“Okland İnstitutu”: “Qərb Ukraynanın bərəkətli qara torpaqlarına yiyə durmaq istəyir”
Tarix: 18.03.2015 | Saat: 19:37:00 | E-mail | Çapa göndər


“Qərb şirkətləri çox cidd-cəhdlə öz investisiyalarını Ukraynaya yatırırlar ki, bu da Ukrayna kənd təsərrüfatının Qərb konsernlərinə təslim edilməsinə bərabərdir”

Ukrayna uğrunda Qərb-Rusiya qarşıdurmasının səbəbləri barədə çox yazılıb. Bu baxımdan Qərb ekspertlərinin fikirləri xüsusilə maraq doğurur. Məsələn, “Okland İnstitutu” Kaliforniya araşdırma mərkəzinin direktoru, ərzaq təhlükəsizliyi məsələləri ilə məşğul olan Frederik Mussoya situasiya son dərəcə aydındır: Qərb Ukraynanın bərəkətli qara torpaqlarına yiyə durmaq istəyir. Və bu qətiyyən metafora deyil”.
Qeyd edək ki, bu barədə Almaniya qəzeti “Die Zeit”in iqtisadiyyat yazarı Aleksandra Endres yazıb. Bildirilir ki, institutun iki yeni məruzəsində bildirilib ki, böyük Qərb, o cümlədən amerikan konsernlərinin Ukrayna qara torpaqlarına maraqları nə dərəcədə yüksəkdir.
Bu baxımdan məruzədə adı çəklilən konsernlərdən “Monsanto” konserni də var. Bu konsern genetik modifikasiya olunmuş məhsulları tənqidi ilə məşhurdur. Bundan başqa, “Cargill” aqroşirkəti və “DuPont” kimyəvi şirkətinin adı çəkilir.
Mussonun məlumatına görə, son zamanlar, Qərb şirkətləri çox cidd-cəhdlə öz investisiyalarını Ukraynaya yatırırlar ki, bu da praktiki olaraq Ukrayna kənd təsərrüfatının Qərb konsernlərinə təslim edilməsinə bərabərdir.
Dünya Bankı və Beynəlxalq Valyuta Fondu kimi Qərb maliyyə təşkilatları isə ekspertin sözlərinə görə, “öz siyasətləri vasitəsilə kapitalın maraqlarını qoruyurlar”.
“Okland İnstitutu”nun direktoru hesab edir ki, kənd təsərrüfatı sektoruna nəzarət uğrunda mübarizə həmişə Qərblə Şərq arasında soyuq müharibə dövründən başlayan böyük münaqişədə həlledici faktor olub.
Keçmiş Ukrayna prezidenti Viktor Yanukoviç Ukraynanın Qərbə güclü inteqrasiyasına qarşı çıxmaqla Ukrayna böhranının yaranmasında açar rolunu oynadı.
Ümumiyyətlə, xarici investorların Ukrayna torpaqlarına marağı 2007-2008-ci illərdə beynəlxalq ərzaq böhranından sonra yaranıb. Ukrayna hökuməti o vaxt qısa müddətə kənd təsərrüfatı məhsullarının ixracını dayandırmışdı və bu, dünyanın bir çox ölkələrində çörəyin qiymətinin artmasına, bir sıra ölkələrdə aclıq aksiyalarına səbəb olmuşdu.
Ukrayna qarğıdalı ixracına görə dünyada üçüncü, buğdaya görə yeddincidir. Ukrayna öz məhsullarını Şimali Afrika və Yaxın Şərq ölkələrinə satır. Ukraynanın münbit torpaqlarının ümumi sahəsi 32 milyon hektardır və bu, Avropa Birliyinin bütün şumlanan torpaqlarının üçdəbir hissəsini təşkil edir.

İlkin AĞAYEV




 
Bölməyə aid digər xəbərlər
18.09.2018
Türkiyə İdlibə əlavə hərbi kontingent göndərəcək
18.09.2018
“Azərbaycan-Qətər əməkdaşlığının inkişafı üçün geniş perspektivlər var”
18.09.2018
Krivoy Roqdakı soydaşlarımız festivala hazırlaşırlar
18.09.2018
Paşinyanın mətbuata hücumu başladı
18.09.2018
Ermənistan XİN Nikol Paşinyanın səhvlərini ört-basdır etməyə çalışır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10119

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 “Bu il sığorta bazarı 40 faizdən çox genişlənib, yığımlar artıb”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info