq müstəqil dövlət elan etdi. Krımda keçirilən referendumda yarımada əhalisinin 96 faizi Rusiya ilə birləşmənin lehinə səs versə də, Avropa nəticələri tanımır. Məsələ ondadır ki, hazırda Krım Avropanın əlində Rusiyaya təzyiq və sanksiyalar tətbiq etməyi davam etdirmək üçün bəhanədir. Əminliklə bəyan edirəm ki, Qərb Rusiyaya təzyiq alətini itirməmək üçün Krımın birləşməsini tanımayacaq”.
Ağasəf Babayev




 
Bölməyə aid digər xəbərlər
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info