“TANAP enerji qaynaqlarının diversifikasiyası üçün yaxşı bir nümunədir”
Tarix: 30.03.2015 | Saat: 16:58:00 | E-mail | Çapa göndər


“Ölkələrin tək bir ölkədən enerji təchizatına bağlı olması və ya bir ölkədən həddindən çox asılı olması heç bir zaman yaxşı bir şey deyil. Xüsusilə də, əgər bu ölkənin enerji təchizatı ona qarşı siyasi bir vasitə kimi istifadə olunursa”.
Bu sözləri Türkiyənin “Hürriyyət” qəzetinə müsahibəsində ABŞ-ın Xarici İşlər Nazirliyinin Beynəlxalq Enerji Əlaqələri üzrə özəl təmsilçisi Amos Hokştayn (Amos Hochstein) bildirib.
Onun sözlərinə görə, bu vəziyyətin qarşısını almaq üçün həm enerji təchizatını təmin etmək, həm də enerjinin nəql olunduğu marşrutlar diversifikasiya edilməlidir: “Trans-Anadolu (TANAP) qaz boru kəməri bu iki əsas meyarı yerinə yetirən bir layihədir. Təbii qaz, həm yeni bir tədarükçü, həm də yeni bir yolla gəlir.TANAP enerji qaynaqlarının diversifikasiyası üçün yaxşı bir nümunədir”.
A. Hokştayn deyib ki, bu layihənin sayəsində ilk dəfə olaraq Azərbaycan qazını Avropa bazarına çatdırmaq mümkün olacaq: “Layihənin keçdiyi marşrut da çox əhəmiyyətlidir. Layihə Ukrayna və ya Rusiyadan yox, Türkiyə üzərindən keçir. Türkiyədən keçib İtaliyaya çatdığında isə bu bizə Yunanıstandan Bolqarıstana uzanan yeni bir boru xətti inşa etməyə imkanı verəcək. Boru kəməri Bolqarıstandan da Serbiya, Rumıniya və Macarıstana bağlana bilər. Bu səbəbdən Türkiyədən başlayan bu marşrut bizə əhəmiyyətli bir rahatlıq təmin edəcək”.
ABŞ rəsmisi bildirib ki, TANAP 10 ildir hazırlığı aparılan bir layihədir: “TANAP Azərbaycan, Türkiyə və Gürcüstan hökumətlərinin güclü bir şəkildə öhdəliklərin götürdüyü bir layihədir. Türkiyə prezidenti Rəcəb Tayyib Ərdoğan və bu ölkənin enerji və təbii sərvətlər naziri Taner Yıldız layihənin təməlatma mərasimində bu öhdəliyi bir daha dilə gətirdilər”.
Amerikalı enerji eksperti deyib ki, bu səbəbdən də TANAP bu gün hər kəsin diqqətinin cəlb olunduğu və tamamlanması üçün səy göstərəcəyi bir layihə olmalıdır: “İstər Türkiyə, istərsə də Avropa üçün ən yaxşısı budur”.
Tural




 
Bölməyə aid digər xəbərlər
25.04.2019
Azərbaycan nefti bahalaşır
24.04.2019
Azərbaycanda startapçılara geniş imkanlar təqdim edən “Falcons Summit” sammiti keçirilir
24.04.2019
KOBİA-da Səudiyyə Ərəbistanı Krallığının dövlət və özəl qurumlarının nümayəndələri ilə görüş keçirilib
24.04.2019
“Təminat qeydi - Yeni inşa edilən mənzillərin təhlükəsiz hüquqi dövriyyəsinin üsulu” mövzusunda dəyirmi masa keçiriləcək
23.04.2019
Diplomatik korpusun nümayəndələrinə Azərbaycanda aparılan aqrar islahatlar barədə məlumat verilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 Gülnar Səmanın kitabının təqdimatı keçiriləcək
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info